Maleaki 4
4
Oleo-Do i Ue
4:1-6
1Menteeano oleo atuu hawe, melanga kana pompuuria api. Luwuno mia mompelangka-langkai ka mia anu moweweu gau mosa'o gagi kana seami. Oleo anu hawe atuu ta tumunu ira, pau-Do Ueno luwuakoano, ranta nahina binintano haka ka sampado. 2Ndi omiu anu dumoitoakono nee-Ku ta mesabaakowanta menteea saru pompokotompa a mpanino. Komiu mpeluarako ka mpelonso-lonso kana anano sapi toola inso a walano. 3Komiu melolanda ira mia mosa'o gaudo, hangano ira megagi awu a ntoto mpelengkarumiu, a oleo Kupohuku, pau-Do Ueno luwuakoano. 4Impewowoloomo Taura anu Kuparentaakono i Musa, tetenaa-Ku, i torukuno Hore tiado luwuno to Isaraeli, onaemo luwuno pompakosi ka luwuno songka. 5#Mat. 11:14; 17:10-13; Mrk. 9:11-13; Luk. 1:17; Yoh. 1:21 Menteeano Aku tumenao nabi Elia aiwa ndi omiu tewala tamo hawe oleo-Do i Ue anu langkai ka mongkokongiri atuu. 6Onae ta weweuo aroano luwuno ama mepokule a anano ka aroano luwuno ana te'aro ndi amano ka si Kuhawe rumawo-rawoo tolino.
S'ha seleccionat:
Maleaki 4: XMZ
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió