Romye 15
15
1Hɨm minə dwat a vor mwadiyale a humwa Həmɨnpwa, ɓə wula mye tawa nggurəm mbasɨtə ka myee mwadiyale darən aa nyerə. Ɓe myaa nzam ka mwo nənəngəm ɓəmbə. 2Ndɨka nagi ndo ma a wakasəm a ɗa nzə-vɨnəgən sə pepeye a wule sa ɓa gwadə nzə-vɨnəgən hanɨngən nda nyerə a kangə dwat. 3Gələ nagi ndi Ma Həmɨnpwa a Yaɓwarən nə, ndaa ɨl hanɨngtɨ nənəngɨn. Shezə ɓətɨ mya doro atɨ, “Wule sharte mya sharta, hɨnə mya sharti a kɨɗe.”#15.3 Naasə: Dyemshe 69.9. 4Nagi ndo sə kat mya doro vor Malɨmtɨ Ɗəmɗəmtə, mya dor səngɨn gə mya kənəmshe, hɨm a bəmdə myensəm a humwa, dɨ ha ɓwamosowe ka nyerədəha dɨ haka Malɨmtɨ Ɗəmɗəmtə.
5Maa Həmɨnpwa, ndi ma dɨ vədə gətɨ ɓwamosowe ka nyerəha, a gwadəwnə hwuna pedə nəngəwnə a gə hiɗə a vor koɗə Yesu Ma Həmɨnpwa a Yaɓwarən. 6Na ɗa hiwtɨnə gələ hwun ta fukadə Həmɨnpwa ndi Baagə Həmɨmiye dam Yesu Ma Həmɨnpwa a Yaɓwarən ka hubosəwnə hiɗə dɨ ha ləməgyee dɨ dɨma dɨ kwaamɨngəwnə.
7Luwomsə, hwuna kətsə pepe, ɓətɨya Ma Həmɨnpwa a Yaɓwarən a lurəwnə, gələ Həmɨnpwa a ɗɨm fukatə. 8Hɨn boyownə atɨ Ma Həmɨnpwa a Yaɓwarən a shi a gəə kɨsa a haka Yawude gə ɓwaare a lee tikɨsta Həmɨnpwa, nda naadə la nda boyo a nza yə sɨnggərən dən. 9Gələ myee aa Yawude a ndukodə Həmɨnpwa gə purutɨ dan, ɓətɨya mya doro atɨ,
“Hɨn ɓa nduko da a waka myee aa Yawude,
na ɓondi kwakɨnga ka dyemshe.”#15.9 Naasə: 2 Samaila 22.50; Dyemshe 18.49.
10Sə mgban Malɨmtɨ Ɗəmɗəmtə a boyo ɓə atɨ,
“Hwun myee aa Yawude,
ɗam hanɨngtə ɓwaa ka myee da Həmɨnpwa 'ye nda nggɨlə.”#15.10 Naasə: Gɨraha 32.43.
11Mya mɨna boyo atɨ,
“Hwun myee aa Yawude,
ɓondiyəm Həmɨnpwa,
hwun ɓwaare kat,
ndukomdən.”#15.11 Naasə: Dyemshe 117.1.
12Ishaya a mɨna boyo atɨ,
“Ama ɓa dɨma dɨ kwirə Jesi,
Həmɨnpwa ɓa maddən
gə nda ɗa həmne a nə ɓwaare kat,
a hakan tən myee aa Yawude
ɓa bədə myensərən.”#15.12 Naasə: Ishaya 11.10.
13Maa Həmɨnpwa, ndi ma mya dɨ bədə myentə a hakan a naa dəwnə ka hanɨngtə ka ɗoltə ka ite hwuna mwakan a tingɨrən, gə hwuna naa pas ka bədə myentə a hakan dɨ ha gəta Pitɨ Ɗəmɗəmtə.
Lyenta Bulus a haka myee aa Yawude
14Ji-nuwogi, hɨn mwaka sate atɨ hwun mi fyemi, hwun lee shee Həmɨnpwa a dɨ mwo atɨ hwuna leyə baa tɨlə ite kana hwuna kənəsə shee. 15A vor malɨmtɨnə na dorownə, taa ɓownə də asə. Sa ɗa na ɓə bɨləwnə ləməgingɨn bwang nə atɨ, na mɨna ɗyangəwnə le a nəngrən, gələ Həmɨnpwa wulake. 16Na gəə nzə-lyenta Yesu Ma Həmɨnpwa a Yaɓwarən nə, ta ɗa lyenta kɨsahəme gə tən myee aa Yawude a ɗɨmə a gəə həmtɨ pepete Həmɨnpwa ɓa luwo, a wule ite Pitɨ Ɗəmɗəmtə a vomiyərə.
17Gə-angɨn na dɨ məndaranye ka lyente na dɨ ɗa Həmɨnpwa gə hɨnə hɨnggə Yesu Ma Həmɨnpwa a Yaɓwarən. 18Taa dɨ mwamdiya a bwe alə a nə asə som pɨrgə shee Ma Həmɨnpwa a Yaɓwarən a gwadi na ɗa dɨ ha jin myee aa Yawude gə təna koddə le da Həmɨnpwa. Dɨ ha byele de ka shee na duwa ɗa a wakasərən – 19bɨldə sɨndəle ka səkushipe dɨ ha gəta Pitə. Dɨ Urshelima na woyo a takadə hee baa Ilirikum, a boyə ɓwaare ləmə feme da Ma Həmɨnpwa a Yaɓwarən asə aa mbiɗi. 20Fərə-fərə, sa na dɨ hɨmagə ɗasən nə na bwe ləmə feməngɨn a mbiɗitɨ hee myaa ndaga kɨla kwakɨ Ma Həmɨnpwa a Yaɓwarən də, gəkɨlə ɓe naa mɨn-magba a nə lyente ama som a ɗa. 21Shezə ɓətɨ mya doro atɨ,
“Myee myaa ndaga boyərən le a nəngɨn ɓa nan,
myee aa ndaga kɨlə ɓa lee ləngɨn.”#15.21 Naasə: Ishaya 52.15.
22Angɨn nə ɗɨki mba-dɨ-mba mya kəri shitə a hakəwnə.
Bulus nə nza nə zətə a Roma
23Ɓəgəng taa lyenti ke a base hee nə. Hɨnə ka hɨmatə kiwatə hananang gə na nəwnə, 24hɨn ngguro huboshi na nəwnə hɨn kana dɨ muɗə Spen. Mwotɨ de nə na koɗə dɨ hakəwnə hɨn kana dɨ pɨrə gələ hwuna gwadi a omotɨ de, a beetɨ ite hɨn nza ɗɨm bətə a hakəwnə. 25Gəngnə hɨnə dɨ muɗə Urshelima gə na zəkarən ka taa mya pedən gə le darən tən myee Həmɨnpwa a vomiyərən. 26Gə ji-kotte a njiya Masɨdoniya ka njiya Akaya a pedə taangɨn ka hanɨngtə gə mya gwadə myee taa ɗati kaarən a waka mingɨn 'ye a Urshelima. 27Tənə ka nənəngrən mwa ɗa angɨn. Ɓətɨya ji-kotte aa Yawude a ɗɨm pepeta Pitə ɓwaa ka Yawude, sə mgban ɓəgəng ɓə wula tən myee aa Yawude təna pɨraa gwadə Yawude ka wule gɨnəte təna gə kaarə. 28Beetɨ ite hɨn tɨlə və mi Urshelima taa mya pedən gə le darən, hɨn ɓa ɗɨrə a nəwnə na ɓə pɨrə a muɗə Spen. 29Hɨn leyə atɨ hɨn kana tɨlə hakəwnə, hɨn ɓa zə kəwnə ka wule gbaktɨ pepetə, a ite Ma Həmɨnpwa a Yaɓwarən ɓa vəwnə.
30Hɨnə dɨ nyisəwnə ji-nuwo, gə Həmɨmiye dam Yesu Ma Həmɨnpwa a Yaɓwarən, ka mɨni mwoha Pitə a vəm, hwuna gə ɓwaa ke a vor ɓəre de ta ɗa Həmɨnpwa hiwtə gə le de. 31Gwamdi ka hiwtə gə Həmɨnpwa a mbədi gə tɨfə myee aawa koddə le da Həmɨnpwa 'ye a vor njiya Yawudiya, gə mbiɗitɨ myee da Həmɨnpwa 'ye a vor Urshelima a naa pepetɨ lyentɨ de a lutɨrə. 32Ɗemi hiwtə, Həmɨnpwa kana mwa na pɨrə a zə hakəwnə a vor hanɨngtə, hɨm a peyəm a piyam kat. 33Maa Həmɨnpwa, ndi ma dɨ vədə ɗoltə a nza ɓwaa kəwnə kat. Amin.
S'ha seleccionat:
Romye 15: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 15
15
1Hɨm minə dwat a vor mwadiyale a humwa Həmɨnpwa, ɓə wula mye tawa nggurəm mbasɨtə ka myee mwadiyale darən aa nyerə. Ɓe myaa nzam ka mwo nənəngəm ɓəmbə. 2Ndɨka nagi ndo ma a wakasəm a ɗa nzə-vɨnəgən sə pepeye a wule sa ɓa gwadə nzə-vɨnəgən hanɨngən nda nyerə a kangə dwat. 3Gələ nagi ndi Ma Həmɨnpwa a Yaɓwarən nə, ndaa ɨl hanɨngtɨ nənəngɨn. Shezə ɓətɨ mya doro atɨ, “Wule sharte mya sharta, hɨnə mya sharti a kɨɗe.”#15.3 Naasə: Dyemshe 69.9. 4Nagi ndo sə kat mya doro vor Malɨmtɨ Ɗəmɗəmtə, mya dor səngɨn gə mya kənəmshe, hɨm a bəmdə myensəm a humwa, dɨ ha ɓwamosowe ka nyerədəha dɨ haka Malɨmtɨ Ɗəmɗəmtə.
5Maa Həmɨnpwa, ndi ma dɨ vədə gətɨ ɓwamosowe ka nyerəha, a gwadəwnə hwuna pedə nəngəwnə a gə hiɗə a vor koɗə Yesu Ma Həmɨnpwa a Yaɓwarən. 6Na ɗa hiwtɨnə gələ hwun ta fukadə Həmɨnpwa ndi Baagə Həmɨmiye dam Yesu Ma Həmɨnpwa a Yaɓwarən ka hubosəwnə hiɗə dɨ ha ləməgyee dɨ dɨma dɨ kwaamɨngəwnə.
7Luwomsə, hwuna kətsə pepe, ɓətɨya Ma Həmɨnpwa a Yaɓwarən a lurəwnə, gələ Həmɨnpwa a ɗɨm fukatə. 8Hɨn boyownə atɨ Ma Həmɨnpwa a Yaɓwarən a shi a gəə kɨsa a haka Yawude gə ɓwaare a lee tikɨsta Həmɨnpwa, nda naadə la nda boyo a nza yə sɨnggərən dən. 9Gələ myee aa Yawude a ndukodə Həmɨnpwa gə purutɨ dan, ɓətɨya mya doro atɨ,
“Hɨn ɓa nduko da a waka myee aa Yawude,
na ɓondi kwakɨnga ka dyemshe.”#15.9 Naasə: 2 Samaila 22.50; Dyemshe 18.49.
10Sə mgban Malɨmtɨ Ɗəmɗəmtə a boyo ɓə atɨ,
“Hwun myee aa Yawude,
ɗam hanɨngtə ɓwaa ka myee da Həmɨnpwa 'ye nda nggɨlə.”#15.10 Naasə: Gɨraha 32.43.
11Mya mɨna boyo atɨ,
“Hwun myee aa Yawude,
ɓondiyəm Həmɨnpwa,
hwun ɓwaare kat,
ndukomdən.”#15.11 Naasə: Dyemshe 117.1.
12Ishaya a mɨna boyo atɨ,
“Ama ɓa dɨma dɨ kwirə Jesi,
Həmɨnpwa ɓa maddən
gə nda ɗa həmne a nə ɓwaare kat,
a hakan tən myee aa Yawude
ɓa bədə myensərən.”#15.12 Naasə: Ishaya 11.10.
13Maa Həmɨnpwa, ndi ma mya dɨ bədə myentə a hakan a naa dəwnə ka hanɨngtə ka ɗoltə ka ite hwuna mwakan a tingɨrən, gə hwuna naa pas ka bədə myentə a hakan dɨ ha gəta Pitɨ Ɗəmɗəmtə.
Lyenta Bulus a haka myee aa Yawude
14Ji-nuwogi, hɨn mwaka sate atɨ hwun mi fyemi, hwun lee shee Həmɨnpwa a dɨ mwo atɨ hwuna leyə baa tɨlə ite kana hwuna kənəsə shee. 15A vor malɨmtɨnə na dorownə, taa ɓownə də asə. Sa ɗa na ɓə bɨləwnə ləməgingɨn bwang nə atɨ, na mɨna ɗyangəwnə le a nəngrən, gələ Həmɨnpwa wulake. 16Na gəə nzə-lyenta Yesu Ma Həmɨnpwa a Yaɓwarən nə, ta ɗa lyenta kɨsahəme gə tən myee aa Yawude a ɗɨmə a gəə həmtɨ pepete Həmɨnpwa ɓa luwo, a wule ite Pitɨ Ɗəmɗəmtə a vomiyərə.
17Gə-angɨn na dɨ məndaranye ka lyente na dɨ ɗa Həmɨnpwa gə hɨnə hɨnggə Yesu Ma Həmɨnpwa a Yaɓwarən. 18Taa dɨ mwamdiya a bwe alə a nə asə som pɨrgə shee Ma Həmɨnpwa a Yaɓwarən a gwadi na ɗa dɨ ha jin myee aa Yawude gə təna koddə le da Həmɨnpwa. Dɨ ha byele de ka shee na duwa ɗa a wakasərən – 19bɨldə sɨndəle ka səkushipe dɨ ha gəta Pitə. Dɨ Urshelima na woyo a takadə hee baa Ilirikum, a boyə ɓwaare ləmə feme da Ma Həmɨnpwa a Yaɓwarən asə aa mbiɗi. 20Fərə-fərə, sa na dɨ hɨmagə ɗasən nə na bwe ləmə feməngɨn a mbiɗitɨ hee myaa ndaga kɨla kwakɨ Ma Həmɨnpwa a Yaɓwarən də, gəkɨlə ɓe naa mɨn-magba a nə lyente ama som a ɗa. 21Shezə ɓətɨ mya doro atɨ,
“Myee myaa ndaga boyərən le a nəngɨn ɓa nan,
myee aa ndaga kɨlə ɓa lee ləngɨn.”#15.21 Naasə: Ishaya 52.15.
22Angɨn nə ɗɨki mba-dɨ-mba mya kəri shitə a hakəwnə.
Bulus nə nza nə zətə a Roma
23Ɓəgəng taa lyenti ke a base hee nə. Hɨnə ka hɨmatə kiwatə hananang gə na nəwnə, 24hɨn ngguro huboshi na nəwnə hɨn kana dɨ muɗə Spen. Mwotɨ de nə na koɗə dɨ hakəwnə hɨn kana dɨ pɨrə gələ hwuna gwadi a omotɨ de, a beetɨ ite hɨn nza ɗɨm bətə a hakəwnə. 25Gəngnə hɨnə dɨ muɗə Urshelima gə na zəkarən ka taa mya pedən gə le darən tən myee Həmɨnpwa a vomiyərən. 26Gə ji-kotte a njiya Masɨdoniya ka njiya Akaya a pedə taangɨn ka hanɨngtə gə mya gwadə myee taa ɗati kaarən a waka mingɨn 'ye a Urshelima. 27Tənə ka nənəngrən mwa ɗa angɨn. Ɓətɨya ji-kotte aa Yawude a ɗɨm pepeta Pitə ɓwaa ka Yawude, sə mgban ɓəgəng ɓə wula tən myee aa Yawude təna pɨraa gwadə Yawude ka wule gɨnəte təna gə kaarə. 28Beetɨ ite hɨn tɨlə və mi Urshelima taa mya pedən gə le darən, hɨn ɓa ɗɨrə a nəwnə na ɓə pɨrə a muɗə Spen. 29Hɨn leyə atɨ hɨn kana tɨlə hakəwnə, hɨn ɓa zə kəwnə ka wule gbaktɨ pepetə, a ite Ma Həmɨnpwa a Yaɓwarən ɓa vəwnə.
30Hɨnə dɨ nyisəwnə ji-nuwo, gə Həmɨmiye dam Yesu Ma Həmɨnpwa a Yaɓwarən, ka mɨni mwoha Pitə a vəm, hwuna gə ɓwaa ke a vor ɓəre de ta ɗa Həmɨnpwa hiwtə gə le de. 31Gwamdi ka hiwtə gə Həmɨnpwa a mbədi gə tɨfə myee aawa koddə le da Həmɨnpwa 'ye a vor njiya Yawudiya, gə mbiɗitɨ myee da Həmɨnpwa 'ye a vor Urshelima a naa pepetɨ lyentɨ de a lutɨrə. 32Ɗemi hiwtə, Həmɨnpwa kana mwa na pɨrə a zə hakəwnə a vor hanɨngtə, hɨm a peyəm a piyam kat. 33Maa Həmɨnpwa, ndi ma dɨ vədə ɗoltə a nza ɓwaa kəwnə kat. Amin.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.