Romye 16
16
Wunakaha da Bulus
1Hɨnə dɨ humwa Fibi a hakəwnə atɨ, nggi nji-kottɨ pepeti, dɨ gwadəha ka lyentə a vɨnə hiwtɨ Senkɨriya. 2Zə luwomtɨrə gələ kote hiɗə a vor myee da Həmɨnpwa. Hwuna gwadə anda kote dɨ ɨl gwadəha dɨ hakəwnə, gəkɨlə nggi gwadə ɓwaare hananang ka hɨn kat.
3Wunamka Bɨriskila ka Akila, tənə yə ndewe lyentɨ de a vor lyenta Yesu Ma Həmɨnpwa a Yaɓwarən. 4Tənə vədə myensərən gə le de. Hɨnə dɨ ɗarən usəkətə, aa hɨnə hiɗə ɓəmbə, kat ka ji-kottɨnə a vəni hiwta myee aa Yawude nə dɨ ɗarən usəkətə.
5Wunamka ji-kotte dɨ peyə vor hwodarən tən yə Bɨriskila ka Akila dɨ ɗa hiwtə.
Wunamka ndewogi Ifenetus a na dɨ mworən, sɨnə ma kwaməte gəə nzə-koɗə Ma Həmɨnpwa a Yaɓwarən a vor njiya Asiya.
6Wunamka Maryamu ite gwadəwnə lyentə kɨr-kɨr.
7Wunamka Andɨronikus ka Juniyas, tənə Yawudee mya gbenə kaarən a vɨnə gbərəwe, tən kpe-lagbi 'ye mya leetɨrən twa, tənə myee tiyagi luu Ma Həmɨnpwa a Yaɓwarən.
8Wunamka Ampiliyatus, sɨnə ndewogi a na dɨ mworən a vor Həmɨmiye.
9Wunamka Urbanus, sɨnə ndewo lyentɨ dam a vor lyenta Ma Həmɨnpwa a Yaɓwarən, ka ndewo twaye de, Istakis.
10Wunamka Apelis, ndi ma a vor kanaha nda kangə nə mwadiyale dan dwat a nə Ma Həmɨnpwa a Yaɓwarən.
Wunamka mi hwoda Aristobulus.
11Wunamka Hirodiyan, ndi Yawuda mgban.
Wunamka mi hwoda Narkisus 'ye ji-kotti a vor Həmɨmiye.
12Wunamka Tɨrayifina ka Tɨrayifosa, tənə mandyee ɗa lyenta Həmɨmiye ka diyale.
Wunamka gyenəgi Parsis, kote hiɗə dɨ vor mandyee ɗa lyenta Həmɨmiye kɨr-kɨr.
13Wunamka Rufus, ndi ma leeti a vor lyenta Həmɨmiye, ka nuwogən nggi mate ngguti gwadi ɓətɨ nzəngrə nə.
14Wunamka Asɨnkɨritus, ka Filgona, ka Hamis, ka Patɨrobas, ka Hemas, ɗɨkənə mbiɗitɨ ji-kotte ɓwaa kaarən.
15Wunamka Filologas ka Juliya, ka Neriyus ka mwafɨrən, ka Olimpas, ɗɨkənə mbiɗitɨ myee da Həmɨnpwa kat 'ye ɓwaa kaarən.
16Wunamkasə ka kpɨripsətɨ mwoha ɗəmɗəme.
Ji-koɗə Ma Həmɨnpwa a Yaɓwarən a vəni hiwtɨnə ganə kat nə dɨ wunakəwnə.
17Hɨnə dɨ nyisəwnə ji-nuwo, bəmdə myensəwnə ka wule myee dɨ woyi taka waka ji-kottə, tənə dɨ kɨɗa mwadiyale dəwnə gə hwuna pawo a ɗeyə, tənə dɨ kɨɗa shee mya kənəwnə gə wule kəndəshe darən. Təkəməsə ka wule mingɨn. 18Mye dɨ ɗa wule shi hashingɨn, aa Ma Həmɨnpwa a Yaɓwarən Həmɨmiye nə təna dɨ ɗan lyentə, ɓərə yedingrən nə təna dɨ ɓərə. Ka kwanɨnge darən təna dɨ vwaka kpenəwye. 19Ɓwaare kat kɨl lə kangte hwuna kangə dwat a nə koddə le da Həmɨnpwa, səngɨn ɗa hanɨnyi kəwnə. Shezə mwoshinə atɨ hwuna gə ka lele a nə sa pepe, hwuna təkəsə ka lyentɨ kwakaɗɨkatə.
20Aa dɨ ɓongə Həmɨnpwa ndi ma dɨ vədə ɗoltə, ɓa kɨɗa gəta Shetan, a mɨnadən a poki mbwayingəwnə.
Maa wuladəha da Yesu Həmɨmiye dam a nza ɓwaa kəwnə.
21Timoti ndewo lyentɨ denə dɨ wunakəwnə, ka Lukiyus, ka Jason, ka Sosipata, tən kat Yawude ɓətɨ hɨn.
22Hɨn Tartiyus, hɨn manə dor malɨmtɨnə a moonə Bulus, hɨnə dɨ wunakəwnə a vor Həmɨmiye.
23Ndi Gayus, ma na janga a vor hwodan, a ma dɨ luu mbiɗitɨ ji-kottə ganə kat a vor hwodan pepe, sɨnə dɨ wunakəwnə.
Arastus ndi nzə-kəpdə taa da mi vɨratɨngɨn, ka nzə-nuwogəm Kwatus, tən kat tənə dɨ wunakəwnə.#16.23 A i dorshi kade 24 a sa atɨ, “Maa wulaha da Həmɨmiye Yesu Ma Həmɨnpwa a Yaɓwarən a nza ɓwaa kəwnə kat. Amin.”
25Mya ndukomdə Həmɨnpwa! Sɨnə ma ɓa kangdəwnə dwat a vor mwadiyale dəwnə, dɨ ha ləmə fema na hiwawnə a nə Yesu Ma Həmɨnpwa a Yaɓwarən. Sɨnə diyala a haa ɓotə kɨnɨnɨng, 26shezə ɓəgəng diyaləngɨn nə a mya dɨmaadən bwang. Həmɨnpwate kaaru-kaaru a ɗɨkə hwuna lee diyaləngɨn dɨ ha shee kpalye dan a doro, gələ mbiɗitɨ vɨratə kat a mwakan a koddən.
27Həmɨnpwa hiɗə kal-kal sɨnə ma ka lele, hɨnggən nə fukatə kaaru-kaaru dɨ haka Yesu Ma Həmɨnpwa a Yaɓwarən! Amin.
S'ha seleccionat:
Romye 16: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 16
16
Wunakaha da Bulus
1Hɨnə dɨ humwa Fibi a hakəwnə atɨ, nggi nji-kottɨ pepeti, dɨ gwadəha ka lyentə a vɨnə hiwtɨ Senkɨriya. 2Zə luwomtɨrə gələ kote hiɗə a vor myee da Həmɨnpwa. Hwuna gwadə anda kote dɨ ɨl gwadəha dɨ hakəwnə, gəkɨlə nggi gwadə ɓwaare hananang ka hɨn kat.
3Wunamka Bɨriskila ka Akila, tənə yə ndewe lyentɨ de a vor lyenta Yesu Ma Həmɨnpwa a Yaɓwarən. 4Tənə vədə myensərən gə le de. Hɨnə dɨ ɗarən usəkətə, aa hɨnə hiɗə ɓəmbə, kat ka ji-kottɨnə a vəni hiwta myee aa Yawude nə dɨ ɗarən usəkətə.
5Wunamka ji-kotte dɨ peyə vor hwodarən tən yə Bɨriskila ka Akila dɨ ɗa hiwtə.
Wunamka ndewogi Ifenetus a na dɨ mworən, sɨnə ma kwaməte gəə nzə-koɗə Ma Həmɨnpwa a Yaɓwarən a vor njiya Asiya.
6Wunamka Maryamu ite gwadəwnə lyentə kɨr-kɨr.
7Wunamka Andɨronikus ka Juniyas, tənə Yawudee mya gbenə kaarən a vɨnə gbərəwe, tən kpe-lagbi 'ye mya leetɨrən twa, tənə myee tiyagi luu Ma Həmɨnpwa a Yaɓwarən.
8Wunamka Ampiliyatus, sɨnə ndewogi a na dɨ mworən a vor Həmɨmiye.
9Wunamka Urbanus, sɨnə ndewo lyentɨ dam a vor lyenta Ma Həmɨnpwa a Yaɓwarən, ka ndewo twaye de, Istakis.
10Wunamka Apelis, ndi ma a vor kanaha nda kangə nə mwadiyale dan dwat a nə Ma Həmɨnpwa a Yaɓwarən.
Wunamka mi hwoda Aristobulus.
11Wunamka Hirodiyan, ndi Yawuda mgban.
Wunamka mi hwoda Narkisus 'ye ji-kotti a vor Həmɨmiye.
12Wunamka Tɨrayifina ka Tɨrayifosa, tənə mandyee ɗa lyenta Həmɨmiye ka diyale.
Wunamka gyenəgi Parsis, kote hiɗə dɨ vor mandyee ɗa lyenta Həmɨmiye kɨr-kɨr.
13Wunamka Rufus, ndi ma leeti a vor lyenta Həmɨmiye, ka nuwogən nggi mate ngguti gwadi ɓətɨ nzəngrə nə.
14Wunamka Asɨnkɨritus, ka Filgona, ka Hamis, ka Patɨrobas, ka Hemas, ɗɨkənə mbiɗitɨ ji-kotte ɓwaa kaarən.
15Wunamka Filologas ka Juliya, ka Neriyus ka mwafɨrən, ka Olimpas, ɗɨkənə mbiɗitɨ myee da Həmɨnpwa kat 'ye ɓwaa kaarən.
16Wunamkasə ka kpɨripsətɨ mwoha ɗəmɗəme.
Ji-koɗə Ma Həmɨnpwa a Yaɓwarən a vəni hiwtɨnə ganə kat nə dɨ wunakəwnə.
17Hɨnə dɨ nyisəwnə ji-nuwo, bəmdə myensəwnə ka wule myee dɨ woyi taka waka ji-kottə, tənə dɨ kɨɗa mwadiyale dəwnə gə hwuna pawo a ɗeyə, tənə dɨ kɨɗa shee mya kənəwnə gə wule kəndəshe darən. Təkəməsə ka wule mingɨn. 18Mye dɨ ɗa wule shi hashingɨn, aa Ma Həmɨnpwa a Yaɓwarən Həmɨmiye nə təna dɨ ɗan lyentə, ɓərə yedingrən nə təna dɨ ɓərə. Ka kwanɨnge darən təna dɨ vwaka kpenəwye. 19Ɓwaare kat kɨl lə kangte hwuna kangə dwat a nə koddə le da Həmɨnpwa, səngɨn ɗa hanɨnyi kəwnə. Shezə mwoshinə atɨ hwuna gə ka lele a nə sa pepe, hwuna təkəsə ka lyentɨ kwakaɗɨkatə.
20Aa dɨ ɓongə Həmɨnpwa ndi ma dɨ vədə ɗoltə, ɓa kɨɗa gəta Shetan, a mɨnadən a poki mbwayingəwnə.
Maa wuladəha da Yesu Həmɨmiye dam a nza ɓwaa kəwnə.
21Timoti ndewo lyentɨ denə dɨ wunakəwnə, ka Lukiyus, ka Jason, ka Sosipata, tən kat Yawude ɓətɨ hɨn.
22Hɨn Tartiyus, hɨn manə dor malɨmtɨnə a moonə Bulus, hɨnə dɨ wunakəwnə a vor Həmɨmiye.
23Ndi Gayus, ma na janga a vor hwodan, a ma dɨ luu mbiɗitɨ ji-kottə ganə kat a vor hwodan pepe, sɨnə dɨ wunakəwnə.
Arastus ndi nzə-kəpdə taa da mi vɨratɨngɨn, ka nzə-nuwogəm Kwatus, tən kat tənə dɨ wunakəwnə.#16.23 A i dorshi kade 24 a sa atɨ, “Maa wulaha da Həmɨmiye Yesu Ma Həmɨnpwa a Yaɓwarən a nza ɓwaa kəwnə kat. Amin.”
25Mya ndukomdə Həmɨnpwa! Sɨnə ma ɓa kangdəwnə dwat a vor mwadiyale dəwnə, dɨ ha ləmə fema na hiwawnə a nə Yesu Ma Həmɨnpwa a Yaɓwarən. Sɨnə diyala a haa ɓotə kɨnɨnɨng, 26shezə ɓəgəng diyaləngɨn nə a mya dɨmaadən bwang. Həmɨnpwate kaaru-kaaru a ɗɨkə hwuna lee diyaləngɨn dɨ ha shee kpalye dan a doro, gələ mbiɗitɨ vɨratə kat a mwakan a koddən.
27Həmɨnpwa hiɗə kal-kal sɨnə ma ka lele, hɨnggən nə fukatə kaaru-kaaru dɨ haka Yesu Ma Həmɨnpwa a Yaɓwarən! Amin.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.