Romye 1
1
Wunakaha
1Hɨnə Bulus kɨsa da Yesu Ma Həmɨnpwa a Yaɓwarən. Həmɨnpwa a wari gə na gəə kpa-lagbe, nda mɨna kəpdi gə ləmə feme dan. 2Ləmə feməngɨn nə a Həmɨnpwa a boyo a nzadən kɨnɨnɨng dɨ haka kpalye dan a vor Malɨmtɨ Ɗəmɗəmtə. 3Ləngɨn nee a nə Nzəngɨn ndi ma mya mwasarən a vɨratə ka sɨtɨ ɓwaara dɨ kwirə həmɨn Dawuda. 4Dɨ haka Pite ka ɗəmɗəmtə, mya bɨldən ka gətə atɨ sɨnə Nze da Həmɨnpwa dɨ ha mattɨ dan gə we ka myentə dɨ vor myee mbəri. Sɨnə Həmɨmiye dam Yesu Ma Həmɨnpwa a Yaɓwarən. 5Dɨ hakan ka mɨni gə le dan, Həmɨnpwa a wulakenə a venə humwatə gə hina ɗan lyenta kpe-lagbe, gələ hina gwadə myee aa Yawude kat gə təna koddə ləməgye da Həmɨnpwa dɨ ha mwadiyale. 6Hwun mgban, hwune a vor myee mya wagatɨrən gə təna gəə myee da Yesu Ma Həmɨnpwa a Yaɓwarən nə.
7Zə hakəwnə hwun kat, a hwun myee a vor vɨraa Roma, a hwun myee Həmɨnpwa a mworəwnə a wagarəwnə, gə hwuna gəə hwunə myee dan.
Maa wuladəha ka ɗolte dɨ haka Həmɨnpwa Baagəm, ka Həmɨmiye Yesu Ma Həmɨnpwa a Yaɓwarən a nza ɓwaa kəwnə.
Bulus a ɗa hɨmnə zətə a Roma
8A kwamətə, na ɗa Həmɨnpwatɨ de usəkətə dɨ haka Yesu Ma Həmɨnpwa a Yaɓwarən gə le dəwnə kat, gəkɨlə mye bwe ləmə mwadiyale dəwnə takadə vɨratə kat. 9Həmɨnpwa ndi ma na dɨ ɗan kɨsawne a nə hiwatə ka ləmə feme da Nzəngɨn ka huboshi hiɗə, sɨnə nzə-takale de atɨ hɨne dɨ ɗyanga kəwnə mba-dɨ-mba 10a vor hiwtɨ de nagi goɗi. Hiwtɨ de nə atɨ, Həmɨnpwa kana mwa a vi humwatə na zə hakəwnə.
11Hɨnə dɨ hɨmagə sate atɨ na nəwnə, gə na ɗɨkəwnə həmta pite ɓa gwadəwnə hwuna nyerə dwat – 12gə hɨm kat mya gwamdəsə ta nyerədəsə dɨ ha mwadiyale da sə. 13Ji-nuwo, hɨne dɨ mwi hwuna leyə atɨ, hɨn ɓərə dɨ təfəgye som-som gə na zə hakəwnə a nggala ɓwaare hananang təna por-njiya a ɗɨm mbətə, ɓətɨ na ɗa a waka myee aa Yawude a ehee. Shezə humwatə aa bi baa ɓəgəng.
14Kiirə boyownə ləmə feme da Həmɨnpwa nə bə na, hwun Heline diingəwnə a wonə ka 'ye aa le asə, ji-lele ka gəmye kat. 15Səngɨn ɗa na gə ka hɨmne gə na hiwawnə ka ləmə feme da Həmɨnpwa mgban, hwun myee a vor vɨraa Roma.
16Sopi ləmə feme da Həmɨnpwa aawa gi, gəkɨlə gəta Həmɨnpwa nə dɨ shi ka mbəha zə haka ma mwadiyale, a kwamətə Yawude, dɨ bee zə haka myee aa Yawude. 17Gə dɨ ha ləmə feme Həmɨnpwa a bɨldə gəəte nda gəədə ɓwaare mi pepeyi a humwasən. Angɨn a dɨ ɗaasə dɨ ha mwadiyale dɨ tiyatə zə kpawtə. Ɓətɨ mya doro atɨ, “Ma kat ma pepeyə ɓa ɗɨm myente kaaru-kaaru di ha mwadiyale.”#1.17 Naasə: Habakuk 2.4.
Yedi-kɨtta Həmɨnpwa a nə ɓwaare
18Həmɨnpwa nee dɨ bɨldə yedi-kɨttɨ dan dɨ vor pwa a nə myee ka ɗongə kala Həmɨnpwa kat ka ji-kwakaɗɨkatə, a wule myee dɨ mbɨɗə diyale dɨ ha lyentɨ kwakaɗɨkatɨ darən, a wule lyentɨ hatte təna dɨ ɗa. 19Giɓə sa kana təna leyə a nə Həmɨnpwa mye bɨlərən bwang, gəkɨlə Həmɨnpwa aa ɓorən də asə. 20Gələ, ite Həmɨnpwa a kwak vɨratə a tiyatə, nagi nda ɓwaare aa naa Həmɨnpwa ka diingrən, kat ka angɨn nda bɨldə gətɨ dan ite aawa mbəə bwang. Nda bɨldə nəngɨn ɓətɨya nda gə dɨ ha shee nda ɗa, gələ ɓe ɓwaare aa ɗɨm mgbaala tən ɓa vədən a nə səhase darən.
21Nagi a nə sate atɨ ɓwaare lee Həmɨnpwa, kat ka angɨn tənaa ndukodən ɓətɨya kana təna ndukodən, tənaawa ɗan usəkətə. Ɗyangale darən a virwo, kwa-hubosərən a gə kulit gə dɨɗəwne darən. 22Təna ngguro atɨ tən lele, shezə tən dəɗi, 23ɓə nda kana təna kala Həmɨnpwa gbəətə ndi ma ka myentə kaaru-kaaru. Təna mɨndə fukata Həmɨnpwa ta kala shi ɓaye gbəətə a wule 'ye mya ɗatɨrən təna pasa ɓwaare, ka ɓakarye ka mbiɗitɨ sɨgɨrtə kat ka shi-fow yedye. 24Gə-angɨn mgban Həmɨnpwa a ɗakarən a vor səhasə sharawne darən, a wule nzaa gunamtɨ darən ka sə. 25Təna mɨndə diyale da Həmɨnpwa jeronyi. Təna mɨnə ta koɗə wule shee Həmɨnpwa a ɗatɨrən ta kalarən-gbəətə ta ɗa shingɨn kɨsawna kana təna ɗa Həmɨnpwa. Sɨnə ka ɓondiha kaaru-kaaru. Amin.
26Gəkɨlə ləngɨn Həmɨnpwa a gɨsə a ɗakarən ɗəng a vor wule sɨsopye təna dɨ ɗa a vor kadawo sharawne darən. Mandye ta ɨl ndeyingrən mandi ta bi kaarən. 27Sə mgban, morye a ɗaka mandingrən a pɨrə ɨl ndeyingrən moryi ta bi kaarən. A vor gunamtɨngɨn morye a pɨrə ɨl morye, taayə sopi də, Həmɨnpwa mgban a ɗarən sɨgbəɗi moonə səhase darən.
28Gələ təna kwo lee Həmɨnpwa, səngɨn ɗa mgban Həmɨnpwa a gɨsə a ɗakarən a vor hubo gunamtɨ darən, gələ təna pɨrə humwa ta ɗa shee aa kana. 29Hubosərən a naa pas ka nagi ndawula səhasə, ka lyentɨ hattə, ka omshe, tən ta hashi ka sə, ka walitə, ka tɨmbɨrha, ka jiwne, ka ɓəl wogye, ka nyatə, ka vwakaha. Tən ji-lamha, 30tən ji-kɨɗa kwakə, tənə ji-kwo Həmɨnpwa, ji-ushiha, ji-nggorkonye, ji-məndaranye, tənə ɗa i təfəgi gə ɗa sɨfafɨrame, tənaawa ndukodə yə sɨnggərən. 31Taa yedi kaarən, taa tikɨsti kaarən, taa səɗə-yedi kaarən, təna dɨ ɗashe kpak-kpak. 32Tən leyə bwang atɨ, ɓashita Həmɨnpwa nee nza nə wule myee dɨ ɗa wule shingɨn, atɨ wule mingɨn ɓə kana təna mbərə, kat ka angɨn təne dɨ pɨrə humwa ka wule səhasəngɨn, tən ta mwaka myee dɨ ɗa wule shingɨn.
S'ha seleccionat:
Romye 1: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Romye 1
1
Wunakaha
1Hɨnə Bulus kɨsa da Yesu Ma Həmɨnpwa a Yaɓwarən. Həmɨnpwa a wari gə na gəə kpa-lagbe, nda mɨna kəpdi gə ləmə feme dan. 2Ləmə feməngɨn nə a Həmɨnpwa a boyo a nzadən kɨnɨnɨng dɨ haka kpalye dan a vor Malɨmtɨ Ɗəmɗəmtə. 3Ləngɨn nee a nə Nzəngɨn ndi ma mya mwasarən a vɨratə ka sɨtɨ ɓwaara dɨ kwirə həmɨn Dawuda. 4Dɨ haka Pite ka ɗəmɗəmtə, mya bɨldən ka gətə atɨ sɨnə Nze da Həmɨnpwa dɨ ha mattɨ dan gə we ka myentə dɨ vor myee mbəri. Sɨnə Həmɨmiye dam Yesu Ma Həmɨnpwa a Yaɓwarən. 5Dɨ hakan ka mɨni gə le dan, Həmɨnpwa a wulakenə a venə humwatə gə hina ɗan lyenta kpe-lagbe, gələ hina gwadə myee aa Yawude kat gə təna koddə ləməgye da Həmɨnpwa dɨ ha mwadiyale. 6Hwun mgban, hwune a vor myee mya wagatɨrən gə təna gəə myee da Yesu Ma Həmɨnpwa a Yaɓwarən nə.
7Zə hakəwnə hwun kat, a hwun myee a vor vɨraa Roma, a hwun myee Həmɨnpwa a mworəwnə a wagarəwnə, gə hwuna gəə hwunə myee dan.
Maa wuladəha ka ɗolte dɨ haka Həmɨnpwa Baagəm, ka Həmɨmiye Yesu Ma Həmɨnpwa a Yaɓwarən a nza ɓwaa kəwnə.
Bulus a ɗa hɨmnə zətə a Roma
8A kwamətə, na ɗa Həmɨnpwatɨ de usəkətə dɨ haka Yesu Ma Həmɨnpwa a Yaɓwarən gə le dəwnə kat, gəkɨlə mye bwe ləmə mwadiyale dəwnə takadə vɨratə kat. 9Həmɨnpwa ndi ma na dɨ ɗan kɨsawne a nə hiwatə ka ləmə feme da Nzəngɨn ka huboshi hiɗə, sɨnə nzə-takale de atɨ hɨne dɨ ɗyanga kəwnə mba-dɨ-mba 10a vor hiwtɨ de nagi goɗi. Hiwtɨ de nə atɨ, Həmɨnpwa kana mwa a vi humwatə na zə hakəwnə.
11Hɨnə dɨ hɨmagə sate atɨ na nəwnə, gə na ɗɨkəwnə həmta pite ɓa gwadəwnə hwuna nyerə dwat – 12gə hɨm kat mya gwamdəsə ta nyerədəsə dɨ ha mwadiyale da sə. 13Ji-nuwo, hɨne dɨ mwi hwuna leyə atɨ, hɨn ɓərə dɨ təfəgye som-som gə na zə hakəwnə a nggala ɓwaare hananang təna por-njiya a ɗɨm mbətə, ɓətɨ na ɗa a waka myee aa Yawude a ehee. Shezə humwatə aa bi baa ɓəgəng.
14Kiirə boyownə ləmə feme da Həmɨnpwa nə bə na, hwun Heline diingəwnə a wonə ka 'ye aa le asə, ji-lele ka gəmye kat. 15Səngɨn ɗa na gə ka hɨmne gə na hiwawnə ka ləmə feme da Həmɨnpwa mgban, hwun myee a vor vɨraa Roma.
16Sopi ləmə feme da Həmɨnpwa aawa gi, gəkɨlə gəta Həmɨnpwa nə dɨ shi ka mbəha zə haka ma mwadiyale, a kwamətə Yawude, dɨ bee zə haka myee aa Yawude. 17Gə dɨ ha ləmə feme Həmɨnpwa a bɨldə gəəte nda gəədə ɓwaare mi pepeyi a humwasən. Angɨn a dɨ ɗaasə dɨ ha mwadiyale dɨ tiyatə zə kpawtə. Ɓətɨ mya doro atɨ, “Ma kat ma pepeyə ɓa ɗɨm myente kaaru-kaaru di ha mwadiyale.”#1.17 Naasə: Habakuk 2.4.
Yedi-kɨtta Həmɨnpwa a nə ɓwaare
18Həmɨnpwa nee dɨ bɨldə yedi-kɨttɨ dan dɨ vor pwa a nə myee ka ɗongə kala Həmɨnpwa kat ka ji-kwakaɗɨkatə, a wule myee dɨ mbɨɗə diyale dɨ ha lyentɨ kwakaɗɨkatɨ darən, a wule lyentɨ hatte təna dɨ ɗa. 19Giɓə sa kana təna leyə a nə Həmɨnpwa mye bɨlərən bwang, gəkɨlə Həmɨnpwa aa ɓorən də asə. 20Gələ, ite Həmɨnpwa a kwak vɨratə a tiyatə, nagi nda ɓwaare aa naa Həmɨnpwa ka diingrən, kat ka angɨn nda bɨldə gətɨ dan ite aawa mbəə bwang. Nda bɨldə nəngɨn ɓətɨya nda gə dɨ ha shee nda ɗa, gələ ɓe ɓwaare aa ɗɨm mgbaala tən ɓa vədən a nə səhase darən.
21Nagi a nə sate atɨ ɓwaare lee Həmɨnpwa, kat ka angɨn tənaa ndukodən ɓətɨya kana təna ndukodən, tənaawa ɗan usəkətə. Ɗyangale darən a virwo, kwa-hubosərən a gə kulit gə dɨɗəwne darən. 22Təna ngguro atɨ tən lele, shezə tən dəɗi, 23ɓə nda kana təna kala Həmɨnpwa gbəətə ndi ma ka myentə kaaru-kaaru. Təna mɨndə fukata Həmɨnpwa ta kala shi ɓaye gbəətə a wule 'ye mya ɗatɨrən təna pasa ɓwaare, ka ɓakarye ka mbiɗitɨ sɨgɨrtə kat ka shi-fow yedye. 24Gə-angɨn mgban Həmɨnpwa a ɗakarən a vor səhasə sharawne darən, a wule nzaa gunamtɨ darən ka sə. 25Təna mɨndə diyale da Həmɨnpwa jeronyi. Təna mɨnə ta koɗə wule shee Həmɨnpwa a ɗatɨrən ta kalarən-gbəətə ta ɗa shingɨn kɨsawna kana təna ɗa Həmɨnpwa. Sɨnə ka ɓondiha kaaru-kaaru. Amin.
26Gəkɨlə ləngɨn Həmɨnpwa a gɨsə a ɗakarən ɗəng a vor wule sɨsopye təna dɨ ɗa a vor kadawo sharawne darən. Mandye ta ɨl ndeyingrən mandi ta bi kaarən. 27Sə mgban, morye a ɗaka mandingrən a pɨrə ɨl ndeyingrən moryi ta bi kaarən. A vor gunamtɨngɨn morye a pɨrə ɨl morye, taayə sopi də, Həmɨnpwa mgban a ɗarən sɨgbəɗi moonə səhase darən.
28Gələ təna kwo lee Həmɨnpwa, səngɨn ɗa mgban Həmɨnpwa a gɨsə a ɗakarən a vor hubo gunamtɨ darən, gələ təna pɨrə humwa ta ɗa shee aa kana. 29Hubosərən a naa pas ka nagi ndawula səhasə, ka lyentɨ hattə, ka omshe, tən ta hashi ka sə, ka walitə, ka tɨmbɨrha, ka jiwne, ka ɓəl wogye, ka nyatə, ka vwakaha. Tən ji-lamha, 30tən ji-kɨɗa kwakə, tənə ji-kwo Həmɨnpwa, ji-ushiha, ji-nggorkonye, ji-məndaranye, tənə ɗa i təfəgi gə ɗa sɨfafɨrame, tənaawa ndukodə yə sɨnggərən. 31Taa yedi kaarən, taa tikɨsti kaarən, taa səɗə-yedi kaarən, təna dɨ ɗashe kpak-kpak. 32Tən leyə bwang atɨ, ɓashita Həmɨnpwa nee nza nə wule myee dɨ ɗa wule shingɨn, atɨ wule mingɨn ɓə kana təna mbərə, kat ka angɨn təne dɨ pɨrə humwa ka wule səhasəngɨn, tən ta mwaka myee dɨ ɗa wule shingɨn.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.