Lyenta 24
24
Yawude kaadə Bulus a humwa nggwamna Felis
1Beetɨ bətə tuf, Kɨsahəmə kpane Hananiya a maɗə ka imi kpan-kpani darən a wudə Kesariya, nzə-ɓashite mya wa atɨ Tartulu a koɗərən. Təna wudə humwa nggwamna a kaadə Bulus. 2Ite mya wa Bulus nda dɨma a vor vɨnə ɓashitə, Tartulu a dɨma a bwelə sa Bulus a ɗa a humwa Felis. Nda sa atɨ, “Hin leyə atɨ gəkɨlə hye lee ɗa həmne, səngɨn nə ɗa hina ɗɨm nzaa ɗoltə a ɓongə yang. Gəkɨlə wule lele dəw mgban hye ɗadə shee təna wula a vor njiyanə. 3Hin ɗa usəkətə ka shi-fyemye hye ɗatɨrən a təfəgye som-som a mbəgə hee kat kwe, Magbake Felis. 4Shezə gə ɓe ɓwaa ka ləməgye de, hɨnə dɨ nyisu kwi sardə kwakinga kɨl la na boyo, hɨn ɓa bənggə le gbɨlɨm.
5“Hina pa manə dɨ woyi ngama waka ɓwaare, sɨnə dɨ tukuta waka Yawude mbəgə hee kat. Sɨnə makpane da wule myee mya wa atɨ pene da ji-jeronyi Nazarat. 6Sə mgban nda ɓərə ɓa shi ka takɨmətə a vor Shafe, səngɨn nə ɗa hina pedən a kɨsə.#24.6 I dorshi kada 7 a sa atɨ, “Hina dɨ mwati hina ɓashidən ɓətɨya ɓashitɨ denə a kənə. Də Lisiya, ndi gyana kpane da ji-gyelmbute a Urshelima a pɨra ka maase a nəngenə, a nggəltən a dɨmə kan a muɗə.” 8Hye kana ɗiyən ləməgye ndi Bulus a pyeltən pepe, hye ɓa leyə atɨ a nə diyale hina kaadən.”
9Yawude a mwasə kat atɨ ləməgyee nzə-ɓashitɨ darən Tartulu a boyo, sə gərən.
10Ite nggwamna a ɗifə Bulus, a san atɨ a nda bwe le, Bulus a luwa le a sa atɨ, “Magbake, hɨn leyə atɨ hye ɗa kyawatə hananang hyene dɨ ɓashiyə ɓwaare a njiyanə. Gəkɨlə ləngɨn hanɨnyi ka kangte na kangə humwasa ɓa bwegə kormi, a dɨmdə na. 11Hye kana koɗə mbwayi lanə pepe hye ɓa leyə atɨ a vor bətə bəw a mbiɗi-kpete pɨri na zə vor Urshelima dɨ hanə gə na kala Həmɨnpwa gbəətə. 12Tən myee sɨ kaadi ganə a hakəw, aa pee dɨ ndəlsə ka ama a vor Shafe, tənaa pee mgban dɨ maddə mwanatə a vor vəni kəndəshe, tənaa pee dɨ pedə nyatə a a haa a vor Urshelima. 13Tən mingɨn taa asə kaarən tən ɓa bɨldən a nə ləməgyee təna boyu. 14Hɨn tɨnə mwa atɨ, hɨne dɨ hiwi dɨ kala Həmɨnpwata yə sɨnggi gbəətə, ɓətɨya na dɨ koɗə Tɨfe, a Tɨfa Yawude a sa atɨ sɨnə pene da ji-jeronye. Hɨn mwaka ləməgyee ɓashitə a boyo kat, ka 'ye kpalye da Həmɨnpwa a doro mgban. 15Naya təna bəə myensərən, sə mgban na bəə myenshi a nə mattə gə we ka myentə, a ji-ɗa səhase ka ji-ɗa səfeme. 16Gə ləngɨn mgban na dɨ ɓərə gə huboshi a gə shet-shet a humwa ɓwaare ka Həmɨnpwa.
17“Beetɨ ite na ɗaka Urshelima ka kyawatə hananang, na mɨna mɨnə də, gə na və myee de shee ka taa mya pedən gə le da ji-poritə, na ɗɨmə mgban a vədə həmtə. 18Ite təna pee a vor Kwa-Shafe, hɨn koɗə sɨkwale da Yawude suɓwagə na ɗəmɗəm mbəə. Taa ndəng ɓwaare furi-furi a hake, tənaa pee mgban dɨ maddə mwanatə a waka ɓwaare. 19Shezə tən Yawudee dɨma dɨ vor njiya Asiya, tənə myee kana təna kaadi a humwasa anda təne ka a ləmə hasə a na. 20Naasə mgban tən mingɨn inə sɨ kaadi təna bwe səhasa təna pee kan na dɨ ɗa, a ite na kangə humwa mi kpani ji-shalale da Yawude. 21Aa pɨrgə lanə hiɗə na kangə humwa mi kpani ji-shalaləngɨn a maddə korma a boyərən atɨ, ‘Gəkɨlə ləmə mattə gə we ka myentə mya shike a humwasəwnə a dɨ ɓashiyi supo.’ ”
22Felis, ndi ma lee shee pɨw a nə Tɨfe, nda kangdə ɓashitɨngɨn nda sa atɨ, “Lisiyas, ndi gyana kpane kana shi dɨ Urshelima, hɨn ɓa taka ɓashitə.” 23Də Felis a ɗɨkdə gyana nyate hiɗə, atɨ a nda mɨndə Bulus a vɨnə gbərəwe, nda kwaa vən humwatə, sə mgban nda ɗaka yə ndewegən gə təna shi hakan a gwadən.
24Beetɨ bətə ɓyeləng, Felis a shi ka mesən Dɨrusila, kotɨnə Yawudati. Nda lyenshe mya shi ka Bulus, ndi Felis mgban ndi ta kɨl ləməgyee Bulus a dɨ boyə nə mwadiyale ka Yesu Ma Həmɨnpwa a Yaɓwarən. 25Ite Bulus a pɨrə humwa ta bɨldə le a nə pepetə ka kɨr sɨtə ka fərə ɓashita Həmɨnpwa ite ɓa shi, kala a gə Felis, nda sa Bulus atɨ, “Ɓə kənəte, zə muɗi ɓəgəng, hɨn kana dɨ mwo naasa hɨn ɓa wara hye shi.” 26Ndi Felis, sɨndə dɨ niyi ɓətɨ Bulus ɓa ɗərtən ka taa gə ɓashitə a mbəə, mya paragən gə gbərəwe. Gə-angɨn Felis ta wa Bulus a hakan ta byeli kan mba-dɨ-mba.
27Beetɨ kyawatə kpe, Borkiyos Festus a luwo Felis lyentə, a gəə sɨnə nggwamna. Felis a muɗə a ɗaka Bulus a gbərəwe gə nda dɨ mwo atɨ hanɨngə Yawude kan.
S'ha seleccionat:
Lyenta 24: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 24
24
Yawude kaadə Bulus a humwa nggwamna Felis
1Beetɨ bətə tuf, Kɨsahəmə kpane Hananiya a maɗə ka imi kpan-kpani darən a wudə Kesariya, nzə-ɓashite mya wa atɨ Tartulu a koɗərən. Təna wudə humwa nggwamna a kaadə Bulus. 2Ite mya wa Bulus nda dɨma a vor vɨnə ɓashitə, Tartulu a dɨma a bwelə sa Bulus a ɗa a humwa Felis. Nda sa atɨ, “Hin leyə atɨ gəkɨlə hye lee ɗa həmne, səngɨn nə ɗa hina ɗɨm nzaa ɗoltə a ɓongə yang. Gəkɨlə wule lele dəw mgban hye ɗadə shee təna wula a vor njiyanə. 3Hin ɗa usəkətə ka shi-fyemye hye ɗatɨrən a təfəgye som-som a mbəgə hee kat kwe, Magbake Felis. 4Shezə gə ɓe ɓwaa ka ləməgye de, hɨnə dɨ nyisu kwi sardə kwakinga kɨl la na boyo, hɨn ɓa bənggə le gbɨlɨm.
5“Hina pa manə dɨ woyi ngama waka ɓwaare, sɨnə dɨ tukuta waka Yawude mbəgə hee kat. Sɨnə makpane da wule myee mya wa atɨ pene da ji-jeronyi Nazarat. 6Sə mgban nda ɓərə ɓa shi ka takɨmətə a vor Shafe, səngɨn nə ɗa hina pedən a kɨsə.#24.6 I dorshi kada 7 a sa atɨ, “Hina dɨ mwati hina ɓashidən ɓətɨya ɓashitɨ denə a kənə. Də Lisiya, ndi gyana kpane da ji-gyelmbute a Urshelima a pɨra ka maase a nəngenə, a nggəltən a dɨmə kan a muɗə.” 8Hye kana ɗiyən ləməgye ndi Bulus a pyeltən pepe, hye ɓa leyə atɨ a nə diyale hina kaadən.”
9Yawude a mwasə kat atɨ ləməgyee nzə-ɓashitɨ darən Tartulu a boyo, sə gərən.
10Ite nggwamna a ɗifə Bulus, a san atɨ a nda bwe le, Bulus a luwa le a sa atɨ, “Magbake, hɨn leyə atɨ hye ɗa kyawatə hananang hyene dɨ ɓashiyə ɓwaare a njiyanə. Gəkɨlə ləngɨn hanɨnyi ka kangte na kangə humwasa ɓa bwegə kormi, a dɨmdə na. 11Hye kana koɗə mbwayi lanə pepe hye ɓa leyə atɨ a vor bətə bəw a mbiɗi-kpete pɨri na zə vor Urshelima dɨ hanə gə na kala Həmɨnpwa gbəətə. 12Tən myee sɨ kaadi ganə a hakəw, aa pee dɨ ndəlsə ka ama a vor Shafe, tənaa pee mgban dɨ maddə mwanatə a vor vəni kəndəshe, tənaa pee dɨ pedə nyatə a a haa a vor Urshelima. 13Tən mingɨn taa asə kaarən tən ɓa bɨldən a nə ləməgyee təna boyu. 14Hɨn tɨnə mwa atɨ, hɨne dɨ hiwi dɨ kala Həmɨnpwata yə sɨnggi gbəətə, ɓətɨya na dɨ koɗə Tɨfe, a Tɨfa Yawude a sa atɨ sɨnə pene da ji-jeronye. Hɨn mwaka ləməgyee ɓashitə a boyo kat, ka 'ye kpalye da Həmɨnpwa a doro mgban. 15Naya təna bəə myensərən, sə mgban na bəə myenshi a nə mattə gə we ka myentə, a ji-ɗa səhase ka ji-ɗa səfeme. 16Gə ləngɨn mgban na dɨ ɓərə gə huboshi a gə shet-shet a humwa ɓwaare ka Həmɨnpwa.
17“Beetɨ ite na ɗaka Urshelima ka kyawatə hananang, na mɨna mɨnə də, gə na və myee de shee ka taa mya pedən gə le da ji-poritə, na ɗɨmə mgban a vədə həmtə. 18Ite təna pee a vor Kwa-Shafe, hɨn koɗə sɨkwale da Yawude suɓwagə na ɗəmɗəm mbəə. Taa ndəng ɓwaare furi-furi a hake, tənaa pee mgban dɨ maddə mwanatə a waka ɓwaare. 19Shezə tən Yawudee dɨma dɨ vor njiya Asiya, tənə myee kana təna kaadi a humwasa anda təne ka a ləmə hasə a na. 20Naasə mgban tən mingɨn inə sɨ kaadi təna bwe səhasa təna pee kan na dɨ ɗa, a ite na kangə humwa mi kpani ji-shalale da Yawude. 21Aa pɨrgə lanə hiɗə na kangə humwa mi kpani ji-shalaləngɨn a maddə korma a boyərən atɨ, ‘Gəkɨlə ləmə mattə gə we ka myentə mya shike a humwasəwnə a dɨ ɓashiyi supo.’ ”
22Felis, ndi ma lee shee pɨw a nə Tɨfe, nda kangdə ɓashitɨngɨn nda sa atɨ, “Lisiyas, ndi gyana kpane kana shi dɨ Urshelima, hɨn ɓa taka ɓashitə.” 23Də Felis a ɗɨkdə gyana nyate hiɗə, atɨ a nda mɨndə Bulus a vɨnə gbərəwe, nda kwaa vən humwatə, sə mgban nda ɗaka yə ndewegən gə təna shi hakan a gwadən.
24Beetɨ bətə ɓyeləng, Felis a shi ka mesən Dɨrusila, kotɨnə Yawudati. Nda lyenshe mya shi ka Bulus, ndi Felis mgban ndi ta kɨl ləməgyee Bulus a dɨ boyə nə mwadiyale ka Yesu Ma Həmɨnpwa a Yaɓwarən. 25Ite Bulus a pɨrə humwa ta bɨldə le a nə pepetə ka kɨr sɨtə ka fərə ɓashita Həmɨnpwa ite ɓa shi, kala a gə Felis, nda sa Bulus atɨ, “Ɓə kənəte, zə muɗi ɓəgəng, hɨn kana dɨ mwo naasa hɨn ɓa wara hye shi.” 26Ndi Felis, sɨndə dɨ niyi ɓətɨ Bulus ɓa ɗərtən ka taa gə ɓashitə a mbəə, mya paragən gə gbərəwe. Gə-angɨn Felis ta wa Bulus a hakan ta byeli kan mba-dɨ-mba.
27Beetɨ kyawatə kpe, Borkiyos Festus a luwo Felis lyentə, a gəə sɨnə nggwamna. Felis a muɗə a ɗaka Bulus a gbərəwe gə nda dɨ mwo atɨ hanɨngə Yawude kan.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.