Lyenta 23
23
1Bulus a nidə petɨ ji-shalaləngɨn kpəkəkə, nda sarən atɨ, “Ji-nuwo, ka diyale hɨn naadə lyentɨ de a humwa Həmɨnpwa, ka huboshi hiɗə baa tɨla a fəranə supo.” 2Ite Kɨsahəmə kpane a ndi Hananiya ɓe kɨl ləməgingɨn, nda boyə myee kanyi gbyel ka Bulus atɨ a təna lyeb Bulus a kwaamɨngɨn. 3Bulus a luwa a sa Kɨsahəmə kpane atɨ, “Aa dɨ ɓongə Həmɨnpwa ɓa lyebra hye fekə ɓaye, a wula mwe. Hyene nza gə hye ɓashiyi dɨ tɨfə ɓashitə, ɓə ya hye mɨna ɗaka ləməgyee ɓashitɨngɨn a boyo, hye boyə ama atɨ, a nda lyebri?”
4Myee kangə hangɨn gbyel ka Bulus a san atɨ, “Hyenə mwamdiya ɗaa Kɨsahəmə kpane da Həmɨnpwa?”
5Bulus a luwa a sarən atɨ, “Ji-nuwo, taa leyi atɨ Kɨsahəmə kpane nə, gəkɨlə mye doro vor ɓashita Musa atɨ, ‘Ɓe bwelə hase a nə makpane dəw.’#23.5 Naasə: Dɨmatə 22.28. ”
6Ite Bulus ɓe niyə leyə atɨ imi a vor ji-shalaləngɨn Saduki, imi mgban Farise, nda maddə kormɨngɨn a boyə petɨ ji-shalaləngɨn atɨ, “Ji-nuwo, hɨn Farisa, hɨn nze da Farisa. Sa ɗa mya shike a haa ɓashitə nə atɨ gə bəə myente na gə kaarə a nə mattə gə we.” 7-8Sadukee mwaka ite atɨ, mattə gə we tamdə, malyenye da Həmɨnpwa tamdə, pite ɓa nza kaaru-kaaru tamdə. Shezə Farise mwaka shingɨn shəng. Gə-angɨn ite Bulus a boyo tee, məntəmətə a maɗə vor petɨngɨn, a waka Farise ka Saduke. Peta ji-shalaləngɨn a təkə kpe.
9Byele a maɗə ka ɗaw-kwaame kɨr-kɨr ka ɓayasətə. Imi ji-lee kəndə ɓashita Musa 'ye Farise a maɗə a kangə a byelə kɨr-kɨr, təna sa atɨ, “Hinaa na alə hasə ka manə, taa ɗwangashi kan. Ndəng piti, naasə mgban malyene da Həmɨnpwa nə byeli kan.” 10Məntəmətə a nyerə kɨr-kɨr, a ndɨlə ɓa gəə nyati, kala a gə gyana kpanəngɨn atɨ ɓe tənaa sərəsə Bulus a wakasərən. Nda boyə i ji-pakawatɨ dan atɨ a təna jengə a nggala Bulus gə wakasərən ka maase, təna mɨnə dɨ vor lure darən.
11Ka tukotɨngɨn Həmɨmiye a shi haka Bulus a san atɨ, “Gbə nzɨmsa, kanyi dwat ka mwamdiya. Naya hye kangə vor Urshelima a takale a na, sə mgban hye ɓa ɗa mbak-mbak a vor vɨra Roma.”
Pedə kwaame gə ɓɨl Bulus
12Haa ɓe kɨɗa, i Yawude a boyəsə le, a shalasə a gbə atɨ, tənaa dɨ zɨmshe, tənaa dɨ saɓwa haɓye na tənaa ɓɨl Bulus. 13Myee shalasə ləngɨn pɨrgə bəwtə fwat. 14Mingɨn a wudə haka Kɨsehəmi kpan-kpanye ka mbiɗitɨ mi kpan-kpanye da Yawude a boyərən atɨ, “Hin shalasə le gbə atɨ, asə aa dɨ pɨrə kwaamɨngenə na hinaa ɓɨl Bulus. 15Gəte ɓə mbiɗi hɨnggəwnə ka peta ji-shalale, hwuna nyisə gyana kpane da ji-pakawatə atɨ a mya shi ka Bulus a humwasəwnə, hwuna ɗa ɓətɨ i ləməgi hwun ɓa mɨna ɗiyən. Hin mgban hinə dɨ ɓodəkrən gələ hina ɓɨltən nda ɓə tɨla a hakəwnə.”
16Shezə nze da mwafɨ Bulus kɨl ləməgyee təna boyo a shalasə, nda wudə vor lure da ji-pakawatə a boyə Bulus ləməgingɨn.
17Ite Bulus a kɨl ləngɨn, nda wa hiɗə dɨ vor gyane nyata ji-gyelmbutɨngɨn a san atɨ, “Zə ka nzə-lagbanə a haka gyana kpane, gəkɨlə nze nee ka le ɓa boyən.” 18Sə mgban nda zə ka nzə-lagbangɨn a haka gyana kpane darən.
Gyana nyatɨngɨn a sa gyana kpanəngɨn atɨ, “Bulus a a vor vɨnə gbərəwe nə wari boyi atɨ, a na shi ka nzə-lagbanə gəkɨlə sɨne ka le ɓa boyu.”
19Gyana kpanəngɨn a kɨt tɨfə nze a kwaka kan a gyenge, nda ɗiyən, “Lə mɨnə hye gə kan ɓa boyi?”
20Nze a san atɨ, “Yawude kɨləsə atɨ tən ɓa nyisu hye zə ka Bulus a vor petɨ da ji-shalale kɨɗa. Kuta kat təna ɗa atɨ tən ɓa mɨna ɗiyə Bulus ləməgye. 21Ɓe mwaka ləməgye darən, gəkɨlə ɓwaare pɨrgə bəwtə fwat dɨ vorsərən 'ye ɓa ɓodəkrən a tɨfe a hye mwa ɓa zəkan. Tən shalasə le gbə atɨ tənaa dɨ zɨmshe, tənaa dɨ saɓwa haɓye na tənaa ɓɨl Bulus.”
22Də gyana kpanəngɨn a fyel-kwaki nzə-lagbangɨn atɨ, “Ɓe boyə ama atɨ hye boyi ləməginə.” Nda ləkədə nzəngɨn nda muɗə.
Mye mɨnə ka Bulus dɨ Kesariya
23Də mgban gyana kpanəngɨn a sa i gyani nyatɨ dan kpe dɨ vor ji-pakawatɨ dan atɨ, “Nggɨlemi ji-pakawatə haru kpe, ji-dəwye bəwtə tukolukpe, ɗɨkənə myee ka korfye haru kpe. Təna ɓwesɨtə gə hwuna wudə Kesariya ka tukongnə mbwayi fəre dombiɗə. 24Vəmdə dəwye gə le da Bulus ka myee ɓa raadən a zəkan jam a haka nggwamna Felis.”
25Nda dor malɨmtə yang:
26Hɨnə Kɨlawdiyus Lisiyas.
Magbake, nggwamna Felis.
Hɨnə dɨ wunakəw.
27Manə na dɨ lyenushe kan, Yawude a kɨsə atɨ tən ɓa ɓɨltən, na zə ka ji-pakawatɨ de a luwarən a mbədən gə tɨfəngrən, gə na kɨlə atɨ ndi nzə-njiya Romati. 28Gə na lee la təna ɗɨkən, səngɨn ɗa na zəkan a vor peta ji-shalale da Yawude. 29Ite na nza a nidə ləməgingɨn, taa naa səhasa nda ɗa, a pɨrgə ləməgi ɓashita Yawude, ləngɨn mgban aa tɨl ite atɨ mya ɓɨl ɓwaara kan nə, ndaa tɨl ite atɨ mya kɨt ma a gbən a vɨnə gbərəwe. 30Ite na kɨlə atɨ imi nee bən a tɨfe ɓa ɓɨltən, na sa atɨ ndɨka na lyenshe kan a hakəw tan-tan. Myee a vor Yawude nə ganə a vor Urshelima, a myee dɨ ɗəmgən le, na ɗɨkdərən təna wudə hakəw a kaadən də.
31Sə mgban ji-gyelmbutɨngɨn a koɗə la mya boyərngən, təna nggur Bulus ka tukotə a zəkan a vor vɨra Antipatɨris. 32Ite təna bə haa kɨɗa, ji-pakawatɨ dəwye a pɨrə ka Bulus a Kesariya, myee mbiɗi mgban a mɨnə lure darən a vor Urshelima. 33Ite ji-pakawatɨ dəwye a tɨla a vor Kesariya, təna ɗifə nggwamna malɨmtə a ɗaka Bulus a tɨfəngɨn. 34Nggwamna ɓe bəl malɨmtɨngɨn, nda ɗi le atɨ dɨ ndo vor njiya Bulus a gə. Ndi ɓe leyə atɨ Bulus nə dɨ vor njiya Silisiya, 35nda san atɨ, “Myee kaada kana tɨla, hɨn ɓa kɨl ləməgyee a kwaamɨnga.” Də nggwamna a ɗɨkdəha atɨ a mya pɨrə ka Bulus a voti ta həmɨn Hiridus, ji-pakawatə a kangə ta gɨra.
S'ha seleccionat:
Lyenta 23: bcy
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.
Lyenta 23
23
1Bulus a nidə petɨ ji-shalaləngɨn kpəkəkə, nda sarən atɨ, “Ji-nuwo, ka diyale hɨn naadə lyentɨ de a humwa Həmɨnpwa, ka huboshi hiɗə baa tɨla a fəranə supo.” 2Ite Kɨsahəmə kpane a ndi Hananiya ɓe kɨl ləməgingɨn, nda boyə myee kanyi gbyel ka Bulus atɨ a təna lyeb Bulus a kwaamɨngɨn. 3Bulus a luwa a sa Kɨsahəmə kpane atɨ, “Aa dɨ ɓongə Həmɨnpwa ɓa lyebra hye fekə ɓaye, a wula mwe. Hyene nza gə hye ɓashiyi dɨ tɨfə ɓashitə, ɓə ya hye mɨna ɗaka ləməgyee ɓashitɨngɨn a boyo, hye boyə ama atɨ, a nda lyebri?”
4Myee kangə hangɨn gbyel ka Bulus a san atɨ, “Hyenə mwamdiya ɗaa Kɨsahəmə kpane da Həmɨnpwa?”
5Bulus a luwa a sarən atɨ, “Ji-nuwo, taa leyi atɨ Kɨsahəmə kpane nə, gəkɨlə mye doro vor ɓashita Musa atɨ, ‘Ɓe bwelə hase a nə makpane dəw.’#23.5 Naasə: Dɨmatə 22.28. ”
6Ite Bulus ɓe niyə leyə atɨ imi a vor ji-shalaləngɨn Saduki, imi mgban Farise, nda maddə kormɨngɨn a boyə petɨ ji-shalaləngɨn atɨ, “Ji-nuwo, hɨn Farisa, hɨn nze da Farisa. Sa ɗa mya shike a haa ɓashitə nə atɨ gə bəə myente na gə kaarə a nə mattə gə we.” 7-8Sadukee mwaka ite atɨ, mattə gə we tamdə, malyenye da Həmɨnpwa tamdə, pite ɓa nza kaaru-kaaru tamdə. Shezə Farise mwaka shingɨn shəng. Gə-angɨn ite Bulus a boyo tee, məntəmətə a maɗə vor petɨngɨn, a waka Farise ka Saduke. Peta ji-shalaləngɨn a təkə kpe.
9Byele a maɗə ka ɗaw-kwaame kɨr-kɨr ka ɓayasətə. Imi ji-lee kəndə ɓashita Musa 'ye Farise a maɗə a kangə a byelə kɨr-kɨr, təna sa atɨ, “Hinaa na alə hasə ka manə, taa ɗwangashi kan. Ndəng piti, naasə mgban malyene da Həmɨnpwa nə byeli kan.” 10Məntəmətə a nyerə kɨr-kɨr, a ndɨlə ɓa gəə nyati, kala a gə gyana kpanəngɨn atɨ ɓe tənaa sərəsə Bulus a wakasərən. Nda boyə i ji-pakawatɨ dan atɨ a təna jengə a nggala Bulus gə wakasərən ka maase, təna mɨnə dɨ vor lure darən.
11Ka tukotɨngɨn Həmɨmiye a shi haka Bulus a san atɨ, “Gbə nzɨmsa, kanyi dwat ka mwamdiya. Naya hye kangə vor Urshelima a takale a na, sə mgban hye ɓa ɗa mbak-mbak a vor vɨra Roma.”
Pedə kwaame gə ɓɨl Bulus
12Haa ɓe kɨɗa, i Yawude a boyəsə le, a shalasə a gbə atɨ, tənaa dɨ zɨmshe, tənaa dɨ saɓwa haɓye na tənaa ɓɨl Bulus. 13Myee shalasə ləngɨn pɨrgə bəwtə fwat. 14Mingɨn a wudə haka Kɨsehəmi kpan-kpanye ka mbiɗitɨ mi kpan-kpanye da Yawude a boyərən atɨ, “Hin shalasə le gbə atɨ, asə aa dɨ pɨrə kwaamɨngenə na hinaa ɓɨl Bulus. 15Gəte ɓə mbiɗi hɨnggəwnə ka peta ji-shalale, hwuna nyisə gyana kpane da ji-pakawatə atɨ a mya shi ka Bulus a humwasəwnə, hwuna ɗa ɓətɨ i ləməgi hwun ɓa mɨna ɗiyən. Hin mgban hinə dɨ ɓodəkrən gələ hina ɓɨltən nda ɓə tɨla a hakəwnə.”
16Shezə nze da mwafɨ Bulus kɨl ləməgyee təna boyo a shalasə, nda wudə vor lure da ji-pakawatə a boyə Bulus ləməgingɨn.
17Ite Bulus a kɨl ləngɨn, nda wa hiɗə dɨ vor gyane nyata ji-gyelmbutɨngɨn a san atɨ, “Zə ka nzə-lagbanə a haka gyana kpane, gəkɨlə nze nee ka le ɓa boyən.” 18Sə mgban nda zə ka nzə-lagbangɨn a haka gyana kpane darən.
Gyana nyatɨngɨn a sa gyana kpanəngɨn atɨ, “Bulus a a vor vɨnə gbərəwe nə wari boyi atɨ, a na shi ka nzə-lagbanə gəkɨlə sɨne ka le ɓa boyu.”
19Gyana kpanəngɨn a kɨt tɨfə nze a kwaka kan a gyenge, nda ɗiyən, “Lə mɨnə hye gə kan ɓa boyi?”
20Nze a san atɨ, “Yawude kɨləsə atɨ tən ɓa nyisu hye zə ka Bulus a vor petɨ da ji-shalale kɨɗa. Kuta kat təna ɗa atɨ tən ɓa mɨna ɗiyə Bulus ləməgye. 21Ɓe mwaka ləməgye darən, gəkɨlə ɓwaare pɨrgə bəwtə fwat dɨ vorsərən 'ye ɓa ɓodəkrən a tɨfe a hye mwa ɓa zəkan. Tən shalasə le gbə atɨ tənaa dɨ zɨmshe, tənaa dɨ saɓwa haɓye na tənaa ɓɨl Bulus.”
22Də gyana kpanəngɨn a fyel-kwaki nzə-lagbangɨn atɨ, “Ɓe boyə ama atɨ hye boyi ləməginə.” Nda ləkədə nzəngɨn nda muɗə.
Mye mɨnə ka Bulus dɨ Kesariya
23Də mgban gyana kpanəngɨn a sa i gyani nyatɨ dan kpe dɨ vor ji-pakawatɨ dan atɨ, “Nggɨlemi ji-pakawatə haru kpe, ji-dəwye bəwtə tukolukpe, ɗɨkənə myee ka korfye haru kpe. Təna ɓwesɨtə gə hwuna wudə Kesariya ka tukongnə mbwayi fəre dombiɗə. 24Vəmdə dəwye gə le da Bulus ka myee ɓa raadən a zəkan jam a haka nggwamna Felis.”
25Nda dor malɨmtə yang:
26Hɨnə Kɨlawdiyus Lisiyas.
Magbake, nggwamna Felis.
Hɨnə dɨ wunakəw.
27Manə na dɨ lyenushe kan, Yawude a kɨsə atɨ tən ɓa ɓɨltən, na zə ka ji-pakawatɨ de a luwarən a mbədən gə tɨfəngrən, gə na kɨlə atɨ ndi nzə-njiya Romati. 28Gə na lee la təna ɗɨkən, səngɨn ɗa na zəkan a vor peta ji-shalale da Yawude. 29Ite na nza a nidə ləməgingɨn, taa naa səhasa nda ɗa, a pɨrgə ləməgi ɓashita Yawude, ləngɨn mgban aa tɨl ite atɨ mya ɓɨl ɓwaara kan nə, ndaa tɨl ite atɨ mya kɨt ma a gbən a vɨnə gbərəwe. 30Ite na kɨlə atɨ imi nee bən a tɨfe ɓa ɓɨltən, na sa atɨ ndɨka na lyenshe kan a hakəw tan-tan. Myee a vor Yawude nə ganə a vor Urshelima, a myee dɨ ɗəmgən le, na ɗɨkdərən təna wudə hakəw a kaadən də.
31Sə mgban ji-gyelmbutɨngɨn a koɗə la mya boyərngən, təna nggur Bulus ka tukotə a zəkan a vor vɨra Antipatɨris. 32Ite təna bə haa kɨɗa, ji-pakawatɨ dəwye a pɨrə ka Bulus a Kesariya, myee mbiɗi mgban a mɨnə lure darən a vor Urshelima. 33Ite ji-pakawatɨ dəwye a tɨla a vor Kesariya, təna ɗifə nggwamna malɨmtə a ɗaka Bulus a tɨfəngɨn. 34Nggwamna ɓe bəl malɨmtɨngɨn, nda ɗi le atɨ dɨ ndo vor njiya Bulus a gə. Ndi ɓe leyə atɨ Bulus nə dɨ vor njiya Silisiya, 35nda san atɨ, “Myee kaada kana tɨla, hɨn ɓa kɨl ləməgyee a kwaamɨnga.” Də nggwamna a ɗɨkdəha atɨ a mya pɨrə ka Bulus a voti ta həmɨn Hiridus, ji-pakawatə a kangə ta gɨra.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(New Testament) © 2023 the Nigeria Bible Translation Trust
In cooperation with the
Ɓwaatiye Bible Translation and Language Development Project
and Wycliffe Bible Translators, Inc.