गालाति 1
1
1आङा पावाल मुलिचेलालाम्मा ना चिट्ठि छेप्टुङ्टुङ्॥ आङा खोना चा याप्मिलाम्मा आथाबा याप्मिचिगा आधिकारलाम्मा मुलिचेला लिसाङ्ना माखाक्, टरो येसु खिरिस्ट हिट्नुङ् उन् सियानालाम्मा उहिङ्ग्वाट् काचोक्बा माङ्हाङ् पाबाङा डोक् मुलिचेला लिमा याङ्सेगाना ए॥ 2आङा पावाल हिट्नुङ् आङालोक् उलिसागा सोब्बे भुम्बु-झान्झाचिलाम्मा गालातियाङिगा माङ्पाङ्ङिगा याप्मिचिलाउङ्सा हाक्बालाक् ना चिट्ठि ए॥
3आनि माङ्हाङ् पाबा लोक् टाङ्बा येसु खिरिस्टङा खानि मायादाया लोक् हाङ्हाङ् मापिडियाक्॥ 4हाट्ले आनि माङ्हाङ् पाबाङाना उनिङ्ग्वा गाड्डे येसुङा ना भेन्ना जुगलाम्मा छुट्कारा पिमाउङ्सा आनि पापङाना ओसाट्टोङि आप्पे ओचोला भोक् पिडुए॥ 5सोब्बे याप्मिचिङा माङ्हाङ् उनिङ् सोरोक् टो-टो ओचोगुवाक्॥ आमेन्॥
नुना खाबोरम्बाक् ठिक् एना
6माङ्हाङ्ङा खानि खिरिस्टङाना ओमायादायाङा माछेम्डिए, टरो खानिङा उन् एला डोक् आनाडुमुङ् आरको खाबोरलेङ् खानि निङ्ग्वा आटिसुम्ना रिङ् खेम्सुङ्नाँ आङा आड्डिक् छाक्का लिसेसाङे॥ 7छेम्बा डोक् आरको नुना खाबोर वाइना, टरो कोइ-कोइ याप्मिचिङा खानि याङ्छामा पिमा माकोलेट्टि हिट्नुङ् खिरिस्टङाना नुना खाबोरलाम्मा खानि निङ्ग्वा आरकोलेङ् फेराँ चोक्मा माकोलेट्टि॥ 8आन्याँ पारचार चोगुम्माना नुना खाबोर माले आन्याँ आप्पे चा आथाबा टोनालोग्ङिना माङ्हाङ् रिङ् काउग्बाङा आरको खाबोर पारचार चोगुए भोने चा, माङ्हाङ्ङा हिट्ना याप्मि साजाए पिडुटु॥ 9आन्याँ पाइले खानि लोनानिगा रिङ् फेरि चा आङा लोनाँनि, कोइङा खानिङा बिस्वास आचोगुम्ना नुना खाबोर माले आरको नुना खाबोर पारचार चोगुटु भोने, हिट्नाङा साजाए टोगुटु॥ 10आङा खानि लोनाँनि, आङा याप्मिचि खुसि मेप्मा कोन्निङ्गेट्निङ्चिङ्गा, टरो माङ्हाङ् खुसि मेप्मा कोलुङ्टुङ्॥ आङा याप्मिचि खुसि मेप्मा कोलुङ्चिङ्गा भोनेउम्टे आङा खिरिस्टङाना सेवा काचोक् लिनेएट्निङ् बे॥
माङ्हाङ्ङा पावाल छेम्डुना
11आम्भु-आन्झाचि हिट्नुङ् आनो-आन्झाचि, आङा खानिलाउङ्सा पारचार चोगुङ्ना नुना खाबोर याप्मिचिलाम्मा टायाना माखाक् नुङ् खानिङा ठाहा टोगानुम्॥ 12आङा ना नुना खाबोर याप्मिलाम्मा टोगुङ्ना माखाक्, हिट्नुङ् ना साङा चा याङ्उहिसिक्टागा चा माखाक्॥ टरो येसु खिरिस्ट आप्पेङा डोक् ना रिङ् याङ्निमेट्टाना ए॥ 13याहुदि धारमा लाडुङ्ना बेला आङाना बारे खानिङा आखेम्सुएसुम्मे॥ हिट्ना बेला आङा माङ्हाङ्ङाना माङ्पाङ्ङिगा आड्डिक् टुक्लोक् याङ्छामा चाट्टुङ्चिङे हिट्नुङ् जाखाम् चोक्मा कोलुङ्चिङे॥#मुलिचेला टोॽवा ८:३; २२:४-५; २६:९-११ 14आङा आटाक्लुङ्चि नुङ्ना याप्मा डोक् याहुदि धारमा पालान् चोगुङ्ना डाना, हिट्नुङ् आटुबा ठेबाचिगा चालान् चाल्ति चा आङाम्बाक् निङ्ग्वालाम्मा डोक् चोगुङ्ना डाना॥#मुलिचेला टोॽवा २२:३
15टरो माङ्हाङ्ङा आङा पोङ्मा नुङ्ना पाइले डोक् उन्ङाना मायादायाङा याङ्साम्डे हिट्नुङ् उन्ङाना सेवा चोक्मा याङ्सेगे॥ 16उन्ङा डोक् आङालाम्मा पानिछोङ्बाचिङि नुना खाबोर पारचार चोक्मा उहिडुङ् नुङ् उइछा आङि निमेट्माउङ्सा उनिङ्ग्वा लोसे॥ हिट्ना बेला आङा खोना याप्मिलोक् चा साल्लाह चोक्ङा खाट्नेएट्निङ्॥ 17आङा नुङ्ना पाइलेगा मुलिचेलाचिलोक् चा साल्लाह चोक्माउङ्सा आङा यरुसलेमङि चा खाट्नेएट्निङ्॥ टरो हिट्ना बेला डोक् आङा आराब देसङि#१:१७ पावाल हिट्ना बेला खोनि खाडेना नुङ् आनि ठाहा टोक्निम्ना॥ उन्ङा १५-२१ पोदङि छेप्टि गाड्डे उन् येसुङाना बारेङि हिसिक्टुचिगा डेन्ङि चा खाड्नेट्नि, हिट्नुङ् उन् मुलिचेलाचिङा चा पाक्चा ओलोडुवाट्टुन्चा॥ येसु खिरिस्ट आप्पेङा डोक् हिट्ना खाबोर उन् पारकाट् चोगुए (११-१२)॥ खाडाङे हिट्नुङ् हान्डेङ् दामास्कास खालाङ्गाङि नोक्टाङे॥
18हिट्नुङ् सुम्बोक् बारखा ओएङ्स्वा आङा पाटरुस#१:१८ पाटरुस केपास चा ओलोडुटु॥ टुब्सिङा यरुसलेम खाडाङे, हिट्नुङ् उन्लोक् इप्पोक् हाप्ता सोम्मा युङाङे॥#मुलिचेला टोॽवा ९:२६-३० 19आङा टाङ्बाङाना उन्झा याकुब माले आरु खोना मुलिचेलाचि चा टुब्नेयाट्निङ्चिङ्॥ 20आङा खानिलाउङ्सा छेप्टुङ्ना रिङ् माङ्जोना माखाक् नुङ् माङ्हाङ्ङा ठाहा टोगुटु॥ 21हिट्नुङ्ना आङा सिरिया लोक् किलिकिया छेट्रालेङ् खाडाङे॥ 22हिट्ना बेला सोम्मा याहुदिया छेट्राङिगा माङ्पाङ्ङिगाँ आझै आङा याङ्उटुब्निगेट्निगा डागा॥ 23हिट्नागाउम् “पाइले आनि याङ्छामा काचाट् याप्मिङा आप्पे जाखाम् चोक्मा कोलुना बिस्वास डोक् हाट्लेसेन् पारचार चोगुएट्टु” नुङ् आरुङा ओमाट्टुना रिङ् एडोक् ओखेम्सुएसुना डाना॥ 24हिट्नाड्डेउङ् हिट्नागाँ आङा चोगुङ्नाँ माङ्हाङ् उनिङ् टो-टो ओचोन्डुए॥
© 2023, Wycliffe Bible Translators, Inc. and Nepal Bible Society