एफिसि 3
3
पानिछोङ्बाचि लोङ्सा पावालङाना टोॽवा
1हिट्नाड्डेउङ् खानि पानिछोङ्बाचि लाउङ्सा खिरिस्ट येसुङाना टोॽवा चोगुङ्नाँ आङा पावाल कैदि लिसेसाङे॥ 2छेम्बा डोक्, माङ्हाङ्ङा आङा खाटाँ याङ्चोगाना रिङ् खानिङा आखेम्सुएसुम्मे, हिट्डेउङ् खानिङा उन्ङाना मायादाया बारेङि खेम्मा कोन्युक्॥ 3माङ्हाङ्ङा उन्ङाना ठोबाना योजाना आङा याङ्निमेट्टे॥ ना बिसाएङि छोट्कारिङिउम् आङा खानिलाउङ्सा पाइले डोक् छेप्टुङ्ना डाना॥ 4आङा छेप्टुङ्ना रिङ् पोढाँ आचोगुम्मे भोने आङा खिरिस्टङाना राहस्सेङाना रिङ् आम्टेप्मा बुजा चोगुङेना नुङ् खानिङा ठाहा आटोगुम्टुम्॥ 5पाइले हिट्ना राहस्सेङाना रिङ् माङ्हाङ्ङा आरु साक्चा पारकाट् चोगुन्गेट्टुन्चिन्गा डागा, टरो हाट्ले ना राहस्सेङाना रिङ् सेङ्सेङ्ना हाङ्सालाम्मा उन्ङाना सेङ्सेङ्गा मुलिचेलाचि लोक् माङ्काटाचिलाउङ्सा पारकाट् चोगेसुचे॥ 6हिट्ना राहस्सेङाना रिङ्ङाना योजानाम्बाक् ना ए, नुना खाबोरङि बिस्वास ओचोगुङ् एडोक् पानिछोङ्बाचि चा एक्केउ याहुदिचिलोक् खिरिस्ट येसुङि हाकवाला उलियुक्॥ हिट्नागा ठिक्ए येम्ङाना आङ्गाचि गाड्डेगा ए॥ हिट्नुङ् हिट्नागाँ माङ्हाङ्ङाना चामारसिङाङाना ओभागा चा ओटोगुटु॥
7माङ्हाङ्ङा याङ्पिडाना ओबोल्ङा हिट्नुङ् ओमायादायाङाना बारदानलाम्मा आङा ना नुना खाबोर पारचार चोक्माना टोॽवा टोगुङे॥ 8सोब्बे माङ्हाङ् ओयाप्मिचि माड्डे आङा सोब्बे नुङ्ना खाट्टिउना लिसाङ् चा खिरिस्टङाना आड्डिक् बाहुमुल्ले नुना खाबोर पानिछोङ्बाचि पारचार चोक्माना बारदान माङ्हाङ्ङा आङा याङ्पिडे॥ 9हिट्नुङ् सोब्बे थोक् काचोक्बा माङ्हाङ्ङा पाइलेलाम्मा डोक् सोगोप् युङ्सुना राहस्सेङाना योजाना सोब्बे याप्मिचि लोमाचि लाउङ्सा आङा याङ्सेगे॥ 10हाट्ले माङ्पाङ्ङिगालाम्मा उन्ङाना सोब्बे खाले ठोना बारेङि निनिम्ना नाराङि सासान् काचोक्चि हिट्नुङ् आधिकार ओटोगुगालाउङ्सा ठाहा पिमाना माङ्हाङ्ङाना उदेसे डाना॥ 11नाम्टे माङ्हाङ्ङाना खोना बेला चा लाट्निना योजाना डाना, हिट्नुङ् ना रिङ् डोक् खिरिस्ट येसु आनि टाङ्बाङि उन्ङा युडुए॥ 12उन्ङि युङ्सुम्ना आनिना बिस्वासलाम्मा डोक् माङ्हाङ् सोरि आनि मिकिट्ङे हिट्नुङ् बिस्वासलोक् खाप्मा हिडिटि॥ 13हिड्नाड्डेउङ् खानि लाउङ्सा आङा आङ्डुङ्ना याङ्छामा आनिसुमुङ् खानि निङ्ग्वा सेट्नेनुम् नुङ् खानि आनुरोध चोक्नाँनि॥ ना रिङ् सोब्बे खानिगा ओचेट्नुना लोङ्सा डोक् ए॥
पावालङाना बिन्टि
14माङ्हाङ्ङा चोगुगा नागा सोब्बे रिङ् मिट्टुङुङ् आनि माङ्हाङ् पाबा सोरि आटुम्बुट् येप्टुङुङ् बिन्टि चोगुङ्टुङ्॥ 15टोनालोग् हिट्नुङ् नाराङि उलिसागा ख्वाप्पा थोक् सिरिस्टि काचोक्बा उन् ए॥#३:१५ गिरिक् छाप्लाङा माट्टुटु, “ख्वाप्पा जाहान्चिगा निङ् टोनालोग् हिट्नुङ् नाराङि युङ्ग्वा॥” आच्छो बेला याप्मिचिङा उन्चि जाहान्चि हिट्नुङ् छोङ्बाचिगा निङ् एङ्स्वा उन्चि ओठेगा टुबाठेबाचिगा निङ् ओछेप्टुगा डागा॥ नाहि पावालङा माङ्हाङ्म्बाक् ना नारा हिट्नुङ् टोनालोग्ङिगा ख्वाप्पा जाहान्चि हिट्नुङ् छोङ्बाचिगा सिरिस्टि काचोक्बा ए नुङ् माट्टुटु॥ 16उन्ङाना माङ्ठेना हिट्नुङ् माहिमित ओबोल्लाम्मा माङ्हाङ्ङाना ओहाङ्साङा खानि निङ्ग्वा बोल्लेउ माचोगिबिडिटि नुङ् आङा बिन्टि ठाङ्सुङ्टुङ्॥ 17हिट्नुङ् खानिङा बिस्वास आचोगुम्ना खिरिस्टङाना ओहाङ्सा खानि निङ्ग्वाङि बास उयुङ्याक् नुङ् बिन्टि चोगुङ्टुङ्॥ हिट्नुङ् माङ्हाङ्ङाना ओमायाङि खानिङा ओजारा ठेन्डानुम् हिट्नुङ् दोरो लिसानि नुङ् आङा बिन्टि चोगुङ्टुङ्॥ 18हिड्डेउङ् खानिङा चा सोब्बे माङ्हाङ् ओयाप्मिलोक् खिरिस्टङाना माया खोट्टेप्मा केना, खोट्टेप्मा बेङ्ना, खोट्टेप्मा ठेना हिट्नुङ् खोट्टेप्मा घाइरो नुङ् ठाहा टोक्मा आहिडुम्टुम्॥ 19आनि उन्ङाना माया सोब्बे बुजा चोक्मा हिनिम्ना टरोचा, खानिङा खिरिस्टङाना माया बुजा चोगानुम् नुङ् बिन्टि चोगुङ्टुङ्, हिट्नुङ् माङ्हाङ्ङा उन्ङाना ओचाट्लाङा खानि माइप्टिटि॥
20-21खिरिस्ट येसु हिट्नुङ् बिस्वासिचिङा सोब्बे बेला हिट्नुङ् सोरोक् माङ्हाङ् उनिङ् ओचोन्डुवाक् नुङ् बिन्टि ठाङ्सुङ्टुङ्॥ आनि निङ्ग्वा भिट्रा टोॽवा चोगुना उन्ङाना ओबोल्ङा आनि नाक्टुम्ना हिट्नुङ् मिट्टुम्ना ख्वाप्पा थोक् नुङ्ना चा औधि याप्मा चोक्मा हिडुटु॥ आमेन्॥
© 2023, Wycliffe Bible Translators, Inc. and Nepal Bible Society