२ तिमोथि 4
4
नुना खाबोर खेम्मेप्माना जिम्मा
1माङ्हाङ् जामानि युङ्सुङ् हिट्नुङ् उसियागा हिट्नुङ् उहिङागा याप्मिचिगा न्याए काचोक्बा खिरिस्ट येसु जामानि युङ्सुङ्, हिट्नुङ् उन् उङ्ना हिट्नुङ् हाङ्बा लियुङ् सासान् चोगुना रिङ् बिचार चोक्सा खान् नाड्डेना आग्याँ पिनाँ, 2माङ्हाङ् रिङ् पारचार चोगु, बेला लिचा लिनिचा पारचार चोक्मा टेयार लिसा, सोब्बे थोक्चि निङ्ग्वा रेक्टुङ् हिट्नुङ् हिसिक्टुचिउङ् साल्लाह पिडुचि, खेमा लाप्टुचि हिट्नुङ् आँट् पिडुचि॥ 3पोङ्भोने नाड्डेना बेला चा टायुक्, याप्मिचिङा छेम्बाना हिसिक्मा खेम्मा डोक् ओनाडुटु, टरो उन्चि निङ्ग्वा ओलासागा रिङ्चि एरोक् ओखेम्सुटु हिट्नुङ् उन्चि निङ्ग्वा हारका लिना रिङ् कामाप्बा काहिसिक्बाचिगा एरोक् जोम् उछुम्सुटु॥ 4हिट्नुङ् हिट्नागाँ छेम्बागा रिङ् खेम्मा ओनाडुङ् छिॽवाट् मुन्डुम्चि खेम्मा उन्चि निङ्ग्वा उपिडुटु॥ 5टरो सोब्बे बेला खान्उम्बाक् आप्पे लोङ्सा मुठिङि युङ्सु, याङ्छामा आङ्डु, नुना खाबोर पारचार चोगु, हिट्नुङ् माङ्हाङ्ङा मापिडाना सोब्बे टोॽवाङाना जिम्मा पुरो चोगु॥ 6पोङ्भोने आङाना आयेम्उम् भोक् ठाङ्माना बेला टाइसे, हिट्नुङ् आङाना साम्माना बेला लिमा हिडे॥ 7पिम्माना टोॽवाङि आङा नुलोक् पिन्डेसाङे॥ आङा पिम्माना टोॽवा हिडुएसुङे, हिट्नुङ् आङा बिस्वास#४:७ बिस्वासउम्बाक् पावालङा नुना खाबोर जोगाँ चोगुना रिङ् माट्टुना॥ जोगाँ चोगुएसुङे॥ 8हाट्लेउम् आङालोङ्सा धारमिक्ताङाना मुकुट् युङ्गुवा, हिट्ना मुकुट् नुलोक् न्याए काचोक्बा टाङ्बाङा हिट्ना बेला आङा याङ्पियुक्, हिट्नुङ् आङा एडोक् माखाक्, टरो उन् टाना ओलाम्बो उपुयुगा सोब्बेलोङ्सा पिडुचिचि॥
9आहिडुलोक् सोम्मा एला डोक् खान् आङा टुब्सिङा आबा॥ 10पोङ्भोने डेमासङा ना नाराङिगा थोक्चिङि उनिङ्ग्वा पिडुङ् आङा याङ्नाडाउङ् उन् थेसालोनिकेङि खाडाइसे॥ केरसेन्साम्बाक् गालातियाङि हिट्नुङ् तितासम्बाक् दालामातियाङि खाडाइसे॥#कालास्सि ४:१४; फिलेमोन २४; २ कोरिन्थि ८:२३; गालाति २:३; तितास १:४ 11आङालोक् लुका एडोक् युङ्ग्वा॥ खान् आआब्नाँ मारकुस कोलुङ् खान्लोक् एक्केउ आब्टु, पोङ्भोने आङाना सेवाङि हिट्नाङा घुवार फामा हिङा॥#कालास्सि ४:१४; फिलेमोन २४; मुलिचेला टोॽवा १२:१२,२५; १३:१३; १५:३७-३९; कालास्सि ४:१० 12आङा तुखिकास एफिसासङि पाङ्सुएसुङे॥#मुलिचेला टोॽवा २०:४; एफिसि ६:२१-२२; कालास्सि ४:७-८ 13खान् आआब्नाँ आङा तोरआसङि कारपास ओलोडुना याप्मिङि नाडुङ्ना आखास्टो आप्टुङ् आबा॥ हिट्नि लिसागा छाप्लाचि हिट्नुङ् मुलिगारि ओहोॽवाङि छेप्बालाक् छाप्लाचिम्बाक् मिमुन्ने आप्टुचि॥#मुलिचेला टोॽवा २०:६ 14टाँबोङाना भाँडाकुँडा कामाँ काचोक् आलेक्जेन्डरङा आङा आड्डिक् ओचाफेन्लोक् याङ्मेट्टे॥ हिट्नाँ चोगुना टोॽवाङाना साजाए टाङ्बाङा डोक् पिडुटु॥#१ तिमोथि १:२०; छाम्लोमा छाप्ला ६२:१२; रोमि २:६ 15हिट्नालोक् खान् ओछेक्छेक् लिसाउङ् युङा, पोङ्भोने हिट्नाँ आनि पारचार चोगुम्ना खाबोरङाना औधि डोक् बिरोध चोगुए॥
16पाइलेना खेप् आङाना मुद्दा ठायाना बेला साक्चा आङालेङ् ओचेक्नेट्नि, टरो सोब्बेङा याङ्ओनाडे॥ ना रिङ्ङाना फाट्टुर हिट्नागाङि ओठानिचा॥ 17टरो टाङ्बाङा घुवार याङ्फाडाउङ् सोब्बे पानिछोङ्बाचिङा खाबोर खेम्मा ओटोगु नुङ् उन्ङा पारचार चोक्माना बोल् याङ्पिडे॥ नाड्डेउङ् आङा किबाङाना ओयासिलाम्मा छुट्कारा टोगुङे॥ 18टाङ्बाङा आङा सोब्बे पारिक्ङागा ओचाफेन्गा रिङ्लाम्मा जोगाँ याङ्चोक्युक्, हिट्नुङ् उन्ङा सासान् चोगुना टोनालोग्ङि जोगाँ चोक्ङाउङ् याङ्खाट्युक्॥ उन्ङाना सोरोक् माहिमा उलियाक्॥ आमेन्॥
19पिरिस्किला लोक् आकिलास हिट्नुङ् ओनेसिफरस ओपाङिगा जाहान्चि लोङ्सा आङाना बाबा ए नुङ् खेम्मेट्टुचि॥ 20इरास्तस कोरिन्थिङि डोक् युङे, हिट्नुङ् तोरफिमास ओयेम् टुगाउङ् आङा उन् मिलेटासङि डोक् पोक्टुङ्ढाङ्ङे॥#मुलिचेला टोॽवा १९:२२; रोमि १६:२३; मुलिचेला टोॽवा २०:४; २१:२९ 21चुङ्ग्वामाङाना बेला लिमा पाइला डोक् खान् आङि आप्मा टेयार लिसा॥ युबुलासङा खान् बाबा माहाक्टाइसे, हिट्नुङ् पुडेस, लिनास, क्लौडिया हिट्नुङ् सोब्बे भुम्भु-झान्झाचिङा चा बाबा माहाक्टाइसे॥ 22टाङ्बा येसु खान्लोक् उलियाक्॥ हिट्नुङ् माङ्हाङ्ङाना मायादाया खानिलोक् उलियाक्॥
© 2023, Wycliffe Bible Translators, Inc. and Nepal Bible Society