ᤖᤥᤔᤡ ᤏᤡᤛᤢᤶ
ᤏᤡᤛᤢᤶ
ᤁᤴ ᤛᤰᤀᤡᤱᤄᤱᤅᤡᤴ ᤐᤠᤘᤗᤖᤧ ᤖᤥᤔ ᤕᤧᤰᤕᤰᤁᤥ ᤁᤧᤏᤧᤒᤠ ᤛᤣᤛᤣᤜᤢᤵᤗᤰᤁᤥᤒᤠ ᤏᤛᤠᤏᤡᤒᤠᤜᤠ᤹ ᤜᤠᤰᤋᤢᤛᤡᤒᤠᤖᤥ॥ ᤐᤠᤘᤗᤧᤴ ᤖᤥᤶᤔᤥ ᤔᤧᤶᤒᤣ᤺ᤰᤁᤣ ᤘᤕᤧ. ᤁᤖ ᤂᤧᤵᤔᤥ ᤐᤣ᤺ᤰᤔᤠᤀᤠᤱ ᤂᤧᤵᤔᤥᤒᤠ ᤏᤛᤠᤏᤡᤒᤠᤜᤠ᤹ ᤋᤢᤶᤔᤠᤛᤡ ᤜᤧᤰᤁᤩᤠᤱ ᤁᤢᤓᤠ ᤕᤧᤶ ᤌᤠᤖᤡᤰ ᤂᤧᤱᤜᤠ᤹ᤏᤢ ᤔᤠᤱᤛᤧᤘᤠ ᤕᤠ᤺ᤶᤒᤰ ᤆᤥ᤺ᤰᤔᤠ ᤏᤡᤱᤛᤣᤰ ᤆᤥᤃᤢ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤗᤠᤶᤒᤠ ᤁᤢᤓᤠ᤹ ᤂᤥᤔᤠᤀᤠᤱ ᤛ᤻ᤐᤣᤏ ᤗᤠᤈᤣ᤹ᤀᤥ ᤛᤢᤏᤠᤀᤡᤱ ᤀᤡᤱᤓᤥᤛᤧ ᤐᤣ᤺ᤰᤔᤠ ᤁᤧᤗ᤹ᤒᤠᤀᤠᤱ ᤏᤡᤱᤘᤠ᤹ ᤆᤥᤃᤢᤀᤠᤱ ᤘᤕᤧᤖᤥ॥ ᤁᤴ ᤛᤰᤀᤡᤱᤄᤱᤅᤥ ᤏᤛᤠᤏᤡᤒᤠ ᤜᤡᤱᤔᤴᤏᤥ ᤆᤠᤜᤠᤒᤠ ᤁᤧᤈᤥ᤺ᤰᤐᤠ ᤐᤠ᤺ᤴᤜᤠ᤹ᤖᤧ ᤁᤢᤕᤠ᤺ᤶᤒᤣᤀᤥ ᤐᤠᤘᤗᤖᤧ ᤆᤧᤰᤂᤢᤀᤠᤱ ᤘᤠ᤹ᤖᤥ॥
ᤐᤠᤘᤗᤖᤧ ᤖᤥᤔ ᤛᤣᤛᤣᤜᤢᤵᤗᤰᤐᤠ ᤔᤏᤠᤜᤠ᤹ᤀᤥ ᤛᤧᤘᤠ ᤋᤥ᤺ᤴᤍᤢᤖ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤥ ᤐᤣᤗᤡᤃᤧᤴ ᤋᤢᤘᤠ ᤋᤥ᤺ᤴᤍᤢᤒᤠ ᤐᤠ᤺ᤴᤏᤡᤴ ᤛᤠᤵᤋᤢᤀᤠᤱ ᤘᤠ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤔᤠᤀᤥ ᤕᤜᤢᤍᤡᤛᤠᤱ ᤌᤡᤶᤔᤧᤴᤍᤱ ᤛᤢᤘᤠᤱᤛᤠᤱ ᤗᤠᤕᤥ ᤔᤣ᤺ᤴᤏᤣᤒᤠ ᤐᤥᤱᤔᤠ ᤐᤥᤱ ᤗ᤹ᤖᤡᤰ ᤐᤠᤘᤗᤖᤧ ᤐᤥᤎᤰ ᤆᤥᤃᤢᤀᤠᤱ ᤘᤠ᤹. ᤌᤣᤀᤠᤱᤓᤧᤸᤗᤧ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ ᤗᤠᤕᤥᤖᤧ ᤋᤧᤳᤋᤢᤛᤡᤀᤠᤱ ᤔᤧᤘᤠ᤹ᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤔᤠᤀᤥ ᤗᤠᤕᤥ ᤔᤣ᤺ᤴᤏᤣᤒᤠ ᤐᤥᤱᤔᤠᤃ ᤕᤧᤛᤢᤴ ᤏᤛᤠᤴ ᤆᤥ᤺ᤰᤔᤠᤀᤣ ᤐᤥᤱ ᤑᤠ᤹ᤀᤠᤱ ᤔᤧᤳᤋᤢᤛᤡᤖᤥ॥ ᤕᤧᤛᤢᤴ ᤏᤢ ᤌᤡᤰᤜᤢᤵ ᤐᤥᤱᤔᤠᤸᤗᤧ ᤁᤢᤛᤱ ᤜᤡᤱᤔᤴᤏᤡᤴ ᤀᤠᤄᤥᤛᤢᤶ ᤑᤠ᤹ᤀᤠᤱ ᤔᤧᤳᤋᤢᤛᤡᤖᤥ॥ ᤏᤛᤠᤏᤡᤒᤠᤜᤠ᤹ᤖᤧ ᤏᤡᤱᤘᤠ᤹ᤑᤢᤔᤠᤱᤅᤡᤴᤏᤢ ᤛᤏᤠᤖᤢᤱ ᤔᤧᤃᤳᤋᤢ᤹. ᤜᤧᤰᤁᤩᤠᤱ ᤛᤣᤛᤣᤔᤠᤱᤅᤡᤸᤗᤧ ᤗᤠᤕᤥ ᤏᤢ ᤛᤡᤔᤧᤸᤗᤧᤴ ᤔᤢᤰᤛᤠᤶᤗᤠᤶᤒᤠ ᤆᤥ᤺ᤰᤕᤢᤶᤓᤥ ᤐᤡᤖᤢᤛᤡ᤹ᤖᤥ॥ ᤏᤠ᤺ᤳᤗᤠ ᥋-᥎ ᤀᤥ ᤐᤠᤘᤗᤖᤧ ᤛᤠᤶᤕᤥᤌᤡᤶᤔᤡᤸᤗᤧᤴ ᤏᤡᤱᤘᤠ᤹ᤛᤥᤰᤁᤡᤴ ᤏᤢ ᤏᤛᤠᤏᤡᤒᤠᤜᤠ᤹ᤖᤧ ᤂᤢᤏᤡ᤹ ᤜᤡᤱᤔᤴᤏᤥ ᤛᤣᤛᤣᤔᤠᤱᤅᤡᤸᤗᤧ ᤁᤢᤔᤢᤰᤛᤠᤶᤔᤡᤸᤗᤧ ᤁᤢᤕᤠ᤺ᤶᤒᤣᤀᤥ ᤆᤧᤰᤂᤢᤖᤥ॥ ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤠᤰ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤗᤠᤃᤡ ᤆᤥᤃᤢᤒᤠ ᤏᤡᤱᤛᤣ᤺ᤰᤁᤥ ᤀᤰᤂᤣᤗ᤹ᤖᤡᤰ ᤕᤜᤢᤍᤡᤜᤠ᤹ ᤏᤢ ᤌᤡᤶᤔᤧᤴᤍᤱ ᤛᤢᤘᤠᤱᤜᤠ᤹ ᤋᤠᤔᤠ ᤔᤧᤛᤢᤰᤐᤣ ᤑᤠ᤹ᤀᤠᤱ ᤐᤠᤴ ᤌᤰᤗᤥ॥ ᤕᤜᤢᤍᤡᤜᤠ᤹ᤖᤧ ᤕᤧᤛᤢᤴ ᤔᤧᤏᤠ᤹ᤖᤢᤒᤠᤸᤗᤧ ᤆᤥᤃᤢᤸᤗᤧ ᤘᤣ᤹ ᤔᤧᤴᤇᤠᤶ ᤛᤢᤘᤠᤱᤜᤠ᤹ᤖᤧ ᤕᤧᤛᤢ ᤂᤪᤡᤛ᤻ᤋᤧᤴ ᤏᤛᤠᤴ ᤆᤥ᤺ᤰᤔᤥᤗᤠᤶ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤗᤢᤱᤃᤢᤶᤔᤡᤴ ᤔᤧᤄᤥᤛᤢᤖ ᤁᤧᤗ᤹ᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣᤰ ᤘᤕᤧᤖᤥ॥ ᤁᤢᤏᤢᤵᤔᤥ ᤐᤠᤘᤗᤖᤧ ᤂᤪᤡᤛ᤻ᤋᤠᤏᤡ ᤜᤡᤱᤔᤴᤏᤥ ᤘᤣ᤹ᤜᤠ᤹ ᤗᤢᤱᤔᤠ᤹ ᤋᤢᤰᤔᤠᤛᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤘᤠ᤹ ᤋᤠᤔᤠ ᤛᤢᤰᤋᤧᤳ ᤗ᤹ᤖᤡᤰ ᤆᤧᤰᤂᤢᤀᤠᤱ ᤘᤠ᤹ᤖᤥ॥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤔᤠᤱᤛᤧᤘᤠ ᤆᤥ᤺ᤰᤔᤠ. ᤏᤛᤠᤏᤡᤒᤠᤜᤠ᤹ᤖᤧ ᤀᤠᤒᤠᤅᤣ ᤗᤠᤈᤣ᤹ ᤕᤢᤰᤛᤠᤒᤠᤜᤠ᤹ ᤜᤧᤰᤁᤩᤠᤱ ᤘᤣ᤹ ᤔᤏᤠᤜᤠ᤹ᤏᤢ ᤆᤥ᤺ᤰᤔᤠ ᤁᤧᤒᤥᤱᤒᤠ ᤗᤰᤐᤧᤴᤏᤡᤸᤗᤧ ᤁᤢᤕᤠ᤺ᤶᤒᤣᤀᤥᤀᤠᤱ ᤛᤠᤵᤋᤢᤀᤠᤱ ᤐᤳᤗᤥ॥
ᤋᤠᤱᤒᤠ ᤌᤠᤔᤡᤱ
ᤏᤡᤛᤢᤶ ᤏᤢ ᤏᤡᤱᤘᤠ᤹ᤛᤥᤰ ᥇:᥇-᥇᥍
ᤔᤏᤠᤜᤠ᤹ ᤛᤧᤴᤗᤵ ᤆᤠᤜᤠᤒᤠ ᤔᤧᤈᤥᤰ ᥇:᥇᥎–᥉:᥈᥆
ᤛᤧᤴᤗᤵᤖᤧ ᤗᤠᤃᤡ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣᤰ ᥉:᥈᥇–᥊:᥈᥋
ᤂᤪᤡᤛ᤻ᤋᤀᤥ ᤁᤢᤛᤱ ᤜᤡᤱᤔᤴ ᥋:᥇–᥎:᥉᥏
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤁᤢᤏᤡᤱᤛᤣ᤺ᤰᤁᤥ ᤕᤜᤢᤍᤡᤜᤠ᤹ ᥏:᥇–᥇᥇:᥉᥌
ᤂᤪᤡᤛ᤻ᤋᤠᤏᤡ ᤌᤡᤶ ᥇᥈:᥇–᥇᥋:᥇᥉
ᤁᤢᤏᤢᤵᤔᤠ ᤏᤢ ᤐᤠᤘᤗᤖᤧ ᤁᤢᤛᤣᤘᤠᤴ ᥇᥋:᥇᥊–᥇᥌:᥈᥍
S'ha seleccionat:
ᤖᤥᤔᤡ ᤏᤡᤛᤢᤶ: LIFOTNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2009, 2023, Wycliffe Bible Translators, Inc. All rights reserved.