Евангелле паводле Мацвея Раздзел 15
Раздзел 15
1 #
Мк. 7:1; Ян. 1:19 Потым падышлі да Ісуса кніжнікі і фарысеі з Ерузаліма, кажучы:
2 #
Мк. 7:5; Лк. 11:38 «Чаму вучні Твае пераступаюць звычаі старэйшых? Бо яны не мыюць рук сваіх, калі ядуць хлеб».
3 #
Рым. 3:31
А Ён, адказваючы, гаворыць ім: «Чаму і вы пераступаеце прыказанні Божыя дзеля вашай традыцыі? Бо Бог сказаў:
4 #
Вых. 20:12; 21:17; Святар. 20:9; Паўт. Зак. 5:16; Мк. 7:10; Эф. 6:2; 1Цім. 5:4 “Шануй бацьку твайго і маці”, і таксама: “Хто зняважыць бацьку або маці – хай будзе смерцю пакараны”.
5 #
Мк. 7:11
Вы ж кажаце: “Той, хто скажа бацьку або маці: “Дар ёсць тое, у чым табе ад мяне была б карысць”,
6той можа не шанаваць бацькі свайго ці маці сваю”. Так скасавалі вы слова Божае дзеля вашай традыцыі.
7 #
Мк. 7:6 Крывадушнікі! Добра пра вас праракаваў Ісая, кажучы:
8 #
Іс. 29:13
“Гэты народ набліжаецца да Мяне вуснамі сваімі і шануе Мяне языком, але сэрца іх далёка ад Мяне;
9 #
Клс. 2:18; Ціт. 1:14 ды дарэмна ўшаноўваюць Мяне, выкладаючы вучэнні і прыказанні людскія”».
10 #
Мк. 7:14
І, склікаўшы людзей, казаў ім: «Слухайце і разумейце:
11 #
Дзеі 10:15; Рым. 3:13; 1Цім. 4:4; Ціт. 1:15 не тое, што ўваходзіць у вусны, апаганьвае чалавека, але тое, што з вуснаў выходзіць, тое апаганьвае чалавека».
12Тады падышлі вучні Яго і кажуць Яму: «Ці ведаеш, што фарысеі, пачуўшы гэтае слова, абурыліся?»
13 #
Ян. 15:2; 1Кар. 3:12 А Ён, адказваючы, гаворыць ім: «Усякая расліна, якой не пасадзіў Айцец Мой Нябесны, выкарчавана будзе.
14 #
Лк. 6:39; Ян. 9:40 Пакіньце іх: яны сляпыя правадыры сляпых; а калі сляпы сляпога наперадзе вядзе, дык абодва ўваляцца ў яму».
15 #
Мк. 7:17
А Пётра, адказваючы, сказаў Яму: «Растлумач нам гэтую прыпавесць».
16 #
Мк. 7:18
А Ён сказаў: «І вы таксама яшчэ без розуму?
17 #
1Кар. 6:13
Не разумееце, што ўсё, што ў вусны ўваходзіць, ідзе ў чэрава і выкідаецца вонкі?
18 #
Мк. 7:20; Як. 3:6 А што з вуснаў выходзіць, паходзіць ад сэрца, і гэта апаганьвае чалавека.
19 #
Мк. 7:21; Рым. 1:29; Гал. 5:19 Бо з сэрца паходзяць благія думкі, забойства, чужаложства, распуста, рабункі, фальшывыя сведчанні, блюзненні.
20Гэта тое, што апаганьвае чалавека. А есці нямытымі рукамі не апаганьвае чалавека».
21 #
Мк. 7:24
І, выйшаўшы адтуль, Ісус накіраваўся ў межы Тыра і Сідона.
22І вось, жанчына хананейка, выйшаўшы з тых мясцін, крычала Ісусу, кажучы: «Злітуйся нада мной, Госпадзе, Сыне Давіда! Дачка мая моцна ад дэмана пакутуе».
23А Ён не адказаў ёй ані слова. А вучні Яго, падышоўшы, прасілі Яго, кажучы: «Адпусці яе, бо яна крычыць нам услед».
24 #
Рым. 15:8
Але Ён, адказваючы, гаворыць: «Пасланы Я толькі да авец, якія пакінулі дом Ізраэля».
25А яна падышла і пакланілася Яму, кажучы: «Госпадзе, дапамажы мне!»
26 #
Адкр. 22:15
Ён, адказваючы, гаворыць: «Не добра забіраць хлеб ад дзяцей і кідаць шчанятам».
27 #
Лк. 16:21
А яна сказала: «Так, Госпадзе, але і шчаняты ядуць ад крошак, якія падаюць са стала гаспадароў іх».
28 #
Лк. 7:7; 1Ян. 5:10 Тады, адказваючы, Ісус гаворыць ёй: «О жанчына! Вялікая вера твая, няхай станецца табе, як ты хочаш». І ў тую ж гадзіну дачка яе была аздароўлена.
29 #
Мк. 7:31
І, калі выйшаў адтуль Ісус, прыйшоў Ён на бераг мора Галілейскага і, узышоўшы на гару, сядзеў там.
30 #
Мк. 7:25; Лк. 8:41 І падышлі да Яго шматлікія натоўпы, маючы з сабой кульгавых, сляпых, нямоглых, нямых ды многа іншых, і клалі іх да ног Ісуса, і Ён аздаравіў іх,
31 #
Лк. 5:25
так што людзі дзівіліся, бачачы, што нямыя гавораць, нямоглыя аздараўляюцца, і кульгавыя ходзяць, і сляпыя бачаць. І ўслаўлялі Бога Ізраэля.
32 #
Мк. 8:1
Ісус жа, паклікаўшы вучняў Сваіх, казаў: «Шкада мне людзей, бо ўжо тры дні знаходзяцца пры Мне і не маюць чаго есці. А Я не хачу адправіць іх галодных, каб не аслабелі ў дарозе».
33І кажуць Яму вучні Яго: «Адкуль у нас у пустыні столькі хлеба, каб накарміць гэткі натоўп?»
34І гаворыць ім Ісус: «Колькі маеце хлябоў?» Яны ж сказалі: «Сем, і крыху рыбы».
35І загадаў Ісус людзям узлегчы на зямлі.
36 #
Лк. 22:17; Дзеі 27:35; 1Цім. 4:4 І, узяўшы сем хлябоў і рыбу і падзяку складаючы, разламаў і даў вучням Сваім, а вучні людзям.
37І елі ўсе, і наеліся. А таго, што засталося з кавалкаў, назбіралі сем поўных кашоў.
38А тых, што елі, было чатыры тысячы чалавек, апрача дзяцей і жанчын.
39І, адпусціўшы людзей, Ён увайшоў у лодку і прыплыў у межы Магдаліна.
S'ha seleccionat:
Евангелле паводле Мацвея Раздзел 15: ББЧ
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
© МХРБ «Біблейскае таварыства ў Рэспубліцы Беларусь», 2017