2 कुरिन्थियो 9
9
हाती विश्वास्यान केरता मोदेद
1ऐवी ता सेवान विषयी जी पवित्र माणहा केरता केरील जातेह, माहु तुमूह लिखील गिरीज नाहं. 2काहाकाय मी तुमरो मोनान तियार एनो ओळखणे, ज्यान मुळे मी तुमरेबाराम मासेदोनियाच्या रेडनरान ओगाण गर्व देखाड्थू कि अखयान माणहे एक वोरोन तियार एय गीयो हेते, एने तुमरो उत्साहाने एने जादा जाणाह उबरीयेल किरील हि. 3पुण मी बायाक तान केरता मोकलील हि कि आमु जो गर्व तुमरो विषयी देखाडील हि, तो आवो वातून वाया एहू नाहा; पुण जोहलो मी कियील तोहोलोच तुमूह तियार रीवू. 4इही एणेन मां कि जर कूण मासेदोनियाच्या रेणार मारो हेर्यो आवूह एने तुमूह तियार इयील देखूह, तर एहू शकते कि आवो खात्रीचे काहाकाय आमु हे किथी नाहं कि तुमूह लाज आली एणेन जुवी. 5तान वजेसे मी बायाक हि विनंती केरुहू जरुरी समजील कि ते पेलरीन तुमरेहे-यो जाणेन जुवी, एने तुमरो उदार केरणे फोल ज्यावीरूढ पेल्लारीन वचन आपील गीया एता, तियारी केरीन मीलनु कि हे दाबावु नाहं तर उदारतेच्य फळापरत तियार एने जुवी.
दान किहिक आपणु
6पुण हि वात हि कि: जो थोडो पेरणेन, तो थोडो काट्नार; एने जो जुलुम पेरणेन तो जुलुम काटी. 7प्रत्येक जन जोहलो मोना माय विचार केरुहू तोहोलोच दान आपणे; कुरकुर केरीन नाहं एने जबरीवाही पुण नाहं, काहाकाय बोगवान आनंद आपणारा प्रेम करने. 8बोगवान आखा प्रकारान कृपा तुमूह जुलुम केरीन आपथु जी माय आखा वातून एने प्रत्येक टाइम, आखा काही, तुमूह गिरीज हि, तुमरेहे-यो रेणेन जुवी, एने प्रत्येक हाजो कामान केरता तुमरेहे-यो जुलुम काही रेणेन जुवी. 9जोहलो लेखील हि, “तो वरील, तो गारीबांह दान आपील, तान धर्म कायम टिकीन रेंय.”
10केरीन जो पेरणारान भी एने खाणेन केरता रूटू आपथु, तो तुमूह भी आपण्यू, एने ताह फळदृपी केरुहू; एने तुमरो धार्मिकता फोलाह वोडावी. 11तुमूह प्रत्येक वातून आखा प्रकारान उदारतेकेरिन जे आमारेपुररीन बोगवानान धन्यवाद आपीह, तामाय श्रीमंत बोणावीन जा. 12काहाकाय हि सेवा पुरो केरणे पवित्र माणहान च गिरीज पुरो एता, इही नाहं माणहा फायरीन बोगवानान पुण जादा धन्यवाद एतो. 13काहाकाय जी सेवाह प्रणाम स्वीकार केरीन ता बोगवानान महिमा प्रकट केरणू का तुमूह मसीह बोगवानान सुवार्ताह मानीन तानहोस समर्पित राहतातत्याची हि, आखाहेर्यो मदत केरणेम औदार्य प्रकट केरणू. 14एने ते तुमरीकेरता प्रार्थना केरणू; एने तान केरता कि बोगवानान तुमरे पोर मटली कृपा केरील हि, तुमरेबाराम उत्कंठा बाळगतो. 15बोगवानान, ता तान दाणान केरता जो केणेन बाहेर हि, धन्यवाद एय.
S'ha seleccionat:
2 कुरिन्थियो 9: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.