2 कुरिन्थियो 4
4
माटळ्यान ठामलाम धेन
1तान वजेसे जर आपुपूर ओहली दया एनी कि आमूह हि सेवा जुडी हि, तर आमु हिमंत सोडथू नाहं. 2पुण आमु लाज लिकाडील धन सोडीन आपील, एने आमु कपटाने चालतो नाहं, एने बोगवानान वचनामाय मिलावट केरणू; पुण केरतीन नाहं पुण सत्याह प्रकट केरीन, बोगवाना ओगाण प्रत्येक माणहान विवेकात आपणी हाजी वात बोहाडणु. 3पुण जर आमरा सुवार्ता केरीन पडदु पोडील हि, तर हे नाश एनारान केरता पोडील हि. 4एने ता अविश्वास्यांसाठी, ज्यान बुद्धी आवो जगाच्या देवतांनी आधडू केरीन आपील हि, म्हणजे मसीह जो बोगवान प्रतिरूप हि तान तेजाचा सुवार्तान प्रकाश तापोर चमकेन मां. 5काहाकाय आमु स्वताह नाहं, पुण यीशु मसीहान पोरचार केरतेह; काहा का तो प्रभु हि तान बारामाय ज्यो केतेह, का आमु यीशुन कारण से तुमरा दास हेते. 6तामुळे का बोगवानान हि जो कियील, “अंधराम प्रकाश चमकी” एने तोच आमरा हृदयाम चमकावीदे कि बोगवानान महिमान ओलखातीन प्रकाश यीशु मसीहान आखापूर लेहु.
7“पुण आमरा आहने ते धन मात्ड्या बासनाम मिलील हि कि हे असीमित सामर्थ्य आमुफायरीन नाहं, पुण बोगवान हि देखू रेणेन जुवी.” 8आमु चारुबी दिशांनी संकट तर सहन करने, पुण संकटात दोवडतीन नाहं; आमु घोटाळा पडनु पुण निराश एता नाहं. 9वेखडणु किरील जाथू, पुण आमारो त्याग किरील जात नाहं; पाडिने तर जाथू, पुण नाश एता नाहं. 10आमु यीशुन मोरणाह आपणो शरीराम कायम लीन फिरणे कि यीशुन जीवन पुण आमरा शरीराम प्रकट एने जुवी. 11काहाकाय आमु जीवतालू येतो कायम यीशुकेरीन मोरणेन आथाम होपील जाथू, कि यीशु चे जीवन पुण आमरा मरण पाविल्यो शरीराम प्रकट एने जुवी. 12ज्यानप्रमाणे मरण तर आमरा उपेर प्रभाव टाकणे एने जीवन तुमरे पोर.
13तान केरता आमरा माय तोच विश्वासान आत्मा हि, ज्यान विषयातमाय लिखील हि, “मी विश्वास किरील, तामुळे मी बोल्णु.” केरीन आमु पुण विश्वास करने, एने बोलेहे. 14काहाकाय आमूह मालूम हि कि ज्यान प्रभु यीशुह जीवतालू किरील, तोच आमूह पुण यीशु माय भागीदार होमजाडीन जीवतालू केरुहू, एने तुवाहेर्यो आपणो ओगाण उपस्थित केरूह. 15काहाकाय आखा वस्तु तुमरीकेरता हि, म्हणजे कृपा मोकतान वजेसे जादा एईन बोगवानान महिमाकेरिन धन्यवाद पुण केरणे जुवी.
16तामुळे आमु हिमंत सोडथू नाहं; म्हणजे आमारो बाहेरने माणुह नाश एता जाथू, तेभी पुण आमारो माय वाला माणहान प्रत्येक एक दिह नोवालो एता जाथू. 17काहाकाय आमारो वेखडणु भारातला फोवरोज संकट आमरे केरता जादा मोहोत्व पुरो एने अनंत महिमा उत्पन्न केरतीन जाथू; 18एने आमु देखील वस्तून नाहं पुण देखणार वस्तु दिखिह रेणे; काहाकाय देखू वस्तु थोडो दिहाकेरिन हि, पुण देखणार वस्तु कायम बोणावीन रेतेह.
S'ha seleccionat:
2 कुरिन्थियो 4: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.