1 कुरिन्थियो 8
8
मूर्तीह चेढाविल खाणो
1ऐवी मूर्ती ओगाण बलीदान वस्तून विषय माय आमूह हि का आपु आखा ज्ञान. गर्व निर्माण करने, पुण प्रेमाकेरिन उन्नती एने. 2जर कोणीही लागीह कि माहु काय तेभी मालूम हि, जर जोहलो मालूम जुवी जोहलो उंजूउर ताह मालूम नाहं. 3जर कूण बोगवानान प्रेम करने, तर बोगवान ताह ओळखणे. 4केरीन मूर्ती ओगाण बलीदान वस्तून विषयाम आमूह मालूम हि कि मूर्ती जगामाय कायीच वस्तु नाहं, एने एकास सोडीन दिहरो कूण बोगवान नाहं. 5जर आकाशामाय एने पृथ्वीपोर कोलाक बोगवान कियील जातला जोहलो जादा बोगवान एने जादा प्रभु हेते. 6तेभी आमरे केरता एकुच बोगवान हि: म्हणजे आबुक याफायरीन आखा वस्तु हेते, एने आमु तान केरता हेते एने एकुच प्रभु हेते, म्हणजे यीशु मसीह ज्यान उगेरीन आखा वस्तु एईल, एने आमु पुण ताणुच द्वारे हेते.
7पुण आखाह ज्यो ज्ञान नाहं सोतो, पुण कोलाक ते ऐवी वोर मूर्तीह काय तेभी हि ज्यो सोमजणेन कारण से मूर्तीन ओगांण बलीदान केरील काही वस्तु काय तेभी विशेष हि केरीन खाणु, एने तान विवेक बुद्धी कोमी हि तामाय तां अशुद्ध एय जाणे. 8जेवण आपुहू बोगवानान आहने लीन जात नाहं. एने जर आमु खाइल नाहं तेभी काही नुकसान एता नाहं, एने जर खाइल तर काही फायदा एता नाहं. 9पुण सावधान! एहलो एणेन मां कि तुमरीओगाण हि स्वतंत्रता कां निर्बलांसाठी ठेसांचे कारण एय जाहू. 10काहाकाय जर कुणी तुवाह ज्ञानीह मूर्तीन मंदिरामाय जेवण केरतालु देखी, एने तो निर्बल जन हि, ते कायतान विवेक बुद्धीह मूर्तीन ओगांण चेढाविल वस्तु खाणेन हिमंत नाय एय का? 11इही केरीन तारो बुध्दीपरत निर्बल बायाक तान केरता मसीह मोरणु, नाश एईन जाहू. 12इही केरीन बायहो विरोधामाय अपराध केरणे केरता एने तान निर्बल विवेक बुद्धीला पेलरीन पोतल्याने, तुमूह मसीहान विरोधामाय अपराध केरणू. 13ओहला प्रकारे जर रोटो मारो बायाक ठोकर खावाडणेर, मी केधीच काल्लोबी प्रकारान माह खाण्यू नाहं एने एहलो एणेन मां कि मी आपणो बायाकणेकेरता पेलूच पोचावनारो कारण बोणावूहु.
S'ha seleccionat:
1 कुरिन्थियो 8: NLXNT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.