Matiə 1
1
Thɩ kɔ̃ ʋrɛraakɛ Jeju Kirisiti thenɩ
(Lu 3:23–38)
1Thɩ kɔ̃ ʋrɛraakɛ Jeju Kirisitiikɛ dɔnɩ Davɩdɩɩ bi məl, Abɩrahamɩ məl thenɩ. 2Abɩraham kɔɔ kɔna Ɩjakɩ, dɩ Ɩjakɩ kɔ̃ Jakɔbɩ, dɩ Jakɔbɩ gba kɔ̃ Juda na ɔɔ õkuunsɔ; 3dɩ Juda gba kɔ̃ Farɛsɩ na Jara khɛr ʋrɛraakɛ wɩ‐n wenɩ Tamaar, dɩ Farɛsɩra kɔna Ɛsɩrɔm, dɩ Ɛsɩrɔm gba kɔ̃ Aram; 4dɩ Aram kɔ̃ Amɩnadabɩ, dɩ Amɩnadabɩ gba kɔ̃ Nasɔ̃, dɩ Nasɔ̃ gba kɔ̃ Salmɔ̃; 5dɩ Salmɔ̃ gba kɔ̃ Boajɩ khɛr ʋrɛraakɛ wɩ‐n wenɩ Rahabɩ, dɩ Boajɩ gba kɔ̃ Obɛɛdɩ khɛr ʋrɛraakɛ wɩ‐n wenɩ Ruti; 6dɩ Obɛɛdɩ kɔ̃ Ɩjaɩ, dɩ Ɩjaɩ gba kɔ̃ Davɩdɩɩkɛ dɔnɩ fãgadaar.
Dɩ Davɩdɩ gba kɔ̃ Salomɔ̃ khɛrraakɛ kɔɔ dɔnɩ Urii khɛr; 7dɩ Salomɔ̃ gba kɔ̃ Roboam, dɩ Roboam gba kɔ̃ Abɩa, dɩ Abɩa gba kɔ̃ Aja; 8dɩ Aja gba kɔ̃ Jojafatɩ, dɩ Jojafatɩ gba kɔ̃ Joram, sɩ Ojɩasɩ dor Joramɩ məl; 9dɩ Ojɩasɩ gba kɔ̃ Joatam, dɩ Joatam gba kɔ̃ Akaajɩ, dɩ Akaajɩ gba kɔ̃ Ejekɩasɩ; 10dɩ Ejekɩasɩ gba kɔ̃ Manase, dɩ Manase gba kɔ̃ Amɔ̃, dɩ Amɔ̃ gba kɔ̃ Jojɩasɩ; 11dɩ Jojɩasɩ gba kɔ̃ Jekonɩasɩ na ɔɔ õkuunsɔ, bɔɔkɛ wɩ fʋlɛnɩ Ɩjɩrayɛldara a jalna Babɩlɔn.#2 Fãg 24:14–15; 2 Kur 36:10; Jer 27:20
12Ɔbɔɔkɛ wɩ kɔɔ fʋlɛnɩ Ɩjɩrayɛldara a jalna Babɩlɔn pɩ, gɛr Jekonɩasɩ kɔɔ kʋɔn Salatɩɛl, dɩ Salatɩɛl gba kɔ̃ Jorobabɛl; 13dɩ Jorobabɛl gba kɔ̃ Abiyudi, dɩ Abiyudi gba kɔ̃ Elɩakɩm, dɩ Elɩakɩm gba kɔ̃ Ajɔɔr; 14dɩ Ajɔɔr gba kɔ̃ Sadɔkɩ, dɩ Sadɔkɩ gba kɔ̃ Akɩm, dɩ Akɩm gba kɔ̃ Eliyudi; 15dɩ Eliyudi gba kɔ̃ Eleajaar, dɩ Eleajaar gba kɔ̃ Matã, dɩ Matã gba kɔ̃ Jakɔbɩ; 16dɩ Jakɔbɩ gba kɔ̃ Jojɛfɩɩkɛ dɔnɩ Marɩɩ ko, Marɩɩkɛra kɔɔ kɔnanɩ Jejuukɛ wɩ‐n wenɩ Kirisiti.
17A fʋna Abɩrahamɩ bɔɔ a dana Davɩdɩɩ bɔɔ, thɩ kʋɔn yʋɔr yenã haanle fɛʋ; dɩ a fʋna Davɩdɩɩ bɔɔ a dana bɔɔkɛ wɩ kɔɔ fʋlɛnɩ Ɩjɩrayɛldara a jalna Babɩlɔn, thɩ kʋɔn yʋɔr yenã haanle, dɩ a fʋna bɔɔkɛ wɩ fʋlɛnɩ Ɩjɩrayɛldara a jalna Babɩlɔn a dana Kirisitii bɔɔ, thɩ kʋɔn yʋɔr yenã haanle.
Jeju Kirisitii kɔ̃da
(Lu 2:1–7)
18Hɩnɛ mɔ̃ gɩ kɔɔ danɩ sɩ dɩ wɩ kɔ̃ Jeju Kirisiti. Jojɛfɩ kɔɔ wɛna Jejuu nɩ Marɩ, sɩ wa kɔɔ dã kha paˈ, sɩ Thu Phuu cʋgɛɛ dɩ hana pɛmɛr.#Lu 1:27 19Sɩ gɩdonɩ ɔɔ ko Jojɛfɩ dor tɩɩ sarʋ, aa ƴaal a kʋɛsʋʋ ire tibil jɔra ga, sɩ ɔɔ hara a kpɩɛr sa yɩ ɩna fagʋʋrɛ gbulu. 20Dɩ hɩnɛ, mɔ̃ a hanɩ ga kpɩɛraalera, Kɔ̃tɩnɩ thɔ̃thɔ̃daar thu bɩɛl pʋɔraarɛ dəəlela a sʋʋraa: Jojɛfɩ, Davɩdɩɩ bikuun, fa‐n do maar n fʋ fɩ afɩ khɛr Marɩɩ kpara ga, gɩdonɩ pɛmɛrɩlera a hananɩ Thu Phuu pa gɩ the. 21Kũubir a na kɔ̃ dɩ fa dʋʋ ire Jeju, gɩdonɩ ɔr dɔ ʋrɛ na taanɩ ɔɔ too awɩ sopugosɔra.#Lu 1:31
22Gɩrɛ fɛʋ daan, gɩ cʋʋ gɩrɛ Kɔ̃tɩn kɔɔ gbanɩ ɔɔ bobonɩ nɔ a mɩɩna gɩ ha oti, gɩ sor: 23“Hɩnɛ, khɛ biireekɛ na jɛnɩ kuun paˈ, a na hananɛ pɛmɛr a na kɔ̃ kũubir, wɩ haa ire Emanʋɛl”, i kɩrʋ dʋɔn Thãgba har kha na sɛrɛ.#Eja 7:14
24Dɩ ɔbɔɔkɛ Jojɛfɩra jaanɩ, a cʋʋrɛ gɩrɛɛkɛ Kɔ̃tɩnɩ thɔ̃thɔ̃daar thurə sʋʋraanɩ, dɩ a kpar ɔɔ khɛrra a kɔna, 25sɩ aa‐n phɩnaa ga, phaphapha dɩ kɔ̃ kũubirrə a haa irera Jeju.#Lu 2:21
S'ha seleccionat:
Matiə 1: LOBIRI
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Bible Society of Burkino Faso 1985.