Hechos 11
11
Pedro myu̶dya'agy ma je̱'e̱ mu̶bu̶jkpu̶du̶jk ajku̶xyu̶ñ jim Jerusalén neby najty tu̶ tyuñ tu̶ jyadyii
1Je̱'e̱ apóstolestu̶jk y je̱'e̱ mu̶bu̶jkpu̶du̶jk mu̶dyiibu̶ najty jim Judea ajku̶xy, myu̶doogu̶x je̱'e̱ ayuuk du'un ko je̱'e̱ ja'ay ka'pu̶ jyudíoja'ayu̶ch ajku̶xy je̱'e̱ Dios y'ayuuk tyu̶y'ajt najty tu̶ ku'ubu̶jkku̶xy. 2Peru̶ ko je̱'e̱ Pedro jim Jerusalén wyimbijty, chi je̱'e̱ judío ja'ay nije̱' y'oju̶ je̱'e̱ mu̶dyiibu̶ je̱'e̱ kostumbre janch mu̶jpu̶daakku̶xpu̶ñ, du'un neby je̱'e̱ y'ung y'ana'k tu̶y'ajtu̶u̶ygyu̶xyu̶ñ. 3Chi yajtu̶u̶gu̶xy:
—¿Ti je̱'e̱ ja'ay ko oy tu̶ mgu'ixy tu̶ mu̶gapxy je̱'e̱ ka'pu̶ jyudíoja'ayu̶ch ajku̶xy, y tu̶ mgay tu̶ m'u'uky mu̶u̶d je̱' ajku̶xy?
4Chi je̱'e̱ Pedro ku̶xyu̶ yajmu̶dmu̶dyaaktaayu̶ ajku̶xy du'un neby najty tu̶ tyuñ tu̶ jyadyiiju̶ñ, y ñu̶maayu̶ ajku̶xy:
5—Jim u̶u̶ch najty nDios'o'owu̶dáty ma je̱'e̱ Jope kajptu̶ñ, ko u̶u̶ch je̱'e̱ Dios du'un xyaj'ijxy: N'ijxyu̶ch neby tu'ug mu̶j poob wit tzajpjooty chooñu̶ñ, kyu̶da'agy ma u̶u̶ch je̱'e̱ nwinduuyu̶ñ, xyóchu̶ch mu̶dax'it majaty je̱'e̱ tyaatzku̶ñ. 6Ko u̶u̶ch nimu̶jwa'ky n'ixa'añu̶ch tii jiibyu̶ñ, chi u̶u̶ch n'ijxy janch may no'on ju̶yujk, jiiby najty no'on ju̶yujk mu̶daaxpu̶ kyu̶'u̶ tyeky ajku̶xy y je̱'e̱ awa'an ju̶yujk ajku̶xy, tza'añdy ajku̶xy y joon muuxy ajku̶xy. 7Y chi u̶u̶ch je̱'e̱ ayuuk tu'ug nmu̶dooy xyñu̶ma'ayu̶ch: ‘Pedro, pu̶du̶'u̶g; yaj'o'og yu̶'u̶ no'on ju̶yujk y tzu'udz ju̶kx miich yu̶'u̶.’ 8Chi u̶u̶ch n'adzooy: ‘Ka'p Windzú̶n, nimu̶naaxu̶u̶ u̶u̶ch yu̶'u̶ du'umbu̶ no'on ju̶yujk nga'atzu'uchñu̶ je̱'e̱ mu̶dyiibu̶ ju̶bu̶ku̶ñ y mu̶dyiibu̶ ka'p ñigu'udúkyu̶chu̶ñ nu̶kxy je̱'e̱ judío ja'ay tzu'tzku̶xy.’ 9Chi je̱'e̱ mu̶me̱jtz'ookpu̶ ayuuk tzajpjootypyu̶ chooñ xyñu̶maayu̶ch: ‘Je̱'e̱ mu̶dyiibu̶ je̱'e̱ Dios tu̶ yajwa'achu̶ñ, ka'p miich je̱'e̱ mu̶baad mdijy ko jyu̶bú̶ku̶ch.’ 10Tu̶gu̶u̶g'ook je̱'e̱ du'un tyuunu̶ jyajtu̶, chi je̱'e̱ poob wit tzajpjooty pya'ttu̶gu̶u̶yñu̶. 11Mu̶'it u̶u̶ch xyñija'tku̶xy ma je̱'e̱ tu̶jk ma u̶u̶ch najty n'ijtku̶xyu̶ñ tu̶gu̶u̶g kexyo'oybyu̶, u̶u̶ch najty je̱'e̱ xy'u̶xtaaygyu̶xp, chóngu̶xy jim Cesarea. 12Chi u̶u̶ch je̱'e̱ Espíritu Santo xykyejxy xyñu̶maayu̶ch ko u̶u̶ch ka'p njootme̱tzku̶'u̶wu̶ch, nú̶kxu̶chu̶ch mu̶u̶d je̱' ajku̶xy. Mu̶'it u̶u̶ch nmu̶dnu̶kxy nidudujk adayaaba mu̶bu̶jkpu̶du̶jk ajku̶xy. Chi u̶u̶ch nigu̶xyu̶ ndu̶gu̶u̶ygyu̶xy ma je̱'e̱ ja'ay tyu̶jku̶ñ. 13Je̱'e̱ kudu̶jk u̶u̶ch xyajmu̶dmu̶dyaak ko najty je̱'e̱ ángel tu'ug tu̶ ixy, tyu̶na'ay ma je̱'e̱ tyu̶jku̶ñ, ñu̶ma'ayii: ‘Ke̱x je̱'e̱ mja'ay nije̱' jim ma je̱'e̱ Jope kajptu̶ñ, wan je̱'e̱ Simón nu̶kxy yajtzóngu̶xy mu̶dyiibu̶ nandu'un yajtijpu̶ñ Pedro. 14Y je̱' xy'awaanu̶yu̶p neby je̱'e̱ Dios m'aanu̶mu̶ mu̶baad xyajni'idzooku̶yu̶ju̶ñ, miich y ku̶xyu̶ je̱'e̱ m'ung m'ana'k y je̱'e̱ mjuugy mu̶gu'ug ajku̶xy.’ 15Ko u̶u̶ch je̱'e̱ Jesús y'ayuuk tyu̶y'ajt nyajmu̶dmu̶dyaaktu̶gu̶u̶ygyu̶xy, chi je̱'e̱ Espíritu Santo y'aadu̶gu̶u̶y jyoottu̶gu̶u̶yu̶ ajku̶xy, timydyu'un neby xy'adu̶gu̶u̶y xyjyoottu̶gu̶u̶y ajtu̶m ajku̶xyu̶ñ je̱'e̱ jayu̶jp'ajtpu̶. 16Mu̶'it u̶u̶ch oy nja'aymye̱jtzpaady neby je̱'e̱ Windzú̶n Jesús najty tu̶ myu̶na'añu̶ñ: ‘Jaanch je̱'e̱ Juan (Bautista) ja'ay yajnu̶u̶bejty mu̶u̶d je̱'e̱ nu̶u̶, peru̶ Dios miich je̱'e̱ y'Espíritu Santo xyaj'adu̶gu̶'u̶ xyajjoottu̶gu̶'u̶wu̶p ajku̶xy.’ 17Pu̶nu̶ Dios nandu'un tu̶ myo'oyii ajku̶xy je̱'e̱ ja'ay ka'pu̶ jyudíoja'ayu̶ch ajku̶xy je̱'e̱ mu̶dyiibu̶ tu̶ xymyooyu̶m ajku̶xy ko je̱'e̱ Windzú̶n Jesucristo tu̶ nmu̶bu̶jku̶m ajku̶xy, ¿pu̶n u̶u̶ch ko u̶u̶ch je̱'e̱ Dios nmu̶dtziptúnu̶ch?
18Ko je̱'e̱ Jerusalénbu̶ mu̶bu̶jkpu̶du̶jk je̱'e̱ Pedro y'ayuuk du'un mu̶doowu̶ ajku̶xy, chi du'uñyu̶ y'amoondaaygyu̶xy, y ja'aymye̱jtz o'owu̶dajtku̶xy je̱'e̱ Dios, myu̶naangu̶xy:
—¡Dios du'un tu̶ myu̶na'añ ko je̱'e̱ ka'pu̶ jyudíoja'ayu̶ch ajku̶xy nandu'un jyootwimbijtku̶xu̶ch, neby je̱'e̱ Dios mu̶baad myooyu̶gu̶xyu̶ñ je̱'e̱ wiinu̶u̶xu̶u̶bu̶ jugy'ajtu̶ñ!
Antioquiaja'ay myu̶doogu̶x je̱'e̱ Dios y'ayuuk tyu̶y'ajt
19Mu̶naabu̶ je̱'e̱ Esteban yaj'o'kku̶xyu̶ñ, chi je̱'e̱ mu̶bu̶jkpu̶du̶jk jim Jerusalén u̶xwu̶dijt pawu̶dijtu̶gu̶u̶ygyu̶xy. Chi nije̱' kye̱e̱kku̶xy, ñú̶kxku̶xy Fenicia, Chipre y Antioquía. Y jim je̱'e̱ oybyu̶ ayuuk tu̶y'ajt kapxwa'kxku̶xy ma je̱'e̱ judío ja'ay ajku̶xyu̶ñ, ka'p je̱'e̱ wiingja'ay yajmu̶dmu̶dyaakku̶xy, je'eyu̶du̶'ajty je̱'e̱ judío ja'ay ajku̶xy. 20Nije̱' je̱'e̱ mu̶bu̶jkpu̶du̶jk mu̶dyiibu̶ najty Chipre y Cirene tzóngu̶xpu̶ñ oy jya'tku̶xy jim Antioquía, y jim je̱'e̱ ka'pu̶ jyudíoja'ayu̶ch nandu'un yajmu̶dmu̶dyaakku̶xy je̱'e̱ Jesús, je̱' Windzú̶n oybyu̶ y'ayuuk tyu̶y'ajt. 21Y je̱'e̱ Windzú̶n Dios je̱'e̱ mu̶k'ajtu̶ñ najty mooyu̶p ajku̶xy, y may je̱'e̱ ja'ay jyu̶bu̶kwinma'añ u̶xmajtzku̶xy y mu̶bu̶jkku̶xy je̱'e̱ Windzú̶n Jesús y'ayuuk tyu̶y'ajt.
22Ko je̱'e̱ Jerusalénbu̶ mu̶bu̶jkpu̶du̶jk adaa ayuuk du'un mu̶dooy ajku̶xy, chi je̱'e̱ Bernabé jim Antioquía kejxy ajku̶xy. 23Ko je̱'e̱ Bernabé jim jya'ty, chi ijxy neby je̱'e̱ Dios oy'ajtu̶ñ najty tu̶ tuñu̶ñ, y chi xyooñ y'ijty. Chi nigu̶xyu̶ wyingapx jyu̶jpkapxu̶u̶yu̶gu̶xy ko wan tu'ug'aa tu'ugjoot kuydyuungu̶xy je̱'e̱ Windzú̶n Jesús y'ayuuk tyu̶y'ajt y ka'p y'u̶xtu̶gu̶'u̶wa'kku̶xu̶ch. 24Je̱' ko janch oyjya'ay je̱'e̱ Bernabé ijty, y myu̶dajtpy najty je̱'e̱ Espíritu Santo y je̱'e̱ mu̶bu̶jk'ajtu̶ñ. Y may je̱'e̱ ja'ay mu̶bu̶jkku̶xy je̱'e̱ Windzú̶n Jesús y'ayuuk tyu̶y'ajt.
25Ko adaa du'un tyuunu̶ jyajtu̶, chi je̱'e̱ Bernabé je̱'e̱ Saulo oy u̶xta'ay jim Tarso, 26y ko paaty, chi Antioquía mu̶dnu̶kxy. Jim ka'pxy tu'kjumu̶jt y'ijtku̶xy mu̶u̶d je̱'e̱ mu̶bu̶jkpu̶du̶jk, yaj'u̶xpu̶jkku̶xy je̱'e̱ mayjya'ay. Jim Antioquía jayu̶jp'ajt yajxu̶u̶mooygyu̶xy cristianos, je̱'e̱ ja'ay mu̶dyiibu̶ je̱'e̱ Jesús mu̶bu̶jkku̶xpu̶ñ.
27Je̱'e̱ mu̶'it tiempo je̱'e̱ Dios y'ayuuknajtzkapxu̶u̶ybyu̶du̶jk nije̱' chóngu̶xy jim Jerusalén, y ñú̶kxku̶xy jim Antioquía. 28Y chi nidu'ugtu̶ mu̶dyiibu̶ xu̶u̶'ajtpu̶ñ Agabo tyu̶naayu̶'ky mayjya'ayjyooty, y chi je̱'e̱ Espíritu Santo yajkápxu̶, myu̶naañ ko je̱'e̱ mu̶j'yuu najty ñaaxku̶da'aga'añ ma je̱'e̱ naaxwiimbu̶ kú̶xyu̶ju̶ñ. Y jaanch je̱'e̱ du'un jyajtu̶ mu̶naabu̶ je̱'e̱ Romano mu̶j'ane̱'e̱mbu̶ Claudio najty y'ane'emyu̶ñ. 29Mu̶'it je̱'e̱ mu̶bu̶jkpu̶du̶jk jim Antioquía kapxy'ajtku̶xy ko je̱'e̱ pube̱jtu̶ñ ke̱xaangu̶xy ma je̱'e̱ myu̶gu'ugtu̶jk mu̶dyiibu̶ jim Judea tzu̶naaygyu̶xpu̶ñ, du'un neby pu̶n nidu'ug nidu'ug ye̱ga'añu̶ñ. 30Y du'un tuuñ ajku̶xy, je̱'e̱ Bernabé mu̶u̶d je̱'e̱ Saulo je̱'e̱ meeñ yajmu̶gue̱jxku̶x je̱'e̱ tu̶u̶bu̶ najty myuky ma je̱'e̱ mu̶bu̶jkpu̶du̶jk tuungmu̶u̶dpu̶ ajku̶xyu̶ñ jim Judea.
S'ha seleccionat:
Hechos 11: MIXE
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005
Hechos 11
11
Pedro myu̶dya'agy ma je̱'e̱ mu̶bu̶jkpu̶du̶jk ajku̶xyu̶ñ jim Jerusalén neby najty tu̶ tyuñ tu̶ jyadyii
1Je̱'e̱ apóstolestu̶jk y je̱'e̱ mu̶bu̶jkpu̶du̶jk mu̶dyiibu̶ najty jim Judea ajku̶xy, myu̶doogu̶x je̱'e̱ ayuuk du'un ko je̱'e̱ ja'ay ka'pu̶ jyudíoja'ayu̶ch ajku̶xy je̱'e̱ Dios y'ayuuk tyu̶y'ajt najty tu̶ ku'ubu̶jkku̶xy. 2Peru̶ ko je̱'e̱ Pedro jim Jerusalén wyimbijty, chi je̱'e̱ judío ja'ay nije̱' y'oju̶ je̱'e̱ mu̶dyiibu̶ je̱'e̱ kostumbre janch mu̶jpu̶daakku̶xpu̶ñ, du'un neby je̱'e̱ y'ung y'ana'k tu̶y'ajtu̶u̶ygyu̶xyu̶ñ. 3Chi yajtu̶u̶gu̶xy:
—¿Ti je̱'e̱ ja'ay ko oy tu̶ mgu'ixy tu̶ mu̶gapxy je̱'e̱ ka'pu̶ jyudíoja'ayu̶ch ajku̶xy, y tu̶ mgay tu̶ m'u'uky mu̶u̶d je̱' ajku̶xy?
4Chi je̱'e̱ Pedro ku̶xyu̶ yajmu̶dmu̶dyaaktaayu̶ ajku̶xy du'un neby najty tu̶ tyuñ tu̶ jyadyiiju̶ñ, y ñu̶maayu̶ ajku̶xy:
5—Jim u̶u̶ch najty nDios'o'owu̶dáty ma je̱'e̱ Jope kajptu̶ñ, ko u̶u̶ch je̱'e̱ Dios du'un xyaj'ijxy: N'ijxyu̶ch neby tu'ug mu̶j poob wit tzajpjooty chooñu̶ñ, kyu̶da'agy ma u̶u̶ch je̱'e̱ nwinduuyu̶ñ, xyóchu̶ch mu̶dax'it majaty je̱'e̱ tyaatzku̶ñ. 6Ko u̶u̶ch nimu̶jwa'ky n'ixa'añu̶ch tii jiibyu̶ñ, chi u̶u̶ch n'ijxy janch may no'on ju̶yujk, jiiby najty no'on ju̶yujk mu̶daaxpu̶ kyu̶'u̶ tyeky ajku̶xy y je̱'e̱ awa'an ju̶yujk ajku̶xy, tza'añdy ajku̶xy y joon muuxy ajku̶xy. 7Y chi u̶u̶ch je̱'e̱ ayuuk tu'ug nmu̶dooy xyñu̶ma'ayu̶ch: ‘Pedro, pu̶du̶'u̶g; yaj'o'og yu̶'u̶ no'on ju̶yujk y tzu'udz ju̶kx miich yu̶'u̶.’ 8Chi u̶u̶ch n'adzooy: ‘Ka'p Windzú̶n, nimu̶naaxu̶u̶ u̶u̶ch yu̶'u̶ du'umbu̶ no'on ju̶yujk nga'atzu'uchñu̶ je̱'e̱ mu̶dyiibu̶ ju̶bu̶ku̶ñ y mu̶dyiibu̶ ka'p ñigu'udúkyu̶chu̶ñ nu̶kxy je̱'e̱ judío ja'ay tzu'tzku̶xy.’ 9Chi je̱'e̱ mu̶me̱jtz'ookpu̶ ayuuk tzajpjootypyu̶ chooñ xyñu̶maayu̶ch: ‘Je̱'e̱ mu̶dyiibu̶ je̱'e̱ Dios tu̶ yajwa'achu̶ñ, ka'p miich je̱'e̱ mu̶baad mdijy ko jyu̶bú̶ku̶ch.’ 10Tu̶gu̶u̶g'ook je̱'e̱ du'un tyuunu̶ jyajtu̶, chi je̱'e̱ poob wit tzajpjooty pya'ttu̶gu̶u̶yñu̶. 11Mu̶'it u̶u̶ch xyñija'tku̶xy ma je̱'e̱ tu̶jk ma u̶u̶ch najty n'ijtku̶xyu̶ñ tu̶gu̶u̶g kexyo'oybyu̶, u̶u̶ch najty je̱'e̱ xy'u̶xtaaygyu̶xp, chóngu̶xy jim Cesarea. 12Chi u̶u̶ch je̱'e̱ Espíritu Santo xykyejxy xyñu̶maayu̶ch ko u̶u̶ch ka'p njootme̱tzku̶'u̶wu̶ch, nú̶kxu̶chu̶ch mu̶u̶d je̱' ajku̶xy. Mu̶'it u̶u̶ch nmu̶dnu̶kxy nidudujk adayaaba mu̶bu̶jkpu̶du̶jk ajku̶xy. Chi u̶u̶ch nigu̶xyu̶ ndu̶gu̶u̶ygyu̶xy ma je̱'e̱ ja'ay tyu̶jku̶ñ. 13Je̱'e̱ kudu̶jk u̶u̶ch xyajmu̶dmu̶dyaak ko najty je̱'e̱ ángel tu'ug tu̶ ixy, tyu̶na'ay ma je̱'e̱ tyu̶jku̶ñ, ñu̶ma'ayii: ‘Ke̱x je̱'e̱ mja'ay nije̱' jim ma je̱'e̱ Jope kajptu̶ñ, wan je̱'e̱ Simón nu̶kxy yajtzóngu̶xy mu̶dyiibu̶ nandu'un yajtijpu̶ñ Pedro. 14Y je̱' xy'awaanu̶yu̶p neby je̱'e̱ Dios m'aanu̶mu̶ mu̶baad xyajni'idzooku̶yu̶ju̶ñ, miich y ku̶xyu̶ je̱'e̱ m'ung m'ana'k y je̱'e̱ mjuugy mu̶gu'ug ajku̶xy.’ 15Ko u̶u̶ch je̱'e̱ Jesús y'ayuuk tyu̶y'ajt nyajmu̶dmu̶dyaaktu̶gu̶u̶ygyu̶xy, chi je̱'e̱ Espíritu Santo y'aadu̶gu̶u̶y jyoottu̶gu̶u̶yu̶ ajku̶xy, timydyu'un neby xy'adu̶gu̶u̶y xyjyoottu̶gu̶u̶y ajtu̶m ajku̶xyu̶ñ je̱'e̱ jayu̶jp'ajtpu̶. 16Mu̶'it u̶u̶ch oy nja'aymye̱jtzpaady neby je̱'e̱ Windzú̶n Jesús najty tu̶ myu̶na'añu̶ñ: ‘Jaanch je̱'e̱ Juan (Bautista) ja'ay yajnu̶u̶bejty mu̶u̶d je̱'e̱ nu̶u̶, peru̶ Dios miich je̱'e̱ y'Espíritu Santo xyaj'adu̶gu̶'u̶ xyajjoottu̶gu̶'u̶wu̶p ajku̶xy.’ 17Pu̶nu̶ Dios nandu'un tu̶ myo'oyii ajku̶xy je̱'e̱ ja'ay ka'pu̶ jyudíoja'ayu̶ch ajku̶xy je̱'e̱ mu̶dyiibu̶ tu̶ xymyooyu̶m ajku̶xy ko je̱'e̱ Windzú̶n Jesucristo tu̶ nmu̶bu̶jku̶m ajku̶xy, ¿pu̶n u̶u̶ch ko u̶u̶ch je̱'e̱ Dios nmu̶dtziptúnu̶ch?
18Ko je̱'e̱ Jerusalénbu̶ mu̶bu̶jkpu̶du̶jk je̱'e̱ Pedro y'ayuuk du'un mu̶doowu̶ ajku̶xy, chi du'uñyu̶ y'amoondaaygyu̶xy, y ja'aymye̱jtz o'owu̶dajtku̶xy je̱'e̱ Dios, myu̶naangu̶xy:
—¡Dios du'un tu̶ myu̶na'añ ko je̱'e̱ ka'pu̶ jyudíoja'ayu̶ch ajku̶xy nandu'un jyootwimbijtku̶xu̶ch, neby je̱'e̱ Dios mu̶baad myooyu̶gu̶xyu̶ñ je̱'e̱ wiinu̶u̶xu̶u̶bu̶ jugy'ajtu̶ñ!
Antioquiaja'ay myu̶doogu̶x je̱'e̱ Dios y'ayuuk tyu̶y'ajt
19Mu̶naabu̶ je̱'e̱ Esteban yaj'o'kku̶xyu̶ñ, chi je̱'e̱ mu̶bu̶jkpu̶du̶jk jim Jerusalén u̶xwu̶dijt pawu̶dijtu̶gu̶u̶ygyu̶xy. Chi nije̱' kye̱e̱kku̶xy, ñú̶kxku̶xy Fenicia, Chipre y Antioquía. Y jim je̱'e̱ oybyu̶ ayuuk tu̶y'ajt kapxwa'kxku̶xy ma je̱'e̱ judío ja'ay ajku̶xyu̶ñ, ka'p je̱'e̱ wiingja'ay yajmu̶dmu̶dyaakku̶xy, je'eyu̶du̶'ajty je̱'e̱ judío ja'ay ajku̶xy. 20Nije̱' je̱'e̱ mu̶bu̶jkpu̶du̶jk mu̶dyiibu̶ najty Chipre y Cirene tzóngu̶xpu̶ñ oy jya'tku̶xy jim Antioquía, y jim je̱'e̱ ka'pu̶ jyudíoja'ayu̶ch nandu'un yajmu̶dmu̶dyaakku̶xy je̱'e̱ Jesús, je̱' Windzú̶n oybyu̶ y'ayuuk tyu̶y'ajt. 21Y je̱'e̱ Windzú̶n Dios je̱'e̱ mu̶k'ajtu̶ñ najty mooyu̶p ajku̶xy, y may je̱'e̱ ja'ay jyu̶bu̶kwinma'añ u̶xmajtzku̶xy y mu̶bu̶jkku̶xy je̱'e̱ Windzú̶n Jesús y'ayuuk tyu̶y'ajt.
22Ko je̱'e̱ Jerusalénbu̶ mu̶bu̶jkpu̶du̶jk adaa ayuuk du'un mu̶dooy ajku̶xy, chi je̱'e̱ Bernabé jim Antioquía kejxy ajku̶xy. 23Ko je̱'e̱ Bernabé jim jya'ty, chi ijxy neby je̱'e̱ Dios oy'ajtu̶ñ najty tu̶ tuñu̶ñ, y chi xyooñ y'ijty. Chi nigu̶xyu̶ wyingapx jyu̶jpkapxu̶u̶yu̶gu̶xy ko wan tu'ug'aa tu'ugjoot kuydyuungu̶xy je̱'e̱ Windzú̶n Jesús y'ayuuk tyu̶y'ajt y ka'p y'u̶xtu̶gu̶'u̶wa'kku̶xu̶ch. 24Je̱' ko janch oyjya'ay je̱'e̱ Bernabé ijty, y myu̶dajtpy najty je̱'e̱ Espíritu Santo y je̱'e̱ mu̶bu̶jk'ajtu̶ñ. Y may je̱'e̱ ja'ay mu̶bu̶jkku̶xy je̱'e̱ Windzú̶n Jesús y'ayuuk tyu̶y'ajt.
25Ko adaa du'un tyuunu̶ jyajtu̶, chi je̱'e̱ Bernabé je̱'e̱ Saulo oy u̶xta'ay jim Tarso, 26y ko paaty, chi Antioquía mu̶dnu̶kxy. Jim ka'pxy tu'kjumu̶jt y'ijtku̶xy mu̶u̶d je̱'e̱ mu̶bu̶jkpu̶du̶jk, yaj'u̶xpu̶jkku̶xy je̱'e̱ mayjya'ay. Jim Antioquía jayu̶jp'ajt yajxu̶u̶mooygyu̶xy cristianos, je̱'e̱ ja'ay mu̶dyiibu̶ je̱'e̱ Jesús mu̶bu̶jkku̶xpu̶ñ.
27Je̱'e̱ mu̶'it tiempo je̱'e̱ Dios y'ayuuknajtzkapxu̶u̶ybyu̶du̶jk nije̱' chóngu̶xy jim Jerusalén, y ñú̶kxku̶xy jim Antioquía. 28Y chi nidu'ugtu̶ mu̶dyiibu̶ xu̶u̶'ajtpu̶ñ Agabo tyu̶naayu̶'ky mayjya'ayjyooty, y chi je̱'e̱ Espíritu Santo yajkápxu̶, myu̶naañ ko je̱'e̱ mu̶j'yuu najty ñaaxku̶da'aga'añ ma je̱'e̱ naaxwiimbu̶ kú̶xyu̶ju̶ñ. Y jaanch je̱'e̱ du'un jyajtu̶ mu̶naabu̶ je̱'e̱ Romano mu̶j'ane̱'e̱mbu̶ Claudio najty y'ane'emyu̶ñ. 29Mu̶'it je̱'e̱ mu̶bu̶jkpu̶du̶jk jim Antioquía kapxy'ajtku̶xy ko je̱'e̱ pube̱jtu̶ñ ke̱xaangu̶xy ma je̱'e̱ myu̶gu'ugtu̶jk mu̶dyiibu̶ jim Judea tzu̶naaygyu̶xpu̶ñ, du'un neby pu̶n nidu'ug nidu'ug ye̱ga'añu̶ñ. 30Y du'un tuuñ ajku̶xy, je̱'e̱ Bernabé mu̶u̶d je̱'e̱ Saulo je̱'e̱ meeñ yajmu̶gue̱jxku̶x je̱'e̱ tu̶u̶bu̶ najty myuky ma je̱'e̱ mu̶bu̶jkpu̶du̶jk tuungmu̶u̶dpu̶ ajku̶xyu̶ñ jim Judea.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Nuevo Testamento en Mixe de Mazatlán y Tutla, Oaxaca, México © Sociedad Bíblica de México, A.C. 2005