रोमियों 9
9
परमेश्वर होर तेऊरे चुनीदे लोका
1हाऊं तमा बे मसीहा मे सच बोला कि हाऊ झुठ नांई बोल्दअ मेरी बुध्दी भी पवित्र आत्मा में गुआई दिन्दा। 2की हाऊं बड़अ दुखी साहा, होर मेरा मन सदा दुखी हुंदा। 3किबेकि हाऊं एडा चाहन्दा की आपणे भाई जोह मेरे शरीर संघे रिशतेदार साहा, हाऊं आपु ही मसीहा में शापित हुंदा। 4त्याह इस्राएली साहा होर आपणे मसीहा संगे पाके हुणे रा हक होर महिमा होर वाचा, होर व्यवस्था सेवा होर प्रतिज्ञा त्याही री साहा। 5पूर्वज भी त्याही रे साहा, होर मसीह भी शरीरा रे साबे त्याही रअ साहा जोह सभी रे उझे परम परमेश्वरा री स्तुति जुगा-जुगा धन्य आसा आमीन। 6पर यह नांई की परमेश्वरा रअ बचन टलू, तेबा जोह इस्राएला रे बंश साहा त्याह सबे इस्राएली नांई आंदे। 7होर अब्राहमा रे बंशा हुणे री बजाह का तेऊरे शोहरू होई, पर (लिखू दा साहा) इसहाका का ही तेरअ बंश हुणअ। 8मतलब शरीरा री संतान, परमेश्वरा री संतान नांई, पर प्रतिज्ञा री संतान बंश गीणने वै हुंदा। 9किबेकि प्रतिज्ञा रे बचन यह साहा की हाऊं एउ वक्ता रे साबे ईहण होर सारा रे एक शोहरू हुणअ।
10होर सिर्फ यह नांई होऊ कि, पर जैबा रिबका भी एकी का मतलब हमारे पिता इसहाका का सह गर्भवती थी। 11होर एबरे तणी नाह ता तेसके शोहरू जनमु थी होर त्याह नांई कुछ भला या बुरा करूदा थी, तेबा कि परमेश्वरा री मनसा जोह तेऊरे चुनणे रे साबे साहा, कर्मा रे साबे नांई, पर शादणे आले पेन्दे बणी रहे। 12तेऊ बोलू, जेठअ होछे रअ सेबक हुणअ। 13जेड़ा लिखूदा साहा, माईये याकूबा का प्रेम करू, पर एसाबे सगे प्रेम नांई करू। 14तेबा हामें कैह बोला, कैह परमेश्वर अन्याई साहा? नांई कधी नांई। 15किबेकि सह मूसा वै बोला,
हाऊं जास कासी पेन्दे दया करना चाहदा,
तेऊ पेन्दे दया करणी,
होर जास कासी पेन्दे कृपा करनी चाही
तेऊ पेन्दे कृपा करणी।
16तेबा यह ना चाहणे आले री होर नाह ठुरने आले पर दया करने आले परमेश्वर री गला साहा। 17किबेकि पवित्र शास्त्रा में फिरोना वै बोलू, मांईये तूह एतकी तणी खड़अ करूदअ साहा, कि ताह में आपणी सामर्थ्य रीहाऊ, होर मेरे ना रा प्रचार सारी पृथ्वी में हो। 18तेबा सह, जासू चाहन्दा, तेऊ पेन्दे दया करदा, होर जासू चाहन्दा, तेऊ कठोर बणाऊंदा।
परमेश्वर रा रोष होर तेऊरी दया
19तेबा ताह महा वै बोलणाा, की सह तेबा भी दोष किबे लाउंदा? कुण तेऊरी इच्छ रा आदर करदा। 20हे मणशा भला तूह कुणअ साहा, जोह परमेश्वर रा आदर करा? कैह गढी होई चीज तेता बनाऊणे आले का यह बोली सका की तेऊये हाऊं एडअ किवै बणाऊ? 21कैह खमारा माटे पेन्दे अधिकार नांई आंधा, कि एकी लोंदे में का एक भांडअ आदरा वै होर एक आदरअ नांई हुंदा।? 22तेबा एता में कुण गला अचम्वै री साहा? की परमेश्वर आपणा क्रोधा रिहाऊणे री तणी आपणी सामर्थ्या प्रकट करने री इच्छा रोषा रे भांडे जोह बिनाशा री तणी बणाईदे साहा, त्याह बडे धीरजा का ठीक साहा। 23होर दया रे भांडे में जोह तेऊये महिमा री तणी पहिले तैयार करीदे आपणी महिमा रे धन प्रकट करने री इच्छा करी? 24मतलब हामा पेन्दे जासुये, तेऊये नाह यहूदियों में का पर अन्यजाति का भी आपु संगे शादी। 25जेड़ा सह होशे री कताबा में भी बोलदा साहा,
जोह मरी प्रजा मेरी नांई थी, त्याहवै महा आपणी प्रजा बोलणाा,
होर जोह लोका मेरे प्यारे नांई थी, त्याह वै महा आपणे प्यारे बोलणाा।
26होर एडा हुणा कि जासू जागहा, मांये तेऊवै यह बोलू थी,
कि तमे मेरी प्रजा नांई आंदी तेसा जागहा त्याह जिऊंदे परमेश्वर री संतान हुणी।
27होर यशायाह इस्राएल रे बारे में पुकारी करे बोलू,
चाहे इस्राएल रे शोहरू री गिनती समुन्दरा रे बालू बराबर हो तेबा भी त्याहा में थोडे ही बचणे।
28किबेकि परमेश्वरे आपणे बचन धरती पेन्दे पूरा करी करे धर्मा संघे छेकअ सह पूरअ करणअ।
29जेड़ा यशायाह पहिले भी बोलू, अगर सेनाओं रे परमेश्वरे हामा वै बंश नांई छाडलअ,
तेबा हामा सदोमा जेह हुणे होर अमोरा जेह ठहराउणे।
इस्राएला रा अबुशाह
30तेबा हामा कैह बोलणाा? की अन्यजाति जोह धार्मिकता री खोज नांई करदे, पर जासु धार्मिकता त्या मना, सह धार्मिकता बुशाहे संघे, साहा। 31पर इस्राएली जोह धार्मिकता री व्यवस्था री खोज करदा थी तखे नांई पूजे। 32किवै नांई पूजे? तेबा की त्याह बुशाह संघे नांई, पर कर्मे संघे तेत्की खोज करी थी, त्या तेऊ ठोकरा रे पाथरा का ठोकर खाई। 33जेड़ा लिखूदा साहा,
हेरा महा सिय्योना में एक ठोकरा लाऊणे रअ पाथर डाहणअ, होर ठोकर खाणे री एक चटान डाहणी,
होर जोह तेता पेनदे बुशाह करलअ, सह लजित नांई हुणअ।
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.