रोमियों 13
13
राजा रे प्रति फर्ज
1हर एक मणश प्रधान अधिकारी रे अधीन रहे, किबेकि कोहे अधिकार एडा नांई आंधा जोह परमेश्वरा री आत्मा का मेंज़ा का नांई आंधा थी; होर जोह अधिकार साहा, त्याह सारे परमेश्वरे ठहराईदे साहा। 2तेबा जोह मणश अधिकार रा बिरोध करदा, सह परमेश्वरा री बिधि रा बिरोध करदा, होर बिरोधा करण आले दण्ड भेटणअ। 3किबेकि हाकिम शोभले कामा रे नांई आंदे, पर बुरे कामा री डरा री बजहा साहा तेबा अगर तूह हाकिम का दूर रहणा चाहन्दा, तेबा तूह रामबडे काम करे होर अधिकारे संघे तेरी सराहणा हुणी। 4किबेकि सह तेरी भलाई री तणी परमेश्वरा रअ सेबक साहा, पर अगर तूह बुराई करलअ, तेबा तूह डरे; किबेकि सह तलवार थोगे तुलार आणी करे नांई, होर परमेश्वरा रअ सेबक साहा की सह तेऊरे रोषा संघे बुरे कामा करण आले वै दण्ड देई सका। 5एतकी तणी अधीन रहे ना सीधी तेऊ रोषा का पर डरा का जरूर रहे पर अन्तरात्मा भी यहे गबाही दीन्दा।
6तेबा करा भी देआ किबेकि राज करन आले परमेश्वरा रे सेबक साहा, होर सदा एउ काम में लागदे हुंदा। 7तेबा हर एकी रा हक चूकाऊणा; जासु कर लोड़ी थी तेऊबे कर देआ, तेबा जासू चुगी लोड़ी तेऊवै चुगी दे, जासु का डरी लोड़ी थी तेऊका डरे, होर जासका आदर करू लोड़ी, तेऊरा आदर करे।
पड़ोसी संघा प्रेम
8आपणा प्रेम छाडी करे, होर कासी गला में कासी रे कर्जदार जरूरी नांई होये, किबेकि जोह दूजे का प्रेम डाहनदा, तेऊये व्यवस्था पूरी करी दी साहा। 9किबेकि यह साहा ब्यभिचार नांई करणा, हत्या नांई करणी, चोरी नांई करणी, लालच नांई करणा होर याह सभी गला छाडी करे होर जोह भी आज्ञा साहा त्याह सभी गला रा मतलब यह साहा की आपणे पड़ोसी संघे आपु साही प्रेम डाहणा। 10प्रेम पड़ोसी री किछे बुराई नांई करदा, तेबा प्रेम ढाहणा व्यवस्था पूरी करणी साहा। 11होर वक्त पछेणी करे एडा ही करे, तेबा की एवा थारे निंजा का उठणे रा वक्त आऊआ किबेकि जासू वक्ते हामे बुशाह करू, तेऊ वक्ता री तुलना का एवा हमारा उद्धार नेड साहा। 12राच बीती आई होर धियाड़ होई आई एवा हामा मे जोह बुरे काम साहा त्याह छाडी करे भले काम करने। 13जेहडे धियाडी में, तेहडे हामे भी सीधी चाला में चली लोडी, की बुरी गला में, होर ना पीणे में, होर नाह ब्यभिचार, होर ना लुचपन, होर ना झगडे होर जलना का दूर रहणा। 14पर परमेश्वर यीशु मसीहा री गला पेन्दे चला, होर शरीरा री इच्छा पूरी करने में वक्ता इसतेमाल नांई करा।
Inner Seraji (ईनर सराजी) Bible by The Love Fellowship is licensed under Creative Commons Attribution-ShareAlike 4.0 License.