'Olic 139
139
O Masongila'ay ko Fana' ato Pidipot no Kawas
O 'olic ni Tafiti. Mapatorod i kakridan no paradiway.
1 Tapangaw, masapsapto Iso ko faloco' ako, mafana'to Kiso i takowanan.
2Mafana' Kiso to wakawak ako,
yo i raayho i, mafana'to Kiso to niharatengan ako.
3Ano matayal, ano pahanhan kako i, ma'arawto Iso kako,
mafana' Kiso to nidmakan ako a ma^min.
4 Tapangaw, caho ka pasowal kako i,
mafana'to Kiso to sasowalen ako.
5Ira Kiso i tatihi ako a misimaw,
madipot no 'icel Iso kako.
6Talolong ko nika fana' Iso i takowanan saka, fahka' kako,
caayto ko mamafilo ako a miharateng.
7Talacowa kako ta malimek ako ko 'Adingo Iso saw?
Talacowa kako ta malaliw ako ko pising Iso saw?
8Ano tayra kako i kakarayan i, ira Kiso itira,
ano tayra kako i kaitiraan no mapatayay i, ira Kiso itira.
9Ano ma^fe^fer kako a tayra i kasadakan no cidal i kawali,
ano ^ca i, maro' i ka^tip i co'ed no riyar i,
10wa ira Kiso itira a mikrid i takowanan,
o mamikayat Kiso i takowanan itira.
11Manga'ay kako a milongoc to to'man a papitahpo i takowanan,
ano ^ca milongoc to ta^ngad a maladadaya,
12nikawrira, caay ka matira ko pinengneng Iso, o to'man i, caay ka to'man,
o dadaya ato romi'ad i, malcadayto a ta^ngad.
O to'man ato ta^ngad i, malcadayto ko pinengneng Iso.
13O kmod no tireng ako i, Kiso ko misanga'ay,
i tiyad no ina ako a mipakakafit Kiso i takowanan.
14Mipahmek kako i Tisowanan, nawhani o kakafahka'an, o kakangodoan ko pisanga' Iso i takowanan,
o kafahka'an ko dmak Iso,
mafana' ko faloco' ako tonini.
15I tiyaday no ina kako a masanga',
malahad kako a masimed i laloma',
ano masamaan ko kasafaco no 'okak ako i, mafana' Kiso a ma^min.
16Yo caho ka hofoc kako i, ma'arawto Iso kako,
maharekto Kiso a mitilid i cudad Iso
to aira a dmak ato romi'ad ako.
17Kawasaw, wata: ko nika talolong#139.17 talolong -- ano ^ca i, kakalimlaan. no harateng Iso,
caay ko mamafilo a misa'osi ko niharatengan Iso.
18Ano haccayen ako a misa'osi i, ikaka no adihay no tafok no riyar.
Yo mapalal kako i, o mikapotay kako i Tisowanan.
19Kawasaw, nanay patayen Iso ko tatiihay a tamdaw,
nanay paliyasen Iso ko mari'angay a tamdaw i takowanan.
20Nawhani sowal saho cangra i, milokes cangra i Tisowanan,
sahto o tatiihay ko sowal nangra a milikaf i Tisowanan.
21 Tapangaw, wata: ko nika 'intel ako to mi'intelay i Tisowanan.
Tadama'osi kako to pacoliay i Tisowanan a tamdaw.
22Kelkel sa ko tlii ako i cangraan,
sa'ada hanto ako cangra.
23Kawasaw, nanay hapinangen Iso ko faloco' ako, kafana' to harateng ako,
nanay lifeten Iso kako, sapsapen ko faloco' ako.
24Nanay nengnengen Iso kako ano iraho ko maan a tatiihay a faloco' ako,
nanay kriden Iso kako a romakat i lalan no mida'ocay a 'orip. #139.24 mida'ocay a 'orip -- ano ^ca i, o lalan no tato'asan ako, roma i, iti:yaayho a lalan.
S'ha seleccionat:
'Olic 139: AMIS2019
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© The Bible Society in Taiwan, 2019