Kenesis 45
45
1Im Yōsef yetū faneteme woresiugi nageri eni ūnĭmĭnda sū mori dal iyi, miyi yovrugi memokū, ūtamūl‐ōra ōveteme omwi sū ilat, ĭm tawi sī neteme yetūrū ra nokoren eni ra nĭmpugon Yōsef yesepen enūwi pun ōra, ravĭnsīeme eni memokū, iyi avĭnsī en irora. 2Miyi yĭmtugageri sah mōveteme Ityĭpt dūrĭgi, mirora ra mumpon nimō eni Fērō dūrĭgi sugkū. 3Im Yōsef yenūwi pun ōra ravĭnsīeme memokū, yx Yōsef; ĭtemen‐e‐yx umnomūrep kū? ĭm ravĭnsīeme eni dūtū faneteme woretamsi, pugi, ĭt irora dūmugkūr ūnĭpmi eni.
4Im Yōsef yōmenūwi pun ōra ravĭnsīeme memokū, ūvelum potipot yx mirora dūve potipot, miyi yōmenūwi pun ōra memokū, Yx Yōsef, avĭnsī kĭmi, mori kĭmi mūvasīgi yx ra Ityĭpt. 5Marima, Utūrĭgumpūnū, mūtū arakī pug kūm popōwo kĭmi mūvasĭgi yx ra nūrū ĭgko; ĭt iyi Nōbū yĭmtamūli‐yx ra nōbūm worefĭnte nomūrep. 6Nevi en dūrū yeti temas ra nūrū sū, mō mampelum nevi sū sūkrĭm mōmū, mōveteme ūtū wagkeli nemap worōwi. 7Im Nōbū yĭmtamūli yx worōbūm woresiugi nugkon‐e?-?kĭmi ra nūrū mori, mō mumkūm‐ēowara. 8Im kĭmi kūtū tamūli yx ĭgko kō Nōbū; miyi yumpi yx sugkū ĭtemen ra Fērō, ĭm nivūo ra mumpon nimō eni omwi sū, ĭm narisah ra nūrū sū Ityĭpt.
9Uve ĭtnum pugi ĭtemen‐e‐yx mūnŭwi pugi magkū, Yōsef nĭtum onūwi memokū. Nōbū yetipe yx sugkū, novsūromon ra nūrū sū Ityĭpt, elum po yx, elum marima, 10metĭndōwi ra nūrū Kōsen potipot yx, kĭk mōvun nĭtnĭme enugkĭk, mōvun nĭtnĭme en irora ōvun nĭtnĭme enugkĭk, mōvun sĭmsĭmak, mōvun nūrah sū, ĭm tiame sū enugkĭk, 11ĭm ya afĭnte kĭk yūi (anti nevi sū sūkrĭm mōmū ugi temas) kū en tawi kĭk andumkor, kĭk mirora sū ra nimō enugkĭk mom wi sū enugkĭk. 12Im pah, kĭk emagesi gi nĭmtum, miyi Benyomĭn avūgsī umagesi umagkili ma naveran enyx mori umanūwi pug kūm, Pol sugkū kĭmi kosesi pugi ĭtemen‐e‐yx uilaswi enyx, 13ĭm nesesi ē ves ra nūrū Ityĭpt, mō mūtampĭgi pugi ugĭn tiame sū mori kūmokesi, penūri kworatevetevi woretōri ĭtemen‐e‐yx igko.
14Miyi yumol ra nōwan eni Benyomĭn avĭnsī, mō mageri; 15ĭm Benyomĭn yageri ra nowan eni iyi; miyi yisūgū iranda ravĭnsīeme omwi sū, mō mageri iranda; penūri ravĭnsīeme eni dūnūwi nam pugi.
16Irora ra mumpon nimō enī Ferō dūrigi nam mori nūmoku, Okevelum ravĭnsīeme eni Yōsef, ĭn Fērō yokū aremī, mōvun lĭvsx eni sugkū. 17Fērō yenūwi pugi Yōsef memokū, Enūwi pun ōra rapmisīme magkū, Wumpi imō, ūmovki sah ran tanda ov nūrah sū enugkĭmi, mō mūve, 18ūve ra nūrū Kēnan; mūtōr‐ōra, ĭtemen‐e‐kūm mirōra ra nimō sū enugkĭmi, murvelum po yx ĭm ya kampug kūm en tiame aremī ra nūrū Ityĭpt, ĭm kĭmi kwoneni nevag aremī ra Ityĭpt; 19pah, ya Kum nĭmpasewug kĭk; wumpi sugkū imō, ūvī ov mūrah su woralō ra Ityĭpt, mō mūtōr ōra ōvun nĭtnĭme, mōvun reteponeme, mĭtemen, mūvelum ĭgko. 20Utōkū ugi ov nūrah sū enugkĭmi, popōwo pe fan ra nūrū Ityĭpt omwi sū oti enugkĭmi.
21Ovun nĭtnĭme eni Isrēel dūmumpi sugkū; Fērō yĭmpasewugi ugi, ĭm Yōsef yovun‐ora ov nūrah sū woralō; miyi yovun‐ōra nevag nĭmsĭn selat. 22Yovun ōra yetevūrak‐wokonda, ōvun nemas, yovrugi Benyomĭn ōvun muni ūrekĭs sĭlver tri hunder, mov nemas sūkrĭm; 23yĭmtamūli pugi ĭtemen eni ōvun as ten mori dūsĭnduri ran tanda eū tiame sū aremi ra nūrū Ityĭpt, mōvun as ĭtnasiven ten mori dūsindūri ran tanda novūan ĭm yōūp, ĭm nevag nĭsekon ĭtemen ūselat. 24Miyi yĭmtenĭmpe ravĭnsīeme, mirora dūve; miyi yōmenūaveni pun ōra memokū, Utū arakī pug kūm ra selat.
25Mirora dūve dūmnē ra Ityĭpt mō mūve Kēnan pugi Iēkob ĭtemen en‐irora; 26mirora dūtampĭgi pugi mūmokū, Yōsef umnomūrep, miyi oti narisah ra nūrū sū Ityĭpt. Im Iēkob yetevūlūl ūnōwan eni, ĭt iyi yetū tavniri wokonda. 27Mirora dūtamsi pugi nam omwi sū eni Yōsef mori iyi yenūwi pun ōra mūmokū ugi; miyi yokesi ov nūrah sū woralō mori Yōsef yĭmtamūl‐ōra woruriuki tan iyi, penūri naviat eni Iēkob ĭtemen en irora yitarugat. 28Im Isrēel yōmenūwi memokū, Isūma: Yōsef nĭtūg umnomūrep; aremī ya ampe mō magesi iyi nĭmpugon ya otū mas.
S'ha seleccionat:
Kenesis 45: ERGOT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society: Genesis in 1914, and Ruth in 1932.