Kenesis 34
34
1Im Dīna, nĭtni ĭtnasiven eni Lia mori yumprokomol eni Iēkob, 2yivē worokes‐ōra ĭtōvasiven ra nūrū yūi, iyi yokesi yĭmtori, mō malē ūndū, mō ĭmtampalx. 3Im naviat eni yamplesi Dīna, nĭtni eni Iēkob, mīyi yelen?-?tugi iyi ĭtnumpōkon mori, mememelōkelō pugi ĭtnumpōkon.
4Im Sikem yenūwi pugi Hēmor ĭtemen eni memokū, Osenĭgi imō ĭtnumpōkon woreti retepon enyx. 5Im Iēkob yorĭgi nam ma yumpi sat iran Dīna nĭtni eni, mōvun nĭtnĭme eni dute ūnavonavo dal ov nūrah sū eni; ĭm Iēkob yeteteven mafeli nĭmpugon irora dūvelum.
6Im Hēmor ĭtemen enī Sikem yive pugi Iēkob worenūwi nam pugi; 7mirora ōvun nĭtnĭme eni Iēkob ūvelum ūmnē ra ūnavonavo pol sugkū ūrĭgi ugi, mirora ŭsepen ūrigi sat tamas, mō marakī tamas; ĭt iyi mori yumpi sat ra Isrēel, yalē ūndū nĭtni ĭtnasiven eni Iēkob mori tawi aremī worumpi.
8Im Hēmor yam pun ōra memokū, Sikem nĭtūg umnelentugi tamas nĭtnĭ ĭtnasiven enugkĭk; ya kum nesenug kĭk, 9ovugi iyi woreti retepon eni; ĭm kĭmi antevĭnterugi dal kam; ūvug kam ōvun nĭtnĭme ĭtōvasiven enugkĭmi, mō mūvī ōvun nĭtnĭme ĭtōvasiven enugkam; 10ūtendōwi dal‐e‐kam, nūrū sū enugkam ūnimetemi, ūtendōwi, mūvasĭgi, mō mūtipe nōetē enugkĭmi ra nūrū ĭgko.
11Im Sikem yenūwi pugi ĭtemen eni Dīna, ĭm ravĭnsīeme eni memokū Uvī‐yx‐eves, mimō mori kĭmi umanūwi umagkū ugi ya ampugi. 12Unūwi wagkū ugi ōvun ĭtemas sikat ĭm ya ampug kūm sugkū nam enugkĭmi, mō movo?-?yx ĭtnumpōkon mori woreti retĭg.
13Mōvun nĭtnĭme eni Iēkob dūtamsi pugi sikem ĭm Hēmor ĭtemen eni mūmokū nĭmpiri, popōwo iyi yumpi sat iran Dīna vevĭnda, 14dūnūwi pun ōra mūmokū, Ka ke letū faneteme worumpi imō, worovugi sī mori otūm namon, vevĭnemam, imō mori sat iramam.
15Ka ke lenumpi imō wokon, nagkū kĭmi wanti sugkū kam, worūmpi namon iranda ĭtōvateman omwisū enugkĭmi, 16penūri ka ke lampug kūm ĭtōvasiven enugkam, ĭm ka ke lampī ĭtōvasiven enugkĭmi nĭsekomam, ĭm ka ke lantĭndōwi dal‐e‐kĭmi, mō mantepū netevokontū sĭteven; 17ĭm nagkū kĭmi kūtū andug kam worumpi namon, ka ke lampī nĭtni ĭtnasiven enugkam mō mampe.
18Im nam en irora yeti aremī tovun‐ōra Hēmor, ĭm Sikem, nĭtni eni Hēmor. 19Miyi nevi‐arep mori yetūĭmrū worumpi mori, ĭt iyi yelĭn tugi tamas nĭtni eni Iēkob; miyi yeti ĭtnesog mōmū ra irora ra mumpon nimō eni ĭtemen eni.
20Im Hēmor yivē, ĭm Sikem nĭtni eni ūndū, ra pūketampet ūntĭme en irora, mō menūwi pun ōra ōveteme ran tĭmne en irora, 21mūmokū, Irora ōveteme mori oti ugi nĭnparata dal‐e‐kos; aremī irora wantĭndōwi ra nūrū kos, mō mampasi igko; nūrū mori umampelerūp?-?erūp ūnimĭnda; aremī kos worevī ōvun nĭtnĭme en irora nīsekont, mō mampun‐ōra ovun nĭtnĭme enugkos ōvun reteponeme.
22Ugi imō wokon irora ōveteme mori umagkū woretĭndōwi dal‐e‐kos, woreti netevekontū sīteven, nagkū ĭtōvateman enugkos wonumpi namon sugkū irora umnumpi. 23Ov nūrah sū en irora ĭm tiame sū en irora, omwi sū enugkos kū; aremi kos lanūwi pun ōra magkū, aremī, mirora wantĭndōwi dal‐e‐kos. 24Mōveteme omwisū mori dūve ilat ra pūketampet ūntĭmne eni dūrĭgi nam eni Hēmor ĭm Sikem nĭtni eni, momwi sū ĭtōvateman dūti numpi namon iranda, omwisū mori dūve ilat ra pūketampet ūntĭmne.
25Mō metepū ran dan deselugi pol sugkū irora dūti nesorū, Sĭmion ĭm Livī, nĭtni en dūrū eni Iēkob, ravĭnsīeme eni Dīna, dūvī ov nxetūgo, mō mūvugovag ran tĭmne mō mūtalugi irora ĭtōvateman omwisū. 26Mirora dūtī Hēmor, ĭm Sikem nĭtni eni, gi nugon nxetūgo; mirora dūtōri Dīna marugi nimō eni Sikem mo muve. 27Mōvun nĭtnĭme eni Iēkob dūve iranda mori dūtī irora, mō mūvī parokonda nōetē ūntĭmne, popōwo dūpmumpi sat iran vevĭnda. 28Dūvī ōvun sĭmsĭmak, mōvun kūrimatx, mōvun as en irora, imo sū mori ra mumpon ūntĭmne, ĭm ra nete nūrū sū. 29Im nōetē omwisū en irora, movūnyan omwisū, mōvun reteponeme en irora, dutōr‐ōra pelah, mō mūvī pelah omwisū ra mumpon nimō.
30Im Iēkob yenūwi pugi Sĭmion ĭm Livī memokū, kĭmi kū yēōmpelĭgi irag mō mūtipe nakan irag ugi ov netevokontū ra nūrū ĭgko ōveteme Kēnan, moveteme Perĭs; ĭm yx virok, tawi sikat enyx, mirora wampelum irag mō mutaloko‐yx, wontĭvavtĭti yx, yx mirora ra mumpon nimō enyx. 31Mirora dūtamsi mūmokū, Irantiē iyi yumpi iran vevĭnemam sugkū nagkū nasiven tōeri.
S'ha seleccionat:
Kenesis 34: ERGOT
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Published by the British and Foreign Bible Society: Genesis in 1914, and Ruth in 1932.