Sereńko 78
78
Isor ar uniren hoṛko#78.1 HEBREW Bohokʼ katha: Asophakʼ mitʼṭecʼ sereń.
1E iń jạtren hoṛko, ińakʼ binti ańjomtińpe;
ar ińakʼ moca reakʼ kathako luturakʼpe.
2 #
Mat 13.35
Iń do mocate kạhtukkoń roṛa;
ar sedae reakʼ kukmũkoń phuṭạua.
3Abo do noako katha bon ańjom akada arbon baḍaegea,
ar aboren hapṛamko hõ abo ṭhenko lại oṭoakada.
4Onkoren bõsko ṭhen ona do babon oko dohokakʼa;
abo do tayom piṛhirenko ṭhen
Probhu Isorakʼ sarhaoanakʼ kạmi reakʼ katha bon lạiya;
ar uniyakʼ daṛe reakʼ katha ar uni okako hahaṛa kạmiye kạmiakatʼ
ona reakʼ katha hõ bon lạiya.
5Uni do Jakob bõsrenko cetanre acʼakʼ hukume teṅgokeda,
Israel jạtrenko lạgitʼ uniyakʼ ạn ạrikoe bandhaokeda;
ona ạn ạriko akoren gidrạko cetʼako lạgitʼ
uni do aboren hapṛamkoe hukumatʼko tahẽkana,
6jemon tayom piṛhirenko hõ
onako baḍae daṛeakʼ
ar akoren gidrạko ṭhen onako lại daṛeakʼ.
7Enḍekhan onko do Isorreko bhorsakʼa;
ar uniyakʼ kạmiko hõ bako hiṛińa
menkhan uniyakʼ hukumko dohoytaea.
8Onate onkoren hapṛamko leka onko do ṭenḍos ar huhulko do bako hoyokʼa;
onko hapṛamkoakʼ ontor do Isor secʼ pạtiạr baṅ tahekana
ar mon hõ baṅ tahẽkantakoa.
9Ephrayim hoponko do dhinkiạko tahẽkanre hõ
lạṛhại hilokʼ doko pạc ruạṛlena.
10Onko do Isorakʼ bondobos bako manaoleda,
ar uniyakʼ ạn ạriko leka calakʼ hõ bako aṅgocleda.
11Uni cetʼe cekaletʼ ona doko hiṛińkeda,
onko do uniyakʼ hahaṛa kạmi reakʼ kathako hiṛińkeda
one okaṭakʼ onkoe udukʼatʼko tahẽkan.
12 #
Exo 7.8—12.32
Israelren hapṛamkoakʼ mẽtʼãhã samaṅre
uni do hahaṛa kạmiye kạmileda;
Misor disạmre ar Soan ṭoṭhare uni do onakoe kạmileda.
13 #
Exo 14.21,22 Uni do jalapuriye bar hạṭińletʼte ona talate onkoe parom idiletʼkoa;
uni do dakʼko ḍhipi lekae teṅgo ocoleda.
14 #
Exo 13.21,22 Siń do rimilte ar ńindạ do seṅgel reakʼ marsalte
onko do hore udukʼ idiyakokan tahẽkana.
15 #
Exo 17.1-7; Num 20.2-13 Hahaṅkarre dhiri paṛakʼ ocokate hasa latar khon
onko do dakʼe ńũ ocoletʼkoa.
16Buru lekan dhiri khon
uni do dakʼ jharnae oḍok ocoleda;
ona dakʼ do gaḍa dakʼ lekageye ạtu ocoleda.
17Menkhan onko do uni upạrte kạkạitegeko tahẽyena;
maraṅ Isor upạrte hahaṅkarre onko doko hulkeda.
18 #
Exo 16.2-15; Num 11.4-23,31-35 Onko do akoakʼ sana leka jomakʼ reakʼ khojkate
mon monte Isorko biḍạukedea.
19Onko do Isor upạrte noa kathako menkeda,
“Hahaṅkarre Isorakʼ do cetʼ
jomakʼte ṭebile sajao daṛeakʼa?
20Uni do dhiriye dalkeda
ar ona khon dakʼ bumbhạu oḍokena;
onate cetʼ uni do piṭhạ hõe em daṛeabona?
Uni do cetʼ acʼren hoṛko lạgitʼ jele juṛạu daṛeakʼa?
21Noa katha ańjomkate Probhu Isor doe edreyena.
Jakob upạrte uniyakʼ ontorre seṅgel do jolena,
Israel upạrte uniyakʼ edre do caṛhaoena;
22ente Isorre onko do bako pạtiạulena;
uni do onkoe bańcao daṛeakoa mente
ona kathare hõ bako bhorsalena.
23Enhõ uni do coṭ sermae hukumada
ar serma reakʼ duạre jhicʼkeda.
24 #
Jhn 6.31
Hoṛkoakʼ jomakʼ lạgitʼ uni do dakʼ leka Mannae jạṛiyatʼkoa.
Ar serma reakʼ phosolgeye ematʼkoa.
25Serma goḍetkoakʼ jomakʼ do manwako jomkeda;
ar tinạkʼko jom daṛeakʼ unạkʼge
onkoe kolatʼkoa.
26Uni do serma khon puruạ reakʼ hoeye hoyocokeda;
uni do acʼakʼ daṛete dạkhin reakʼ hoeye ạyur ạgukeda.
27Uni do dhuṛi lekage jele jạṛiyatʼkoa,
jalapuri reakʼ gitil leka cẽṛẽye jạṛiyatʼkoa.
28Onkoakʼ ḍerakore, ar onkoakʼ tạmbu beṛhaete
uni do onkoe pheḍ ocoketʼkoa.
29Onko do lacʼ bikʼko jomkeda;
ar okaṭakʼko khojletʼ onageye ematʼkoa.
30Ar okaṭakʼ jomakʼ jomko menletʼ ona ạuri cabakʼrege
se, onkoakʼ mocare ona tahẽnrege
31Isorakʼ edre do onko upạrte rakapʼena.
Uni do onkoren thoṛa daṛean juạnkoe gocʼketʼkoa;
Israelren soros utạr hoṛko do acʼakʼ tabereye ạguketʼkoa.
32Enrehõ onko do kạkạitegeko tahẽyena,
uniyakʼ hahaṛa kạmiko ńelkatere hõ bako pạtiạulena.
33Onate onkoakʼ din do ạuṛiyakʼtegeye cabaketʼtakoa.
Ar bochorko do torastege.
34Uni do onkoe gocʼketʼko tayom
sarecʼ hoṛko do uniyakʼ kathako disạkeda;
onko do arhõ uni secʼko ạcur ruạṛena
ar jitkate uniko ńam baṛakedea.
35Onko doko disạkeda Isor kangeae onkoren aotan buru,
ar maraṅ Isorge onkoren chakʼḍaoicʼ.
36Menkhan onko do unre mocateko luhum suhumkeda,
ar alaṅte eṛe kathako roṛkeda.
37 #
Apos 8.21
Onkoakʼ ontor do unire uricʼ baṅ tahẽkana;
ar uniyakʼ bondobosre onko do pạtiạr bako tahẽkana.
38Enhõ uni do mãyãteye perecʼgete onkoakʼ bedhoromakʼkoe ikạketʼtakoa,
onko do bae marao giḍiletʼkoa;
acʼakʼ edre do ghane ghạṛicʼe dobnaoketʼtaea,
uniyakʼ edre do baṅ sarsao rakapʼlena.
39Uni doe hudiskeda onko do eken manwa kanako,
onko do oṭaṅokʼkan hoeleka ar bako ruạṛa.
40Hahaṅkarre samani dhao uni upạrteko hulleda,
ar ona hahaṅkarre samani dhao uniko duk ocokedea?
41Onko do ghane ghane Isorko biḍạukedea,
ar Israelren uni sonoticʼko duk ocokedea.
42Onko do uniyakʼ daṛe reakʼ katha bako disạ doholeda;
ar ona din reakʼ katha do bako disạ dohoakada
one oka hilokʼ bạirikoakʼ ti khone chaḍaoletʼko tahẽkan,
43uni do Misorre cinhại udukʼatʼko tahẽkanre
ar Soan ṭoṭhare hahaṛa kạmiye kạmiletʼre.
44 #
Exo 7.17-21
Onkoakʼ sanam gaḍa reakʼ dakʼe mãyãm ocoletʼtakoa.
Ar ona dakʼ do bako ńu daṛeada.
45 #
Exo 8.20-24;
Exo 8.1-6
Onko ṭhen uni do kãṛã loṭocʼe kolketʼkoa,
onko do onkoko ger gocʼ cabaketʼkoa.
Uni do roṭekoe kolketʼkoa,
onko do onkoko jalao thakaoketʼkoa.
46 #
Exo 10.12-15
Onkoakʼ aṛakʼ sakamko do tejokoe ematʼkoa
ar onkoakʼ phosol do pohokoe ematʼkoa.
47 #
Exo 9.22-25
Arel dakʼte onkoakʼ darkha nạ̃ṛĩkoe bạṛicʼketʼtakoa;
ar sisirte do loa darekoe nosṭoketʼtakoa.
48Uni do arel dakʼte onkoren ḍaṅgrakoe maraoketʼkoa
ar ceṭerte onkoren janwar palkoe maraoketʼkoa.
49Uni do onko upạrte acʼakʼ jolokʼkan edre
ar duk kosṭoe kolkeda;
ona do maraokʼreye bahal akatʼko mitʼ dol goḍet leka hoyena.
50Uni do acʼakʼ edre sodorokʼ hor reakʼ tạkicʼakʼkoe ocokʼkeda;
uni do gocʼ khon bae rehayletʼkoa
menkhan mahamạri ṭhene alaeketʼkoa.
51 #
Exo 12.29
Uni do Misor disạmren mitʼke mitʼ pạhil koṛa hoponkoe gocʼketʼkoa,
uni do Ham bõsrenko reakʼ tạmburen
ar daṛe juạnko hõe gocʼketʼkoa.
52 #
Exo 13.17-22
Noa tayom acʼren hoṛko do bhiḍi lekae
oḍok ạguketʼkoa,
ar hahaṅkar talate bhiḍi pal leka
uni doe ạyurketʼkoa.
53 #
Exo 14.26-28
Uni do nirạiteye ạguketʼkoa,
onate onko do bako botorlena;
menkhan jalapuri do onkoren bạirikoe utʼgotʼkatʼkoa.
54 #
Exo 15.17; Josu 3.14-17 Mucạtʼre uni do acʼakʼ sonot disạmteye seṭerketʼkoa,
ạguketʼkoae ona buru lodam disạmte
oka disạm do acʼakʼ daṛeanakʼ titeye hatletʼ tahẽkan.
55 #
Josu 11.16-23
Onko samaṅ khon porjạtren koe laga ńirketʼkoa,
ar onkoakʼ jaega jumi soṅkate
sompotti lekate onkoe hạṭińatʼkoa;
onkoakʼ oṛakʼ duạrre Israel bõsrenkoe girobas ocoketʼkoa.
56 #
Bikʼ 2.11-15
Menkhan enrehõ onko do maraṅ Isorko biḍạukedea
ar uni upạrteko hulkeda;
ar uniyakʼ hukum do bako manaoleda.
57Onkoren hapṛamko lekage ṭhik hor khon ocokʼkate
onko doko behokkeda;
onko do peṛta akʼ lekako konḍeayena.
58Onko do buru coṭ reakʼ pinḍko beoharkate
uniko bekusi ocokedea;
ar tite benaoakʼ murtiko pujạwatʼkote
uniko edre ocokedea.
59Noako ńelte Isor do ạḍiye edreyena;
uni do Israelko ar bae luturatʼkoa.
60 #
Josu 18.1; Jir 7.12-14; 26.6 Siloamre acʼakʼ okaṭakʼ kumbạ oṛakʼ tahẽkan
onae bạgi oṭowada;
noa do ona tạmbu kana one okaṭakʼ do manwa talareye benaoletʼ.
61 #
1 Sam 4.4-22
Uniyakʼ daṛe reakʼ cinhạ do bondi dosa oktereye kolleda;
uniyakʼ ṭhonok reakʼ cinhạ do uniren bạirikoakʼ tireye emkeda.
62Acʼren hoṛko uni do bạirikoakʼ tarwaṛereye dohoketʼkoa;
acʼren hoṛko cetanre uniyakʼ edre do paṛaoena.
63Seṅgelte onkoren juạnkoe gocʼketʼkoa;
ar onkoren kũạ̃ri kuṛiko lạgitʼ bapla sereń do baṅ hoylena.
64Tarwaṛete onkoren ạyurko doe gocʼketʼkoa;
ar onkoren rạnḍi maejiuko do ar bako homor halaṅ daṛeada.
65Ona tayom Probhu Isor do jạpitʼ khone ebhenena;
uni do darkha rasa reakʼ nisạ kaṭaoen bir lekae jagwarena.
66Uni do acʼren bạirikoe pạc ocoketʼkoa;
onko do jaejug lạgitʼe opomanketʼkoa.
67Tayomte uni do Josephakʼ bõse hirikeda,
ar Ephrayem gusṭirenko do bae bachaoana;
68Menkhan Jihudi bõsrenkoakʼ ṭhạ̃igeye bachaoana
one okaṭakʼ Sion buru uni doe dulạṛetʼ tahẽkan.
69Onḍe uni do acʼakʼ sonot oṛakʼ usulgeye benaokeda,
ona do serma ṭuṅgạu hạbicʼge tahẽkana;
uni do dhạrti lekage onae benaokeda.
70 #
1 Sam 16.11,12; 2 Sam 7.8; 1 Bõs 17.7 Uni do acʼren golam Dạude bachaokedea,
uni bhiḍi khạṛ khon hijukʼicʼge;
71Uni do toa emokʼkan bhiḍiko
ńel todarotko kạmi khone ạgukedea,
jemon uni do Probhu Isorren hoṛko, metakʼme Jakob bõsrenko,
okoe do uniyakʼ sompotti onko Israel jạtrenkoe gupi daṛeako.
72Uni do acʼakʼ ontor reakʼ dhoromtetʼ lekageye gupiketʼkoa;
Ar gạkhuṛ titeye ạyur idiketʼkoa.
Santali Bible © Bangladesh Bible Society, 2021.