Sereńko 2
2
Isorren bachaoicʼ raj
1 #
Apos 4.25,26 Cedakʼ sanam jạtren hoṛ doko gulmaleda?
Hoṛko do ạuṛiyakʼ cedakʼko soṛojontro kana?
2Dhạrtiren rapajko do Probhu Isor ar uniren ojokʼicʼ upạrteko teṅgonkana,
Ar mukhiyạko do mitʼteko milimisi joṅkana.
3Onkoko meneda, “Dela, unkinakʼ sikṛi bon topagma,
Ar unkinakʼ tonol bon raṛakatakin ma.”
4Probhu Isor do serma reakʼ siṅghạson khone landa kana;
Uni do onkoe siṛogakokana.
5Uni do edreteye dhomkaokoa,
ar acʼakʼ jaljalaokʼkan raṅgaoteye alatʼolotʼ cabakoa.
6Probhu Isore meneda, “Okoe rajiń ojokʼ akade
uni do ińakʼ sonot buru Sionreń duṛupʼ akadea.”
7 #
Apos 13.33; Ibr 1.5; 5.5 Raj doe mena, Probhu Isor okae gathao akatʼ
Iń do onań lại jạhira;
Uni doe metadińạ, am dom ińren hopon kana,
teheńge iń do amren apatiń hoyena.
8Am do iń ṭhen khojogokʼme,
ado porjạtrenko amakʼ sompotti menteń emama
ar goṭa dhạrtige amakʼ ạidạrire hijukʼa.
9 #
Sod 2.26,27; 12.5; 19.15 Mẽṛhẽtʼ ṭheṅgate am do onkom rạputʼkoa
ar hasa reakʼ bhajan lekam tawakʼ gejer cabakoa.”
10Onate E rapajko, ńitokʼ do bujsuj salakʼ calakʼpe;
Dhạrtiren disạm cakʼlaoko, ape do sontorokʼpe.
11Bhokti salakʼ Probhu Isor dewa sewawaepe,
ar ontorre botor salakʼ rạskạkʼpe.
12Ape do uni hopon manot emaete cokʼaepe,
jemon ape cetanre bekusi aloe tahen
ar calakʼ horre alope maraokʼ;
ente mitʼ ripitʼrege uniyakʼ edre do jolokʼtaea.
Bhạgangeako, one okoe do unireko hilrạjoṅ kan.
Santali Bible © Bangladesh Bible Society, 2021.