Numeri 26
26
Dosar dhao hoṛ lekha
1 #
Num 1.1-46
Mahamạri thiren tayom Probhu Isor do Mose ar naeke Aronren hopon Eleasare metatʼkinạ, 2“Israelko modre okoekoakʼ umer do bargel se ona khon ḍher, metakʼme okoe do lạṛhạite oḍok calakʼ lekako hoyakan, onko do gharońj gharońj lekate ben lekhakoa.” 3Onate Mose ar naeke Eleasar do Jerikho mohnḍa mohonḍi jordan gaḍa aṛe Moab reakʼ otet ṭhạ̃ire mukhiyạko kin metatʼkoa, 4“Probhu Isor Mose okae hukum akawade ona lekate ape do bargel ar ona khon ḍher umeran herel hoṛpe lekhakoa.”
Ar okoeko Israel hopon do Misor disạm khonko oḍok hecʼlen hoṛ lekha jokhecʼ onkoakʼ ńutum hõ ol caṛhaoen takoa.
5Israelren pạhilicʼ hopon Rubenakʼ bõsko: noko doko hoyokʼ kana Hanok khon Hanoren bõsko, Palu khon Pạlui bõsko, 6Hesron khon Hesroni bõsko ar Kormi khon Kormiạ bõsko. 7Nokoko do Ruben gusṭiren eṭakʼ eṭakʼ bõsko. Noko mod khon hoṛkoakʼ lekha do hoyokʼ kana pongel pe hajar eae sae pegel. 8Pạluren hoponakʼ ńutum do Eliab tahẽkana, 9ar Eliabren hoponkoakʼ ńutum do hoyokʼ kana Nemuel, Dathan ar Abiram. Dathan ar Abiram do Israelkoren mukhiyạkin tahẽkana okoe do Mose ar Aron upạrtekin teṅgolen. Arhõ Korah dolrenko Probhu Isor upạrte tinreko teṅgolena unre nukinhõ ona dolrenkin tahẽkana. 10Korah sãote nukin banahoṛge ot doe utʼletʼkina; ar Korah dolren barsae mõṛẽgel hoṛ do seṅgelreko atar gocʼena. Noako do Israelko lạgitʼ sontorokʼ reakʼ cinhạ lekako tahẽyena. 11Menkhan Korahren hoponko do un jokhecʼ bako gocʼlena.
12Simeon bõsrenko: noko doko hoyokʼ kana Nemuel khon Nemueli bõsko, Jamin khon Jamini bõsko, Jakin khon Jakini bõsko, 13Serah khon Serahi bõsko ar Sạul khon Sạuli bõsko. 14Noko do Simeon gusṭiren judạ judạ bõsren kanako. Ar noko modkhon hoṛkoakʼ lekha do hoyokʼ kana bargel bar hajar barsae.
15Gadren bõsko: noko doko hoyokʼ kana Sephon khon Sephoni bõsko, Hagi khon Hagi bõsko, Suni khon Suni bõsko, 16Osni khon Osni bõsko, Eri khon Eri bõsko, 17Arod khon Arodren bõsko ar Areli khon Areli bõsko. 18Noko do Gad gusṭiren eṭakʼ eṭakʼ bõsko. Noko modkhon hoṛkoakʼ lekha do pongel hajar mõṛẽ sae tahẽkana.
19-20Jihudạren bõsko: noko doko hoyokʼ kana Sela khon Sela bõsko, Peres khon Peres bõsko ar Serah khon Serah bõsko. Jihudạren do Er ar Onan ńutuman arhõ barea hoponkin tahẽkana. Nukin do laharege Kanan disạmrekin gocʼena. 21Peresren bõskoakʼ bõs do hoyokʼ kana Hesron khon Hesroni bõsko ar Hamul khon Hamuli bõsko. 22Noko do Jihudạ gusṭiren judạ judạ bõsko kanako. Noko mod khon hoṛkoakʼ lekha do tahẽkana eaegel turui hajar mõṛẽsae.
23Isakarren bõsko: noko doko hoyokʼ kana Tolai khon Tolai bõsko, Pua khon Puni bõsko, 24Jasub khon Jasubi bõsko ar Simron khon Simroni bõsko. 25Noko doko hoyokʼ khan Isakar gusṭiren judạ judạ bõsko. Noko mod khon hoṛkoakʼ lekha do hoyokʼ kana turui gel pon hajar pesae.
26Sebulonren bõsko: noko doko hoyokʼ kana Sered khon Seredi bõsko, Elon khon Eloni bõsko ar Jahleyel khon Jahleyeli bõsko. 27Noko doko hoyokʼ kana Sebulon gusṭiren judạ judạ bõsko. Noko mod khon lekhare turui gel hajar mõṛẽsae hoṛko tahẽkana.
28Manase ar Ephrayem khon Josephren bõsko: 29Manase bõsren bõs doko hoyokʼ kana Makir khon Makiri bõsko ar Gilead khon Gilead bõsko. Gilead do Makirren hopone tahẽkana. 30Gileadren bõskoakʼ bõs do hoyokʼ kana Leser khon Leseri bõsko, Helok khon Helok bõsko, 31Asriel khon Asrieli bõsko, Sikem khon Sikemi bõsko, 32Semida khon Semidayi bõsko ar Hepher khon Hepheri bõsko. 33Hepherren hopon Selophadren do cele hoponge bako tahẽkana. Menkhan eken kuṛi hoponko tahẽkana. Onko kuṛikoakʼ ńutum do hoyokʼ kana, Mahla, Moa, Hogla, Milkạ ar Thirsa. 34Noko doko hoyokʼ kana Manase gusṭiren judạ judạ bõsko. Noko mod khon lekhare mõṛẽgel bar hajar eae sae. 35Ephrayem bõsren bõs doko hoyokʼ kana Suthel khon Suthela bõsko, Bekhor khon Bekhori bõsko ar Tahan khon Tahani bõsko. 36Suthela bõskoren bõs doko hoyokʼ kana Eren khon Ereni bõsko. 37Noko do Ephrayim gusṭiren judạ judạ bõsren hoṛ kanako. Ar noko mod khon lekhare pegel bar hajar mõṛẽsae hoṛko tahẽkana. Bõs lekate nokoge Josephren bõsko tahẽkana.
38Benjạminren bõsko: noko doko hoyokʼ kana Bela khon Belayi bõsko, Asbel khon Asbeli bõsko, Ahiram khon Ahirami bõsko, 39Sephum khon Sephumi bõsko ar Hupham khon Huphami bõsko. 40Ardo ar Naman hotete Belaren bõskoakʼ bõs do hoyokʼ kana Ardo khon Ardi bõsko ar Naman khon Namani bõsko. 41Noko do Benjamin gusṭiren judạ judạ bõsren hoṛko tahẽkana. Noko mod khon lekhare pongel mõṛẽ hajar turui sae.
42Dan bõsrenko: noko doko hoyokʼ kana Suham khon Suhami bõsko. Noko doko tahẽkana Dan gusṭiren hoṛko. 43Noko modkhon hoṛkoakʼ lekha do tahẽkana turui gel pon hajar ponsae.
44Aserren bõsko: noko doko hoyokʼ kana Imna khon Imnayi bõsko, Iswi khon Iswiyi bõsko ar Beria khon Beriyi bõsko. 45Beriaren bõskoakʼ bõs do hoyokʼ kana Heber khon Heberi bõsko ar Malkiel khon Malkieli bõsko. 46Aserren hoponerawakʼ ńutum do Seraha tahẽkana. 47Noako do Aser gusṭiren judạ judạ bõsren hoṛko tahẽkana. Noko mod khon hoṛkoakʼ lekha do mõṛẽgel pe hajar ponsae tahẽkana.
48Napthaliren bõsko: noko doko hoyokʼ kana Jahseyel khon Jahseyeli bõsko, Guni khon Guni bõsko, 49Jeser khon Jeseri bõsko ar Silem khon Selemi bõsko. 50Noako do Napthali gusṭiren judạ judạ bõs kana. Noko mod khon hoṛkoakʼ lekha do pongel mõṛẽ hajar ponsae.
51Lekhayen Israelkoakʼ lekha do jotote turui lakh mitʼ hajar eae sae pegelko tahẽkana.
52 #
Num 34.13; Josu 14.1,2 Probhu Isor do Moseye metadea, 53“Am do hoṛkoakʼ lekha lekate disạmem hạṭińakoa jemon onaren ạidạriko hoedaṛeakʼ. 54Okaṭakʼ gusṭiren hoṛko saṅgege ona gusṭiren do ḍher ar okaṭakʼ gusṭiren hoṛko thoṛage ona gusṭiren lạgitʼ do thoṛa jaegam emakoa. Mimitʼ gusṭiren hoṛ do akoakʼ lekha lekage jaegako ạidạri joṅa. 55Okoe gusṭirenko okare jaegako ńama ona do loṭarikatem emakoa. Mimitʼ bõsrenkoakʼ hạṭiń do uniyakʼ gusṭi ńutumte emakʼ ṭoṭharege tahentaea. 56Gusṭiren hoṛkoakʼ lekha do thoṛa hoyokʼ ar baṅ do ḍher hoyokʼ loṭarikatege jaega dom ṭhik akoa.”
57Bõs lekate lekha akatʼko Liwi do Gerson khon Gersoni bõs, Kohat khon Kohati bõs ar Merari khon Merari bõs kanako. 58Gerson, Kohat ar Merari bõskoakʼ bõs do hoyokʼ kana Libni bõsko, Hebroni bõsko, Mahli bõsko, Musi bõsko ar Korah bõsko. Kohatren ar mitʼ bõsrenkoakʼ ńutum do Amram tahẽkana. 59Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena. 60#Num 3.2Aronren hoponkoakʼ ńutum do tahẽkana Nadab, Abihu, Eleasar ar Ithamar. 61#Lev 10.1,2; Num 3.4Nadab ar Abihu do Probhu Isor samaṅre niạm bahre seṅgelre dhupkin samaṅletʼte unkin dokin gocʼena.
62Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.
63Jerikho mohnḍa mohnḍi jordan gaḍa aṛe Moab reakʼ otetre lekhako jokhecʼ Mose ar naeke Eleasar do noko hoṛkin lekhaketʼkoa. 64Menkhan Mose ar naeke Aron do tinre sinại hahaṅkarre Israelkokin lekhaletʼkoa unre noko do okoehõ bako tahẽkana. 65#Num 14.26-35Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.
Santali Bible © Bangladesh Bible Society, 2021.