Malaki 3
3
1 #
Mat 11.10; Mrk 1.2; Luk 1.76; 7.27 Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”
2 #
Joe 2.11; Sod 6.17 Menkhan uniyakʼ hijukʼ din do okoehõ bako sahao daṛeakʼa; uniye sodorlenre celege bako teṅgo ṭarhao daṛeakʼa; ente uni do rupạ biḍạu aṭkaricʼ seṅgelgeye hoyokʼa ar dhubiyakʼ sạbun leka hõ. 3Rupạ gakʼlaoicʼ hoṛ leka uni doe hijukʼa. Uni do Liwikoe saphakoa ar sona-rupạ lekae khạṭikoa. Ona tayom onko do dhorom reakʼ monte Probhu Isor ńutumte samaṅokʼakʼ porobko porobokʼa. 4Unre sedaeakʼ din leka, mareakʼ dinko leka Jihudạ ar Jerusalemren hoṛkoakʼ samaṅokʼakʼ jinisko do Probhu Isore kusi ocoyea.
5Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.
Isorakʼ kuṛại baṅ emokʼ reaṅ
6“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa. 7Aperen hapṛamko okte khonge ape do ińakʼ sanam ạn-ạri khonpe ocokʼakana ar palon hõ bape palon akada. Iń ṭhen ruạṛ hijukʼpe, ar ińhõ ape ṭheniń ruạṛ hijukʼa. Menkhan apepe meneda, ‘ale do cekatele ruạṛ hijukʼa?’ 8Manwa do cetʼ Isore ṭhoka daṛekea? Menkhan ape do ińgepe ṭhoka edińkana. Enhõpe meneda, ‘ale do cekatele ṭhokayetʼmea?’ Gelakʼ hĩs ar dan babotre ape do ińpe ṭhokayediń kana. 9Ape do saraprege menakʼpea, enhõ aperen goṭa jạtrenko do ińko ṭhokayediń kana. 10#Lev 27.30; Num 18.21-24; Bib 12.6; 14.22-29; Neh 13.12 Apeakʼ jotowakʼ reakʼ gelakʼ hĩs do ińakʼ murạite ạguiype jemon ińakʼ oṛakʼ do jomakʼte perecʼ tahen. Noa babotre biḍạu aṭkarińpe, ente iń phạdkoren Probhu Isorge serma reakʼ joto duạrkoń jhija ar jạruṛape khon hõ bạ̃ṛti bhor iń dul apea. 11Iń do jojom ukʼjạṛkan tejokoń tạkicʼ daramkoa jemon apeakʼ phosol aloko jomtape; ona chaḍa apeakʼ ot baṛge reakʼ darkha jo hõ baṅ jhurokʼtapea. 12Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”
13Probhu Isor do arhõe meneda, “Ape do iń upạrte keṭecʼ keṭecʼ kathape roṛeda, menkhan apepe meneda, ‘am upạrte do cetʼle menakada?’ 14Apepe meneda, ‘Isor sarhaoe do ạuṛiyakʼgea. Uniyakʼ ạn-ạri lekate kạmi ar homor halaṅ baṛakate phạdkoren Probhu Isor samaṅre dãṛãbaṛae do cetʼ aboakʼ jãhãn lab hoyena? 15Ńitokʼ ale do bạḍạikan hoṛge bhạganle metako kana; hẽ, sasantaoko doko benao idikʼkana; onko do Isorko biḍạu aṭkar edekanre hõ rukhiyạko ńameda.’ ”
16Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena. 17Onko babotre phạdkoren Probhu Isore meneda, “Ińakʼ niṭ akatʼ dinre onko do ińren sompottiko hoyokʼa; onko do ińrengeko hoyokʼa. Mitʼṭen hoṛ cetʼleka acʼren sapʼsosoricʼ hopone mãyãwaekante sạjại khone sahaṛede onkage onko hõń sahaṛkoa. 18Unre ape do dhorom ar dusṭạmiko talare, metakʼme okoe ińe sewawạń ar okoe bae sewawạń onko talare cetʼlekań begar dohoy onape ńela.”
Santali Bible © Bangladesh Bible Society, 2021.