Genesis Botolo
Botolo
Sonot Baebel reakʼ Genesis puthi do etohopʼ reakʼ puthi kana. Noa puthi do herel ar maejiuko, baplakʼ reaṅ, kại ńutumte samaṅokʼakʼ porobko, nagrahako, bạnij-bepar ar cas-basko, sereń-durạṅ ar dewa-sewako, judạ judạ pạrsirenko, aema jạtrenko ar disạmko babotre etohopʼ reakʼ kathakoge ol akana. 1-11 hạṭińkore do etohopʼ reakʼ kathako ar 12-50 hạṭińkore do Israel jạtrenkoakʼ etohopʼ reakʼ kathakoge ol akana. Pạhil hapṛam Abraham ar uniren hopon Isạhak ar uniren goṛomtetʼ koṛa Jakob ar Jakobren gelbar hoponko reaṅ okaṭakʼ Itihãs olakan ona khonge paṛhaokʼko do monre udgạuko ńama. Ar tayom reakʼ sonot puthiko hõ bujhạu lạgitʼ Genesis puthi do mońjte baḍae jạruṛa. Genesis puthi do Moseye olakatʼ mõṛẽ goṭecʼ puthiko modre mitʼ goṭecʼ puthi kana. Noako puthi do mitʼ sãote ạn-ạri reakʼ puthi hõko metakʼkana.
Khaṭote guṭtetʼ:
(A) Pirthimi reakʼ etohopʼ (1-11 hạṭiń)
(1) Sirjạukʼ reaṅ (1-2 hạṭiń)
(2) Manwa kạire ńurokʼ ar ḍubạ dakʼ (3-5 hạṭiń)
(3) Maraṅ ḍubạ dakʼ (6-9 hạṭiń)
(4) Jạt jạtrenko ar Babel reakʼ usul buruńj (10, 11 hạṭiń)
(B) Israelren hapṛamko (12-50 hạṭiń)
(1) Abraham (12.1-25; 10 kạli)
(2) Isahak (25.11-26: 35 kạli)
(3) Jakob (27-36 hạṭiń)
(4) Joseph (37-50 hạṭiń)
S'ha seleccionat:
Genesis Botolo: SBT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Santali Bible © Bangladesh Bible Society, 2021.