मर्कूस किताबौ परिचय
किताबौ परिचय
इसे सेछ समाचार मर्कूसै इट डेयार सुरु जाट्नने “परमेश्वरौ मीजा येशू ख्रीष्टौ बारेयाङ सेछ समाचार” इला येशूओ काम र अधिकारौ बारेयाङ रीक्ङने। होसको अधिकार डुप्च व्यक्ति हो डेच कुरा होसकै भूतको छ्युक्नाङ, भर्मीकुङ पापको क्षमा जाट्नाङ होसकै शिक्षा यान्हाङ होसकुङ कामको लकीङ डाङ्ले। येशूये भर्मीकोलाक पाप लकीङ जीवाटाक्की लहो प्राण समेत याखी राछ “भर्मीयो मीजा” हो डेमने।
इला मर्कूसै येशूओ अर्ती र शिक्षाकी डेनाङ होसकै जाटार टान्हाक्च कामकी जोड याहार रीक्ङने। बप्तिस्मा याछ यूहन्ना, येशूओ बप्तिस्मा र होसकुङ परीक्षौ बारेयाङ टुन्छ परिचय याछ बित्तिकै मर्कूसै येशूये जाट्च चङ्गाइ र शिक्षा याछ सेवौ बारेयाङ बयान जाट्ले। येशूये लहो सेवाकाइ जाट्चै नुङ्नाङ होसकुङ चेलाकै होसकोकी झन् सेम्हजा बुझडीस्की ठाल्ले तर होसकुङ विरोधीकै चहिँ होसकोखाटा झन् दुष्मनी बड्डीले। इसे किताबौ अन्तिमाङ येशूओ जीवनौ न्हुङ्लाकुङ हप्ता, खास जाट्न होसको क्रूसाङ सीच र फेरि जीवाम सोच बारेयाङ रीक्ङने।
टुन्छ विषय-सूची
सेछ समाचारौ थालनी१:१-१३
येशूये गालीलाङ जाट्च काम१:१४–९:५०
गालील लकीङ यरूशलेमसम्म१०:१-५२
यरूशलेमाङ बीतडीस्च अन्तिम हप्ता११:१–१५:४७
येशू सीच लकीङ जीवाम सोच१६:१-८
प्रभुकी डाङ्च होटै स्वर्गाङ नुङ्च१६:९-२०
S'ha seleccionat:
मर्कूस किताबौ परिचय: EMGP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.