मर्कूस 11
11
यरूशलेमाङ येशूकी आदरखाटा स्वागत जाट्च
(मत्ती २१:१-११; लूका १९:२८-४०; यूहन्ना १२:१२-१९)
1होखुरीक यरूशलेम खेरेप जैतून डाँडौ छेवाङ बेथफागे र बेथानिया डेच ठावाङ टाह्रा। अनि येशूये लहो नीस चेलाकी इट डेयार बीर्न्हका, 2“नाखुरीक अगाडियुङ लाङ्घाङ नुङ्नी र टाछ बित्तिकै नाखुरीकै चाहाँसम्म सुर माकाल्छ गधौ काट बछेडा छ्याक्ङ डाच डुप्ले। होसकी पीसाकार इला राक्नी। 3इडीक सुयेर ‘इसे ही जाट्च?’ डेयार गीना डेनाङ, ‘प्रभुकी चहडीस्ने र होसकै इसे बछेडाकी छिटो न ल्हेट्न याल्हे’ डेनी।”
4होटै होखुरीक नुङा र होसे गधौ बछेडा लाम छेउङ इमुङ गालाम अगाडि छ्याक्ङ डाच डुपा र पीसाका। 5होला खेरेप टोङ्छ भर्मीकै होखुरीककी गीना, “होसे बछेडाकी पीसाकार ही जाट्न न ले?” 6येशूये डेनाङ लेखा न चेलाकै होटन डेया र होखुरीकै गधौ मीजा आल्खी याहा।
7चेलाकै होसे बछेडाकी येशू लेठाङ राका र लहो बढीनको टाङ्ङ याहा र होसको बछेडा मीटाक काल्हार सवार छाना। 8वास्टै भर्मीकै चहिँ लहो न बढीनको होसकुङ लामाङ टाङ्ङ याहा र अरुये चहिँ मैदान लकीङ स्याउल्हाको राकार होसकुङ लामाङ टाङ्ङ याहा।#११:८ यहूदीकै होखुरीकै लहो सहराङ मान जाट्की पर्च भर्मीकी इजाट्न स्वागत जाट्च जाट्न्या। 9होटै होसकुङ अगाडि-अगाडि ह्वाच र न्हुङ-न्हुङ राछकै इट डेचै जय-जयकार जाटा, “होसन्ना#११:९ होसन्ना: भर्मीको होसन्ना डेचै च्याका। होसन्ना शब्द चहिँ आरामीक शब्द हो, इच्यौ अर्थ चहिँ “परमेश्वरौ प्रशंसा छान्ख्यो हो”।! सु परमप्रभुओ म्यार्मीनाङ राल्हे, होसको आशिषित छान्ने!#भजनसंग्रह ११८:२५-२६ 10कानुङ बोइ दाऊदौ होसे राछ राज्य आशिषित छान्ख्यो! स्वर्गाङ लेच परमेश्वरौ प्रशंसा छान्ख्यो।”
11येशू यरूशलेमाङ राहार परमेश्वरौ मन्दिर भित्री पर्या। अनि होसकै वार्लाक-पार्लाकुङ पट्ट ठोककी ङोसा। तर अबेला छान्चबाटै लहो बाह्र जना चेलाकोलाक लार बेथानिया लाङ्घाङ नुङा।
मीस्या मालेच अञ्जीरौ म्यार्टुङ
(मत्ती २१:१८-१९)
12पीउह्राक लेखो येशू र मेकुङ चेलाको बेथानिया लकीङ ल्हेस्न न लेनाङ येशूकी मीटुक रन्छीया। 13येशूये चेक पारी काट झ्याम्म पर्च अञ्जीरौ म्यार्टुङ डाङा। मीस्या स्यामे की डेयार ङोस्की नुङा तर होसे म्यार्टुङाङ मील्हा मट्टै डाङा हीजैडेनाङ होडीक बेला अञ्जीरौ मीस्या स्याच बेला माछान्नन्या। 14येशूये होसे म्यार्टुङकी डेया, “इटै आलाक सधैँभरि नाङ लकीङ सुयेर मीस्या ज्याकी माढीन्ख्यो।” अनि इट डेच कुरा मेखोल्हौ चेलाकै सेया।
येशू परमेश्वरौ मन्दिराङ नुङ्च
(मत्ती २१:१२-१७; लूका १९:४५-४८; यूहन्ना २:१३-२२)
15येशू यरूशलेमाङ टाह्रखीङ होसको परमेश्वरौ मन्दिर भित्री पर्या। परमेश्वरौ मन्दिर भित्री लोम आर्लाम जाट्च पट्ट न व्यापारीकोलाक बाहिर छ्युका होटै पैसा योस्चकुङ#११:१५ पैसा योस्चकुङ: होसबेला, परमेश्वरौ मन्दिराङ बलिदान याखी रान्हाङ भर्मीकै परमेश्वरौ मन्दिराङ क्योटाक्की डेम पैसा योस्च जाट्न्या। हीजैडेनाङ याङ्च पैसा चहिँ होसे पैसा योस्चकोखाटा मट्टै लेया, जुन पैसाकै जनावरको लोम बलिदान याखी ह्योक्नन्या। टेबलको र परेवा आर्लाचकुङ ङुच ठाउँको र पल्टडीम याहा। 16अनि येशूये परमेश्वरौ मन्दिरौ लाम छानार सुकीर हीर ठोक आल्खी र राक्की माह्या। 17अनि होसकै भर्मीकोलाक शिक्षा याछै डेया, “धर्मशास्त्राङ मारीक्ने र, ‘ङौ इम चहिँ पट्ट न जातिकुङ पार्थनौ इम छान्की पर्ले डेयार’?#यशैया ५६:७ तर नाखुरीकै च इसकी खुसकुङ अड्डा टी खासा।#यर्मिया ७:११” 18इसे कुरा मुख्य पूजाहारीको र धर्मगुरुकै सेया। होटै सेरखीङ होखुरीकै येशूकी साट्च उपाय पाकी ठाला। होखुरीक येशूखाटा बीह्रीमन्या हीजैडेनाङ पट्ट न भर्मीको येशूओ शिक्षाङ अचम्म मन्डीमन्या। 19नामबीक्रखीङ येशू मेकुङ चेलाकोखाटा यरूशलेम सहर लकीङ ख्योहार नुङा।
अञ्जीरौ म्यार्टुङ लकीङ शिक्षा
(मत्ती २१:२०-२२)
20पीउह्राक गोराक लेखो होसे पहिलुङ लाम छानार नुङ्नाङ होखुरीकै होसे अञ्जीरौ म्यार्टुङकी जरा लकीङ न छोक्च डाङा। 21येशूये होसे म्यार्टुङकी डेच कुरा आर्मीटार पत्रुसै डेया, “गुरु ज्यु, ङोस्नी नाकै सराप याछ अञ्जीरौ म्यार्टुङ च सीलेसा ट।”
22येशूये चेलाकोलाक डेया, “परमेश्वर मीटाक विश्वास जाट्नी। 23साँच्ची न ङा नाखुरीककी डेले, इडीक सुयेर लहो मीमनाङ चेक्जा र शंका माजाट्न तर लहे डेच कुराको पूरा छान्ने डेम विश्वास जाटार इसे पहाडकी ‘नाङ इटै हटडीसार तालाङ झालो’ डेया डेनाङ, होच्यो लागि होसे होटन छान्ने। 24होटबाटै ङा नाखुरीककी डेले, नाखुरीकै प्रार्थना जाटार ही ङेहा होसे डुप्म भ्यामे डेयार विश्वास जाट्नी र होसे नाखुरीकुङ लागि छान्ने। 25जब नाखुरीक प्रार्थना जाट्की तयार छान्ने, इडीक नाखुरीकुङ सुओर विरुद्धाङ हीर ले डेनाङ क्षमा यान्ही। होटै स्वर्गाङ लेच नाखुरीकुङ बोये र नाखुरीकुङ पाप क्षमा जाट्न याल्हे। 26[तर नाखुरीकै अरुकी क्षमा माजाट्ले डेनाङ, स्वर्गाङ ङुच नाखुरीकुङ परमेश्वर बोये र नाखुरीकुङ पाप क्षमा जाट्न माह्याले।]#११:२६ कोइ कोइ संस्करनौ बाइबलाङ इसे पद माले।”
येशूओ अधिकार बारेयाङ गीन्च
(मत्ती २१:२३-२७; लूका २०:१-८)
27येशू लहो चेलाकोखाटा फेरि यरूशलेमाङ राहा। अनि परमेश्वरौ मन्दिराङ इलाक-आलाक ह्वाम ङुनाङ मुख्य पूजाहारीको, धर्मगुरुको र अगुवाको होसको लेठाङ राहा। 28होखुरीकै येशूकी गीना, “नाकै कुटै अधिकार डुपार इसे कामको जाट्न न ले? इसे कामको जाट्च अधिकार नाकोकी सुये याहा?” 29येशूये होखुरीककी डेया, “ङा र नाखुरीककी काट कुरा गीन्ने र ङाकी जवाफ यान्ही। अनि मट्टै ङै कुटै अधिकार डुपार इसे काम जाट्च हो, ङा नाखुरीककी डेले। 30लु डेनी, यूहन्नै बप्तिस्मा याछ अधिकार कुटै डुपा, परमेश्वर लकीङ की भर्मी लकीङ?” 31अनि इसे सेयार मेखुरीक-मेखुरीक कुरा जाट्की ठाला, “परमेश्वर लकीङ डेया डेनाङ ‘नाखुरीकै हीजै यूहन्नाकी विश्वास माजाट्च?’ डेयार होसकै गीन्ने। 32इडीक भर्मी लकीङ डेइङ कुटजाट्न डेकी?” इट डेकी भर्मीकोखाटा बीह्रीया हीजैडेनाङ पट्टये यूहन्नाकी अगमवक्ता हो डेमन्या। 33होटबाटै होखुरीकै येशूकी डेया, “खोइ कानकी च थाहा माले।”
येशूये डेया, “होटडेनाङ ङै कुटै अधिकार डुपार इसे पट्ट न काम जाट्नने, ङा र नाखुरीककी माडेले।”
S'ha seleccionat:
मर्कूस 11: EMGP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.
मर्कूस 11
11
यरूशलेमाङ येशूकी आदरखाटा स्वागत जाट्च
(मत्ती २१:१-११; लूका १९:२८-४०; यूहन्ना १२:१२-१९)
1होखुरीक यरूशलेम खेरेप जैतून डाँडौ छेवाङ बेथफागे र बेथानिया डेच ठावाङ टाह्रा। अनि येशूये लहो नीस चेलाकी इट डेयार बीर्न्हका, 2“नाखुरीक अगाडियुङ लाङ्घाङ नुङ्नी र टाछ बित्तिकै नाखुरीकै चाहाँसम्म सुर माकाल्छ गधौ काट बछेडा छ्याक्ङ डाच डुप्ले। होसकी पीसाकार इला राक्नी। 3इडीक सुयेर ‘इसे ही जाट्च?’ डेयार गीना डेनाङ, ‘प्रभुकी चहडीस्ने र होसकै इसे बछेडाकी छिटो न ल्हेट्न याल्हे’ डेनी।”
4होटै होखुरीक नुङा र होसे गधौ बछेडा लाम छेउङ इमुङ गालाम अगाडि छ्याक्ङ डाच डुपा र पीसाका। 5होला खेरेप टोङ्छ भर्मीकै होखुरीककी गीना, “होसे बछेडाकी पीसाकार ही जाट्न न ले?” 6येशूये डेनाङ लेखा न चेलाकै होटन डेया र होखुरीकै गधौ मीजा आल्खी याहा।
7चेलाकै होसे बछेडाकी येशू लेठाङ राका र लहो बढीनको टाङ्ङ याहा र होसको बछेडा मीटाक काल्हार सवार छाना। 8वास्टै भर्मीकै चहिँ लहो न बढीनको होसकुङ लामाङ टाङ्ङ याहा र अरुये चहिँ मैदान लकीङ स्याउल्हाको राकार होसकुङ लामाङ टाङ्ङ याहा।#११:८ यहूदीकै होखुरीकै लहो सहराङ मान जाट्की पर्च भर्मीकी इजाट्न स्वागत जाट्च जाट्न्या। 9होटै होसकुङ अगाडि-अगाडि ह्वाच र न्हुङ-न्हुङ राछकै इट डेचै जय-जयकार जाटा, “होसन्ना#११:९ होसन्ना: भर्मीको होसन्ना डेचै च्याका। होसन्ना शब्द चहिँ आरामीक शब्द हो, इच्यौ अर्थ चहिँ “परमेश्वरौ प्रशंसा छान्ख्यो हो”।! सु परमप्रभुओ म्यार्मीनाङ राल्हे, होसको आशिषित छान्ने!#भजनसंग्रह ११८:२५-२६ 10कानुङ बोइ दाऊदौ होसे राछ राज्य आशिषित छान्ख्यो! स्वर्गाङ लेच परमेश्वरौ प्रशंसा छान्ख्यो।”
11येशू यरूशलेमाङ राहार परमेश्वरौ मन्दिर भित्री पर्या। अनि होसकै वार्लाक-पार्लाकुङ पट्ट ठोककी ङोसा। तर अबेला छान्चबाटै लहो बाह्र जना चेलाकोलाक लार बेथानिया लाङ्घाङ नुङा।
मीस्या मालेच अञ्जीरौ म्यार्टुङ
(मत्ती २१:१८-१९)
12पीउह्राक लेखो येशू र मेकुङ चेलाको बेथानिया लकीङ ल्हेस्न न लेनाङ येशूकी मीटुक रन्छीया। 13येशूये चेक पारी काट झ्याम्म पर्च अञ्जीरौ म्यार्टुङ डाङा। मीस्या स्यामे की डेयार ङोस्की नुङा तर होसे म्यार्टुङाङ मील्हा मट्टै डाङा हीजैडेनाङ होडीक बेला अञ्जीरौ मीस्या स्याच बेला माछान्नन्या। 14येशूये होसे म्यार्टुङकी डेया, “इटै आलाक सधैँभरि नाङ लकीङ सुयेर मीस्या ज्याकी माढीन्ख्यो।” अनि इट डेच कुरा मेखोल्हौ चेलाकै सेया।
येशू परमेश्वरौ मन्दिराङ नुङ्च
(मत्ती २१:१२-१७; लूका १९:४५-४८; यूहन्ना २:१३-२२)
15येशू यरूशलेमाङ टाह्रखीङ होसको परमेश्वरौ मन्दिर भित्री पर्या। परमेश्वरौ मन्दिर भित्री लोम आर्लाम जाट्च पट्ट न व्यापारीकोलाक बाहिर छ्युका होटै पैसा योस्चकुङ#११:१५ पैसा योस्चकुङ: होसबेला, परमेश्वरौ मन्दिराङ बलिदान याखी रान्हाङ भर्मीकै परमेश्वरौ मन्दिराङ क्योटाक्की डेम पैसा योस्च जाट्न्या। हीजैडेनाङ याङ्च पैसा चहिँ होसे पैसा योस्चकोखाटा मट्टै लेया, जुन पैसाकै जनावरको लोम बलिदान याखी ह्योक्नन्या। टेबलको र परेवा आर्लाचकुङ ङुच ठाउँको र पल्टडीम याहा। 16अनि येशूये परमेश्वरौ मन्दिरौ लाम छानार सुकीर हीर ठोक आल्खी र राक्की माह्या। 17अनि होसकै भर्मीकोलाक शिक्षा याछै डेया, “धर्मशास्त्राङ मारीक्ने र, ‘ङौ इम चहिँ पट्ट न जातिकुङ पार्थनौ इम छान्की पर्ले डेयार’?#यशैया ५६:७ तर नाखुरीकै च इसकी खुसकुङ अड्डा टी खासा।#यर्मिया ७:११” 18इसे कुरा मुख्य पूजाहारीको र धर्मगुरुकै सेया। होटै सेरखीङ होखुरीकै येशूकी साट्च उपाय पाकी ठाला। होखुरीक येशूखाटा बीह्रीमन्या हीजैडेनाङ पट्ट न भर्मीको येशूओ शिक्षाङ अचम्म मन्डीमन्या। 19नामबीक्रखीङ येशू मेकुङ चेलाकोखाटा यरूशलेम सहर लकीङ ख्योहार नुङा।
अञ्जीरौ म्यार्टुङ लकीङ शिक्षा
(मत्ती २१:२०-२२)
20पीउह्राक गोराक लेखो होसे पहिलुङ लाम छानार नुङ्नाङ होखुरीकै होसे अञ्जीरौ म्यार्टुङकी जरा लकीङ न छोक्च डाङा। 21येशूये होसे म्यार्टुङकी डेच कुरा आर्मीटार पत्रुसै डेया, “गुरु ज्यु, ङोस्नी नाकै सराप याछ अञ्जीरौ म्यार्टुङ च सीलेसा ट।”
22येशूये चेलाकोलाक डेया, “परमेश्वर मीटाक विश्वास जाट्नी। 23साँच्ची न ङा नाखुरीककी डेले, इडीक सुयेर लहो मीमनाङ चेक्जा र शंका माजाट्न तर लहे डेच कुराको पूरा छान्ने डेम विश्वास जाटार इसे पहाडकी ‘नाङ इटै हटडीसार तालाङ झालो’ डेया डेनाङ, होच्यो लागि होसे होटन छान्ने। 24होटबाटै ङा नाखुरीककी डेले, नाखुरीकै प्रार्थना जाटार ही ङेहा होसे डुप्म भ्यामे डेयार विश्वास जाट्नी र होसे नाखुरीकुङ लागि छान्ने। 25जब नाखुरीक प्रार्थना जाट्की तयार छान्ने, इडीक नाखुरीकुङ सुओर विरुद्धाङ हीर ले डेनाङ क्षमा यान्ही। होटै स्वर्गाङ लेच नाखुरीकुङ बोये र नाखुरीकुङ पाप क्षमा जाट्न याल्हे। 26[तर नाखुरीकै अरुकी क्षमा माजाट्ले डेनाङ, स्वर्गाङ ङुच नाखुरीकुङ परमेश्वर बोये र नाखुरीकुङ पाप क्षमा जाट्न माह्याले।]#११:२६ कोइ कोइ संस्करनौ बाइबलाङ इसे पद माले।”
येशूओ अधिकार बारेयाङ गीन्च
(मत्ती २१:२३-२७; लूका २०:१-८)
27येशू लहो चेलाकोखाटा फेरि यरूशलेमाङ राहा। अनि परमेश्वरौ मन्दिराङ इलाक-आलाक ह्वाम ङुनाङ मुख्य पूजाहारीको, धर्मगुरुको र अगुवाको होसको लेठाङ राहा। 28होखुरीकै येशूकी गीना, “नाकै कुटै अधिकार डुपार इसे कामको जाट्न न ले? इसे कामको जाट्च अधिकार नाकोकी सुये याहा?” 29येशूये होखुरीककी डेया, “ङा र नाखुरीककी काट कुरा गीन्ने र ङाकी जवाफ यान्ही। अनि मट्टै ङै कुटै अधिकार डुपार इसे काम जाट्च हो, ङा नाखुरीककी डेले। 30लु डेनी, यूहन्नै बप्तिस्मा याछ अधिकार कुटै डुपा, परमेश्वर लकीङ की भर्मी लकीङ?” 31अनि इसे सेयार मेखुरीक-मेखुरीक कुरा जाट्की ठाला, “परमेश्वर लकीङ डेया डेनाङ ‘नाखुरीकै हीजै यूहन्नाकी विश्वास माजाट्च?’ डेयार होसकै गीन्ने। 32इडीक भर्मी लकीङ डेइङ कुटजाट्न डेकी?” इट डेकी भर्मीकोखाटा बीह्रीया हीजैडेनाङ पट्टये यूहन्नाकी अगमवक्ता हो डेमन्या। 33होटबाटै होखुरीकै येशूकी डेया, “खोइ कानकी च थाहा माले।”
येशूये डेया, “होटडेनाङ ङै कुटै अधिकार डुपार इसे पट्ट न काम जाट्नने, ङा र नाखुरीककी माडेले।”
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.