मर्कूस 10
10
छोड पत्रौ बारेयाङ येशूये याछ शिक्षा
(मत्ती १९:१-१२; लूका १६:१८)
1येशू होसे ठाउँकी डासार यहूदियौ इलाकाङ र यर्दन नदीयो पारी नुङा। होला भर्मीकुङ बाड्को भीड होसको लेठाङ राहार सधैँ लेखा न फेरि होसकै होखुरीककी शिक्षा याखी ठाला।
2होला कुडीक फरिसीको राहार होसकोकी फसडीकी डेम गीना, “कुसेर भर्मीये ब्याहा जाट्च लहो मास्टोकी छोड पत्र याखी छान्ने की माछान्ने?” 3येशूये होखुरीककी जवाफ याहा, “मोशै नाखुरीककी ही आज्ञा याम्हने?” 4होखुरीकै डेया, “छोड पत्र रीकार भर्मीये लहे ब्याहा जाट्च मास्टोकी डास्की खाट्ले डेयार मोशै अनुमति याम्हने।”#व्यवस्था २४:१-४ 5तर येशूये होखुरीककी डेया, “नाखुरीकुङ मीमनुङ अटेरीये जाट्न मोशै नाखुरीककी इसे आज्ञा रीक्ङ याछ हो। 6तर सृष्टियो सुरुलकीङ न परमेश्वरै होखुरीककी मास्टो र लेन्जा न जाट्न खासा। 7‘इटबाटै भर्मी लहो बोइ-मोइकी डासार लहो मास्टोखाटा खाटार ङुले।#उत्पत्ति १:२७; ५:२ 8अनि होखुरीक नीस जना काट न शरीर छान्ने।’#उत्पत्ति २:२४ होखुरीक फेरि नीस होइन तर काट न शरीर छान्ने। 9होटबाटै परमेश्वरै सुकी काठोवाङ जोडीमने, होखुरीककी भर्मीकै माभाक्ख्यो।”
10इमाङ लेच बेलाङ चेलाकै फेरि इसे कुरौ बारेयाङ येशूकी गीना। 11होसकै होखुरीककी डेया, “सुये लहो मास्टोकी छोड पत्र याहार अर्कोखाटा ब्याहा जाट्ले, होचे होच्यो पहिलुङ मास्टोओ विरुद्धाङ व्यभिचार जाट्ले। 12र कुसे मास्टोये लहो लेन्जाकी छोड पत्र याहार अर्कोखाटा ब्याहा जाट्ले डेनाङ, होचे र व्यभिचार जाट्ले।”
बालककोलाक येशूये आशिष याछ
(मत्ती १९:१३-१५; लूका १८:१५-१७)
13भर्मीकै मार्जा बालककोलाक येशूये छुवार आशिष याख्यो डेच उद्देश्ये होसको लेठाङ राका। तर चेलाकै होसे भर्मीकोलाक हक्कारीया। 14याङ्च डाङार येशू मीरीस ख्योहा र होखुरीककी डेया, “माजा बालककोलाक ङा लेठाङ राखी यान्ही, होखुरीककी मारोकडीनी हीजैडेनाङ परमेश्वरौ राज्य इखुरीक ल्याक्चकुङ न हो। 15साँच्ची न ङा नाखुरीककी डेले, सुये परमेश्वरौ राज्यकी काट माजा बालकै लेखा न ग्रहण माजाट्ले, होसे सेन र होसे भित्री पर्की माडुप्ले।” 16होटै येशूये होखुरीककी मीकुह्वाङ लार होखुरीक मीटाक लहो मीहुट डाम आशिष याहा।
धनी भर्मी र स्वर्गौ राज्य
(मत्ती १९:१६-३०; लूका १८:१८-३०)
17येशू लामाङ नुङ्चै जाट्नाङ काट जना भर्मी खेर्न राहार होसकुङ अगाडि घुँडा टुसार होसकोकी गीना, “ए असल गुरु, सेन र मासीच जीवन डुप्की ङै ही जाट्की पर्ले?” 18येशूये डेया, “नाको हीजै ङाकी असल डेले? काट मट्टै परमेश्वर बाहेक अरु सुर असल माले। 19नाकोकी आज्ञाको च थाहा ले, ‘भर्मी मासाट्की, व्यभिचार माजाट्की, माखुस्की, झूटो गवाही माह्याखी, माठग्डीकी, लहो मोइ र बोइकी आदर जाट्की।’#प्रस्थान २०:१२-१६; व्यवस्था ५:१६-२०” 20होसे भर्मीये होसकोकी डेया, “गुरु ज्यु, इसे च पट्ट न ङै मार्जा लकीङ न जाट्न राम्हने।” 21येशूये होसकी ङोसार माया जाटार डेया, “नाकै अझै काट कुरा जाट्की बाँकी ले। नुङ्नी र नाकोखाटा ही-ही ले होसे पट्ट न आर्लानी र गरीबकोलाक यान्ही। अनि नाकै स्वर्गाङ सम्पत्ति डुप्ले। होस न्हुइङ रान्ही र ङाकी डुट्नी।” 22तर इसे कुरा सेयार होसे भर्मीयो मीटाहा छुम्छ छाना र होसे दु:खीत छानार नुङ्की क्योटा। हीजैडेनाङ होसेखाटा वास्टै धन-सम्पत्ति लेया।
23येशूये वार्लाक-पार्लाक ङोसार लहो चेलाकोलाक डेया, “धनी भर्मीकोलाक परमेश्वरौ राज्याङ पर्की कुडीक गाह्रो ले।” 24होसकै डेच कुरा सेयार चेलाको अचम्म मन्डीया। तर येशूये फेरि होखुरीककी डेया, “ए भाइको, परमेश्वरौ राज्य भित्री पर्की कुडीक गाह्रो ले। 25धनी भर्मीको परमेश्वरौ राज्य भित्री पर्की डेनाङ च आर्चौ ह्वाङीङ उँटकी पर्की सजिलो छान्ने।” 26होखुरीक झन् अचम्म छानार लाहा लाहाङ गीना, “होटडेनाङ सु जीवाकी ह्योक्ले ट?” 27येशूये होखुरीककी ङोसार डेया, “भर्मीकुङ लागि च इसे कुरा छान्की माह्योक्ले तर परमेश्वरौ लागि चहिँ पट्ट न कुरा छान्की ह्योक्ले।”
28होटै पत्रुसै होसकोकी डेया, “ङोस्नी, कानै च पट्ट न कुरा डासार नाकोकी डुट्नने।” 29येशूये डेया, “साँच्ची न ङा नाखुरीककी डेले, सुये ङौ र सेछ समाचारौ खातिर लहो इम, बोइ-मोइ, डाजेभाइ, डैबहिनीको, मीजाको, जग्गा जमिन डास्ले, 30होखुरीकै इसे न समयाङ सय गुणा बढी इम, बोइ-मोइ, डाजेभाइ, डैबहिनी, मीजाको र जग्गा जमिन डुप्ले होटै सतावट र राल्हे तर राछ युगाङ सेन र मासीच जीवन डुप्ले। 31तर चाहाँ पहिला छान्चको न्हुङ्लाक छान्ने र चाहाँ न्हुङ्लाक छान्चको वास्टै जना पहिला छान्ने।”
लाहा सीच बारेयाङ डेच
(मत्ती २०:१७-१९; लूका १८:३१-३४)
32येशू र मेखोल्हौ चेलाको यरूशलेमपट्टी नुङ्ङ न लेया र होसको चहिँ होखुरीकुङ अगाडि-अगाडि ह्वामन लेया। चेलाको अचम्म छान्नन्या र अरु होसकोकी डुट्च भर्मीको बीह्रीमन्या। तब होसकै बाह्र जना चेलाकोलाक फेरि आर्घार काटपट्टी आल्हार लाहा मीटाक पर्न राछ कुराको होखुरीककी सेटाका। 33अनि होसकै डेया, “ङोस्नी, कान यरूशलेमपट्टी नुङ्ङ न ले। होला भर्मीयो मीजाकी मुख्य पूजाहारीको र धर्मगुरुकुङ मीहुटाङ जिम्मा याल्हे र होखुरीकै होसकोकी मृत्युदण्ड याखी डेम रोमीकोलाक जिम्मा याल्हे। 34होखुरीकै होसकी गिल्ला जाट्ले र मेठोक ठोक्ले, कोर्रा लैडीले, र होसकी साट्ले। तर सोम याकाङ होसे सीच लकीङ फेरि जीवाम सोले।”
याकूब र यूहन्नौ बिन्ती
(मत्ती २०:२०-२८)
35होटै न्हुइङ जब्दियौ नीस जना लेन्जा मीजाको, याकूब र यूहन्ना येशू लेठाङ राहा र डेया, “गुरु ज्यु, कानै नाकोखाटा ही ङेल्हे होसे जाट्न यान्ही डेच कानुङ मीमन ले।” 36येशूये होखुरीककी गीना, “नाखुरीकुङ लागि ङै ही जाट्न याखी डेच मीमन जाट्ले?” 37होखुरीकै होसकोकी डेया, “जब नाको महिमौ सिंहासनाङ ङुले तब कान डाजेभाइकी नाकुङ देब्रे र डोर पट्टी ङुकी यान्ही।”#१०:३७ होसे राज्याङ बाड्को मान जाट्च भर्मीको राजौ डोर र देब्रेपट्टी ङुच जाट्न्या। 38तर येशूये होखुरीककी डेया, “नाखुरीकै ही ङेल्हे होसे नाखुरीक माह्वार्ले। कुसे दु:खओ कचौरा ङा गाले, होसे नाखुरीक गाकी ह्योक्ले र? कुसे दु:खओ बप्तिस्मा ङै लाकी पर्च होसे बप्तिस्मा नाखुरीकै लाकी ह्योक्ले र?” 39होखुरीकै येशूकी डेया, “कान ह्योक्ले।” होसकै होखुरीककी डेया, “कुसे कचौरा ङा गाले होसे नाखुरीकै र गाले, कुसे बप्तिस्मा ङै लाकी पर्च होसे नाखुरीकै र लाले। 40तर सुकी ङौ डोर र देब्रेपट्टी ङुकी याखी चहिँ ङौ काम होइन। परमेश्वरै सुओ लागि इसे ठाउँको तयार खास्नने होखुरीककी न याल्हे।”
41इसे कुरा सेयार दश जना चेलाको याकूब र यूहन्नाखाटा मीरीस ख्योहा। 42अनि येशूये होखुरीककी लाहा लेठाङ आर्घार डेया, “नाखुरीककी थाहा न ले, संसाराङ राज्य जाट्चकै प्रजामीटाक लहो खुसी जाटार हक क्योट्ले र बाड्सो भर्मीकै अरुको मीटाक अधिकार जमडीले। 43नाखुरीककोवाङ चहिँ होङ्च माछान्ने। तर नाखुरीक मध्याङ सुये बाड्को छान्च मीमन जाट्ले, होचे पट्टकुङ सेवा जाट्की पर्ले। 44नाखुरीककोवाङ सुये पहिला छान्च मीमन जाट्ले, होसे पट्टओ नोकर छान्की न पर्ले। 45हीजैडेनाङ भर्मीयो मीजा र अरुलकीङ सेवा डुप्की होइन। तर सेवा जाट्की र वास्टै जनौ छुटकारौ लागि लहो जीवन याखी डेम राछ हो।”
अन्धा बारतिमै
(मत्ती २०:२९-३४; लूका १८:३५-४३)
46होटै न्हुइङ येशू र मेखोल्हौ चेलाको यरीहोवाङ टाह्रा। होखुरीक बाड्को भर्मीकुङ भीडखाटा यरीहो लकीङ नुङ्ङ न लेनाङ तिमैयो लेन्जा मीजा बारतिमै डेच काट ङेछ अन्धा लामौ छेवाङ ङुम-ङुमन्या। 47जब होचे नासरतुङ येशू राम्हन ले डेच सेयार होचे च्याकार डेया, “ए येशू, दाऊदौ मीजा#१०:४७ दाऊदौ मीजा: यहूदी भर्मीकै मसीहौ जन्म चहिँ राजा दाऊदौ परीवाराङ छान्ने डेम आशा जाट्नन्या। होसबाटै मसीहकी धैरै लेखा “दाऊदौ मीजा” डेम डेच जाट्नन्या।, ङा मीटाक दया जाट्नी!”
48अनि कुडीक जनै चहिँ होसकी माच्याको डेयार हक्कारीया। तर होसे झन् साह्रो च्याकार डेया, “ए दाऊदौ मीजा, ङा मीटाक दया जाट्नी!” 49तब येशू टोङ्हार डेया, “होसकी इला आर्घानी।” होटै होखुरीकै होसे अन्धाकी इट डेयार आर्घा, “आँट जाटो र सोना, नाङ्की होसकै आर्घामनले।” 50अनि मेन बढीन लोहार होसे जुरुक्क सोवार येशू लेठाङ राहा। 51येशूये होसकी डेया, “नाको ही ङेल्हे, ङा नाकुङ लागि ही जाट्न येहीङ?” होसे अन्धा भर्मीये होसकोकी डेया, “गुरु ज्यु, ङै मीमीक डाङ्की ह्योकीङ।” 52होटै येशूये डेया, “नुङ्नी, नाकुङ विश्वासै नाकोकी गेपाक्ङने।” तब तुरुन्तै होचे मीमीक डाङा र होसकोखाटा लामाङ न्हुङ-न्हुङ नुङा।
S'ha seleccionat:
मर्कूस 10: EMGP
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.
मर्कूस 10
10
छोड पत्रौ बारेयाङ येशूये याछ शिक्षा
(मत्ती १९:१-१२; लूका १६:१८)
1येशू होसे ठाउँकी डासार यहूदियौ इलाकाङ र यर्दन नदीयो पारी नुङा। होला भर्मीकुङ बाड्को भीड होसको लेठाङ राहार सधैँ लेखा न फेरि होसकै होखुरीककी शिक्षा याखी ठाला।
2होला कुडीक फरिसीको राहार होसकोकी फसडीकी डेम गीना, “कुसेर भर्मीये ब्याहा जाट्च लहो मास्टोकी छोड पत्र याखी छान्ने की माछान्ने?” 3येशूये होखुरीककी जवाफ याहा, “मोशै नाखुरीककी ही आज्ञा याम्हने?” 4होखुरीकै डेया, “छोड पत्र रीकार भर्मीये लहे ब्याहा जाट्च मास्टोकी डास्की खाट्ले डेयार मोशै अनुमति याम्हने।”#व्यवस्था २४:१-४ 5तर येशूये होखुरीककी डेया, “नाखुरीकुङ मीमनुङ अटेरीये जाट्न मोशै नाखुरीककी इसे आज्ञा रीक्ङ याछ हो। 6तर सृष्टियो सुरुलकीङ न परमेश्वरै होखुरीककी मास्टो र लेन्जा न जाट्न खासा। 7‘इटबाटै भर्मी लहो बोइ-मोइकी डासार लहो मास्टोखाटा खाटार ङुले।#उत्पत्ति १:२७; ५:२ 8अनि होखुरीक नीस जना काट न शरीर छान्ने।’#उत्पत्ति २:२४ होखुरीक फेरि नीस होइन तर काट न शरीर छान्ने। 9होटबाटै परमेश्वरै सुकी काठोवाङ जोडीमने, होखुरीककी भर्मीकै माभाक्ख्यो।”
10इमाङ लेच बेलाङ चेलाकै फेरि इसे कुरौ बारेयाङ येशूकी गीना। 11होसकै होखुरीककी डेया, “सुये लहो मास्टोकी छोड पत्र याहार अर्कोखाटा ब्याहा जाट्ले, होचे होच्यो पहिलुङ मास्टोओ विरुद्धाङ व्यभिचार जाट्ले। 12र कुसे मास्टोये लहो लेन्जाकी छोड पत्र याहार अर्कोखाटा ब्याहा जाट्ले डेनाङ, होचे र व्यभिचार जाट्ले।”
बालककोलाक येशूये आशिष याछ
(मत्ती १९:१३-१५; लूका १८:१५-१७)
13भर्मीकै मार्जा बालककोलाक येशूये छुवार आशिष याख्यो डेच उद्देश्ये होसको लेठाङ राका। तर चेलाकै होसे भर्मीकोलाक हक्कारीया। 14याङ्च डाङार येशू मीरीस ख्योहा र होखुरीककी डेया, “माजा बालककोलाक ङा लेठाङ राखी यान्ही, होखुरीककी मारोकडीनी हीजैडेनाङ परमेश्वरौ राज्य इखुरीक ल्याक्चकुङ न हो। 15साँच्ची न ङा नाखुरीककी डेले, सुये परमेश्वरौ राज्यकी काट माजा बालकै लेखा न ग्रहण माजाट्ले, होसे सेन र होसे भित्री पर्की माडुप्ले।” 16होटै येशूये होखुरीककी मीकुह्वाङ लार होखुरीक मीटाक लहो मीहुट डाम आशिष याहा।
धनी भर्मी र स्वर्गौ राज्य
(मत्ती १९:१६-३०; लूका १८:१८-३०)
17येशू लामाङ नुङ्चै जाट्नाङ काट जना भर्मी खेर्न राहार होसकुङ अगाडि घुँडा टुसार होसकोकी गीना, “ए असल गुरु, सेन र मासीच जीवन डुप्की ङै ही जाट्की पर्ले?” 18येशूये डेया, “नाको हीजै ङाकी असल डेले? काट मट्टै परमेश्वर बाहेक अरु सुर असल माले। 19नाकोकी आज्ञाको च थाहा ले, ‘भर्मी मासाट्की, व्यभिचार माजाट्की, माखुस्की, झूटो गवाही माह्याखी, माठग्डीकी, लहो मोइ र बोइकी आदर जाट्की।’#प्रस्थान २०:१२-१६; व्यवस्था ५:१६-२०” 20होसे भर्मीये होसकोकी डेया, “गुरु ज्यु, इसे च पट्ट न ङै मार्जा लकीङ न जाट्न राम्हने।” 21येशूये होसकी ङोसार माया जाटार डेया, “नाकै अझै काट कुरा जाट्की बाँकी ले। नुङ्नी र नाकोखाटा ही-ही ले होसे पट्ट न आर्लानी र गरीबकोलाक यान्ही। अनि नाकै स्वर्गाङ सम्पत्ति डुप्ले। होस न्हुइङ रान्ही र ङाकी डुट्नी।” 22तर इसे कुरा सेयार होसे भर्मीयो मीटाहा छुम्छ छाना र होसे दु:खीत छानार नुङ्की क्योटा। हीजैडेनाङ होसेखाटा वास्टै धन-सम्पत्ति लेया।
23येशूये वार्लाक-पार्लाक ङोसार लहो चेलाकोलाक डेया, “धनी भर्मीकोलाक परमेश्वरौ राज्याङ पर्की कुडीक गाह्रो ले।” 24होसकै डेच कुरा सेयार चेलाको अचम्म मन्डीया। तर येशूये फेरि होखुरीककी डेया, “ए भाइको, परमेश्वरौ राज्य भित्री पर्की कुडीक गाह्रो ले। 25धनी भर्मीको परमेश्वरौ राज्य भित्री पर्की डेनाङ च आर्चौ ह्वाङीङ उँटकी पर्की सजिलो छान्ने।” 26होखुरीक झन् अचम्म छानार लाहा लाहाङ गीना, “होटडेनाङ सु जीवाकी ह्योक्ले ट?” 27येशूये होखुरीककी ङोसार डेया, “भर्मीकुङ लागि च इसे कुरा छान्की माह्योक्ले तर परमेश्वरौ लागि चहिँ पट्ट न कुरा छान्की ह्योक्ले।”
28होटै पत्रुसै होसकोकी डेया, “ङोस्नी, कानै च पट्ट न कुरा डासार नाकोकी डुट्नने।” 29येशूये डेया, “साँच्ची न ङा नाखुरीककी डेले, सुये ङौ र सेछ समाचारौ खातिर लहो इम, बोइ-मोइ, डाजेभाइ, डैबहिनीको, मीजाको, जग्गा जमिन डास्ले, 30होखुरीकै इसे न समयाङ सय गुणा बढी इम, बोइ-मोइ, डाजेभाइ, डैबहिनी, मीजाको र जग्गा जमिन डुप्ले होटै सतावट र राल्हे तर राछ युगाङ सेन र मासीच जीवन डुप्ले। 31तर चाहाँ पहिला छान्चको न्हुङ्लाक छान्ने र चाहाँ न्हुङ्लाक छान्चको वास्टै जना पहिला छान्ने।”
लाहा सीच बारेयाङ डेच
(मत्ती २०:१७-१९; लूका १८:३१-३४)
32येशू र मेखोल्हौ चेलाको यरूशलेमपट्टी नुङ्ङ न लेया र होसको चहिँ होखुरीकुङ अगाडि-अगाडि ह्वामन लेया। चेलाको अचम्म छान्नन्या र अरु होसकोकी डुट्च भर्मीको बीह्रीमन्या। तब होसकै बाह्र जना चेलाकोलाक फेरि आर्घार काटपट्टी आल्हार लाहा मीटाक पर्न राछ कुराको होखुरीककी सेटाका। 33अनि होसकै डेया, “ङोस्नी, कान यरूशलेमपट्टी नुङ्ङ न ले। होला भर्मीयो मीजाकी मुख्य पूजाहारीको र धर्मगुरुकुङ मीहुटाङ जिम्मा याल्हे र होखुरीकै होसकोकी मृत्युदण्ड याखी डेम रोमीकोलाक जिम्मा याल्हे। 34होखुरीकै होसकी गिल्ला जाट्ले र मेठोक ठोक्ले, कोर्रा लैडीले, र होसकी साट्ले। तर सोम याकाङ होसे सीच लकीङ फेरि जीवाम सोले।”
याकूब र यूहन्नौ बिन्ती
(मत्ती २०:२०-२८)
35होटै न्हुइङ जब्दियौ नीस जना लेन्जा मीजाको, याकूब र यूहन्ना येशू लेठाङ राहा र डेया, “गुरु ज्यु, कानै नाकोखाटा ही ङेल्हे होसे जाट्न यान्ही डेच कानुङ मीमन ले।” 36येशूये होखुरीककी गीना, “नाखुरीकुङ लागि ङै ही जाट्न याखी डेच मीमन जाट्ले?” 37होखुरीकै होसकोकी डेया, “जब नाको महिमौ सिंहासनाङ ङुले तब कान डाजेभाइकी नाकुङ देब्रे र डोर पट्टी ङुकी यान्ही।”#१०:३७ होसे राज्याङ बाड्को मान जाट्च भर्मीको राजौ डोर र देब्रेपट्टी ङुच जाट्न्या। 38तर येशूये होखुरीककी डेया, “नाखुरीकै ही ङेल्हे होसे नाखुरीक माह्वार्ले। कुसे दु:खओ कचौरा ङा गाले, होसे नाखुरीक गाकी ह्योक्ले र? कुसे दु:खओ बप्तिस्मा ङै लाकी पर्च होसे बप्तिस्मा नाखुरीकै लाकी ह्योक्ले र?” 39होखुरीकै येशूकी डेया, “कान ह्योक्ले।” होसकै होखुरीककी डेया, “कुसे कचौरा ङा गाले होसे नाखुरीकै र गाले, कुसे बप्तिस्मा ङै लाकी पर्च होसे नाखुरीकै र लाले। 40तर सुकी ङौ डोर र देब्रेपट्टी ङुकी याखी चहिँ ङौ काम होइन। परमेश्वरै सुओ लागि इसे ठाउँको तयार खास्नने होखुरीककी न याल्हे।”
41इसे कुरा सेयार दश जना चेलाको याकूब र यूहन्नाखाटा मीरीस ख्योहा। 42अनि येशूये होखुरीककी लाहा लेठाङ आर्घार डेया, “नाखुरीककी थाहा न ले, संसाराङ राज्य जाट्चकै प्रजामीटाक लहो खुसी जाटार हक क्योट्ले र बाड्सो भर्मीकै अरुको मीटाक अधिकार जमडीले। 43नाखुरीककोवाङ चहिँ होङ्च माछान्ने। तर नाखुरीक मध्याङ सुये बाड्को छान्च मीमन जाट्ले, होचे पट्टकुङ सेवा जाट्की पर्ले। 44नाखुरीककोवाङ सुये पहिला छान्च मीमन जाट्ले, होसे पट्टओ नोकर छान्की न पर्ले। 45हीजैडेनाङ भर्मीयो मीजा र अरुलकीङ सेवा डुप्की होइन। तर सेवा जाट्की र वास्टै जनौ छुटकारौ लागि लहो जीवन याखी डेम राछ हो।”
अन्धा बारतिमै
(मत्ती २०:२९-३४; लूका १८:३५-४३)
46होटै न्हुइङ येशू र मेखोल्हौ चेलाको यरीहोवाङ टाह्रा। होखुरीक बाड्को भर्मीकुङ भीडखाटा यरीहो लकीङ नुङ्ङ न लेनाङ तिमैयो लेन्जा मीजा बारतिमै डेच काट ङेछ अन्धा लामौ छेवाङ ङुम-ङुमन्या। 47जब होचे नासरतुङ येशू राम्हन ले डेच सेयार होचे च्याकार डेया, “ए येशू, दाऊदौ मीजा#१०:४७ दाऊदौ मीजा: यहूदी भर्मीकै मसीहौ जन्म चहिँ राजा दाऊदौ परीवाराङ छान्ने डेम आशा जाट्नन्या। होसबाटै मसीहकी धैरै लेखा “दाऊदौ मीजा” डेम डेच जाट्नन्या।, ङा मीटाक दया जाट्नी!”
48अनि कुडीक जनै चहिँ होसकी माच्याको डेयार हक्कारीया। तर होसे झन् साह्रो च्याकार डेया, “ए दाऊदौ मीजा, ङा मीटाक दया जाट्नी!” 49तब येशू टोङ्हार डेया, “होसकी इला आर्घानी।” होटै होखुरीकै होसे अन्धाकी इट डेयार आर्घा, “आँट जाटो र सोना, नाङ्की होसकै आर्घामनले।” 50अनि मेन बढीन लोहार होसे जुरुक्क सोवार येशू लेठाङ राहा। 51येशूये होसकी डेया, “नाको ही ङेल्हे, ङा नाकुङ लागि ही जाट्न येहीङ?” होसे अन्धा भर्मीये होसकोकी डेया, “गुरु ज्यु, ङै मीमीक डाङ्की ह्योकीङ।” 52होटै येशूये डेया, “नुङ्नी, नाकुङ विश्वासै नाकोकी गेपाक्ङने।” तब तुरुन्तै होचे मीमीक डाङा र होसकोखाटा लामाङ न्हुङ-न्हुङ नुङा।
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2025 by Mother Tongue Translators Society and Wycliffe Bible Translators, Inc.