2 Corinth te 2
2
1Tua ahikom note kong heesak ngawl natu in note kungah pai kik ngawl tu in ka khensat zo hi. 2Banghang ziam cile note hong heesak thong leng kei hong lungdamsak tu akua om nawn tu ziam? Keima ii kong heesak te ma om bek tu hi. 3Tua hu in no tungah tua laithak kong at ahi hi — Keima hong lungdamsak tute ma in hong heesak tu ahiciang, no kungah pai tu ka uuk bua hi. Banghang ziam cile keima ka lung a dam le, note zongh lungdam ci in ka um hi. 4Lai kong thaak lai in thinsung buaingawpna le khuangaina taw thitui taakin lai kong at hi; ka tupna sia note kong heesak nopna hi ngawl a, bangza in note hong it khi ziam, ci in kong telsak nopna ahi hi.
A Mawpa tung Mawmaisakna
5Tu in mi khat pawpo in, mihing khat a khuangaisak le kei bek hong heesak hi ngawlin, a nobelin ci leang — note theampo hong heesak ahi hi. (Hi bangin ka ci sia ama tungah a nasia kamkhal ka pau nop ngawl hang ahi hi.) 6Note a tamzaw in hisia pa sia tu a bangma in daan pia zo na hi uh ciangin, pha zo hi. 7Tu in bang po ahizong ama mawna maisak tavun a, hee leilam in a thin a lal ngawl natu in na hanthawn vun. 8Tua ahikom ama na it takpi na uh na telsak natu in kong thuum hi. 9Tua lai kong thaak sia banghang ziam cile ze etna sia bangbangin do zo a, tuaciangin kei ii hilna bangza dongin ni nu ziam ci in kong heak nop hang ahi hi. 10Khat po ii a ngamtatna tungtaang ah mawna na maisak uh ciang, kei zongh in ama ka maisak hi. Banghang ziam cile maw ka maisak ciangin — tuabang a kul takpi ma ahile — Christ ii hong ompuina taw in note hang in mawmaisak ka hi hi; 11Satan ngealnate he ka hikom in; ama hong nopzaw ngawl natu in ka maisak ahi hi.
Troas ah Paul ii Thinngimna
12Christ huvau Lungdamna Thupha hil tu in Troas khua ka thet ciang tua munah Topa in nasep natu lampi hon sa in a koi ka mu hi.#Sawl 20:1 13Ahihang tualai ah ih suapuipa Titus mu zo ngawl ka hikom nasia takin ka thinngim hi. Tua ahikom tua munah a om mihingte mangpha thaak in Macedonia ah ka pai suak hi.
Christ tungtawnin Zawna
14Ahihang Pathian tungah lungdamnate kiko tahen! Banghang ziam cile Christ taw kipumkhatna hu in, Pathian in Christ ii ngalzawna sungah a mat sate bangin Pathian in eite lam hong pui tawntung hi. Christ thu heakna sia mun theampo ah paaknamtui bangin a kizel natu in Pathian in eite hong zangh hi. 15Banghang ziam cile eite sia Christ ii Pathian tungah a piak paaknamtui taw ih kibang a, ngupna a ngate le a mangthangte sungah ih kizel hi. 16A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam? 17Kote sia Pathian thu takpi vanh ngina ngawl te zuak bangin a son midang tam mama te taw ka kibang bua uh hi; ahihang Pathian in hong sawl ahikom, thinsung maan tak taw ama mai ah Christ ii naseamte bangin thu ka son uh hi.
S'ha seleccionat:
2 Corinth te 2: SCB2
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Siyin Chin Bible © Bible Society of Myanmar, 2016
2 Corinth te 2
2
1Tua ahikom note kong heesak ngawl natu in note kungah pai kik ngawl tu in ka khensat zo hi. 2Banghang ziam cile note hong heesak thong leng kei hong lungdamsak tu akua om nawn tu ziam? Keima ii kong heesak te ma om bek tu hi. 3Tua hu in no tungah tua laithak kong at ahi hi — Keima hong lungdamsak tute ma in hong heesak tu ahiciang, no kungah pai tu ka uuk bua hi. Banghang ziam cile keima ka lung a dam le, note zongh lungdam ci in ka um hi. 4Lai kong thaak lai in thinsung buaingawpna le khuangaina taw thitui taakin lai kong at hi; ka tupna sia note kong heesak nopna hi ngawl a, bangza in note hong it khi ziam, ci in kong telsak nopna ahi hi.
A Mawpa tung Mawmaisakna
5Tu in mi khat pawpo in, mihing khat a khuangaisak le kei bek hong heesak hi ngawlin, a nobelin ci leang — note theampo hong heesak ahi hi. (Hi bangin ka ci sia ama tungah a nasia kamkhal ka pau nop ngawl hang ahi hi.) 6Note a tamzaw in hisia pa sia tu a bangma in daan pia zo na hi uh ciangin, pha zo hi. 7Tu in bang po ahizong ama mawna maisak tavun a, hee leilam in a thin a lal ngawl natu in na hanthawn vun. 8Tua ahikom ama na it takpi na uh na telsak natu in kong thuum hi. 9Tua lai kong thaak sia banghang ziam cile ze etna sia bangbangin do zo a, tuaciangin kei ii hilna bangza dongin ni nu ziam ci in kong heak nop hang ahi hi. 10Khat po ii a ngamtatna tungtaang ah mawna na maisak uh ciang, kei zongh in ama ka maisak hi. Banghang ziam cile maw ka maisak ciangin — tuabang a kul takpi ma ahile — Christ ii hong ompuina taw in note hang in mawmaisak ka hi hi; 11Satan ngealnate he ka hikom in; ama hong nopzaw ngawl natu in ka maisak ahi hi.
Troas ah Paul ii Thinngimna
12Christ huvau Lungdamna Thupha hil tu in Troas khua ka thet ciang tua munah Topa in nasep natu lampi hon sa in a koi ka mu hi.#Sawl 20:1 13Ahihang tualai ah ih suapuipa Titus mu zo ngawl ka hikom nasia takin ka thinngim hi. Tua ahikom tua munah a om mihingte mangpha thaak in Macedonia ah ka pai suak hi.
Christ tungtawnin Zawna
14Ahihang Pathian tungah lungdamnate kiko tahen! Banghang ziam cile Christ taw kipumkhatna hu in, Pathian in Christ ii ngalzawna sungah a mat sate bangin Pathian in eite lam hong pui tawntung hi. Christ thu heakna sia mun theampo ah paaknamtui bangin a kizel natu in Pathian in eite hong zangh hi. 15Banghang ziam cile eite sia Christ ii Pathian tungah a piak paaknamtui taw ih kibang a, ngupna a ngate le a mangthangte sungah ih kizel hi. 16A mangthangte atu in tuasia in ngual a thisak thei a ui mama thina ngim hi a; ahihang ngupna a ngate atu in nuntakna a pia ngimnamtui ahi hi. Tua ahile tuabang nasepte a seam zo tu akua om ziam? 17Kote sia Pathian thu takpi vanh ngina ngawl te zuak bangin a son midang tam mama te taw ka kibang bua uh hi; ahihang Pathian in hong sawl ahikom, thinsung maan tak taw ama mai ah Christ ii naseamte bangin thu ka son uh hi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Siyin Chin Bible © Bible Society of Myanmar, 2016