2 Corinth te 1
1
1Pathian ii deina taw Christ Jesus ii sawltakpa ahi Paul le ih suapuipa Timothy in —
Corinth khua ah Pathian ii pawlpi le Achaia ngam bup ah Pathian ii mihingte theampo tungah lai kong thaak uh hi: #Sawl 18:1
2Ih Pa Pathian le ih Topa Jesus Christ in thuthiamna le thinnopna hong pia tahen.
Paul in Pathian tungah Lungdamko
3Pathian le ih Topa Jesus Christ ii Pa, hesuak thiam Pa, huna theampo hong paina Pathian tungah lungdamko tawng! 4Pathian tung pan ih saan hunate ma zanghin ngimna namcin a thuakte ih hu thei natu in, ama in ih ngimna theampo sungah hong hu hi. 5Christ ii thuakna tam mama sungah ih kihel bangin Christ tungtawnin Pathian huna tam mama ih nga hi. 6Ka thuak uh le note atu in, huna le ngupna na nga natu uh hi a; kote hong kihu le note zongh hong kihu a, kote ii thuakte ma zong thinsau takin na thuak zawk natu thahatna hong kipia ahi hi. 7Tua ahikom note sungah ka lametna uh sia ngawk zo ngeingawl hi; ko thuaknate nong thuak pui uh bangma in, huna ka nga uhte sungah note zongh na kihel uh sia ka he uh hi.
8Suapuite awng Asia ngamkhen sungah ngim ka ngana uhte kong phawksak nuam hi. Kote tungah hong kisuanh vanhte lian mama a ngit leih ahikom, nungta tu zong ka ki um ngam bua uh hi.#1 Cor 15:32 9Kote tungah thi daan hong kipia bangza in ka ngaisun uh hi. Ahihang hi thu sia, koma le koma kisuang ngawlin, a thite a thosak kik, Pathian khat bek ka suan thei natu uh in a piang ahi hi. 10Tuabang a kiitakhuai thithei natu panin, ama in hong ngum zo a, hong ngum lai tu hi; mai sang zongh ah ama in hong ngum kik lai tu hi, ci in lametna ama tungah ka nei zo uh hi, 11tua in kote nong panpui na uh taw thu nong ngetsakna uh hang ahi hi. Tua ahikom kote atu thu tam mama hong kingetsaknate hong kizo tu a, Pathian in ko thupha hong pia tu hi; tuaciang mihing tam mama in, kote atu nging takin lungdamkona nei thei tu uh hi.
Paul ii Ngealnate Kikheal
12Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi. 13-14Na sim thei tu le na tel thei tu teng bek kong at uh hi. Ahizong tu in a lalang bek hong tel tu na hi uh hang, ih Topa Jesus Ni hong thet ciang, note hu in ka kiphatsak uh bangma kote hu in na kiphatsak thei natu uh in a cing tak ma nong tel tu uh kong lamen uh hi.
15Hite theampo thumaan hi ci in ka telthiang hu in, thupha niivei na nga thei natu in note kungah haw tu in ka ngeal phot hi. 16Banghang ziam cile Judea ngam ah ka khualhaw natu taw kisai in note tung pan huna dei ka hikom Macedonia ka pai lam le ka cia lamin note kungah baang tu in ka ngeal hi.#Sawl 19:21 17Hi bang ka ngeal ciangin thukheal memeang nong sa uh ziam? Hi bangin ngealnate ka nei ciangin keima deina bek taw, “Hi hi,” le ci a, “Hi bo,” le a ci si tu in a om ka hi ziam? 18Pathian ii thumaan a son bang tatak ma in, note tungah kong kamciamna sia “Hi hi” cile “Hi bo” ci sia thu hi ngawl hi. 19Banghang ziam cile Silas, Timothy le keima ii kong hil Pathian Tapa Jesus Christ sia “hi” le “hi bo” ci khop tu hi ngawl hi; ama sia Pathian ii “Hi” a cisia pa ahi zaw hi; #Sawl 18:5 20Banghang ziam cile, Pathian kamciam theampo tungah “Hi” a ci pa ahi hi. Hi thu hangin Jesus Christ tungtawnin, Pathian minthanna ah “Amen” ka ci uh hi. 21Note taw kingawm in kote Christ taw kipawl khawm a, ih nuntakna hong kipsak sia in Pathian hi a; eite hong tuam koisia Pathian ma hi in, 22ama ii neisa ka hina uh kote tungah tepteena hong koi zo a, eite atu hong koikholsak na theampo a kipsakna in eite thinsung ah Thaa Thiangtho hong pia pa in ama ahi hi.
23Keima tetti tu in Pathian ka sam hi — ama in ka thinsung hong he hi! Corinth khua ah kong pai ngawlna sia note kong maapna hizaw hi. 24Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.
S'ha seleccionat:
2 Corinth te 1: SCB2
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Siyin Chin Bible © Bible Society of Myanmar, 2016
2 Corinth te 1
1
1Pathian ii deina taw Christ Jesus ii sawltakpa ahi Paul le ih suapuipa Timothy in —
Corinth khua ah Pathian ii pawlpi le Achaia ngam bup ah Pathian ii mihingte theampo tungah lai kong thaak uh hi: #Sawl 18:1
2Ih Pa Pathian le ih Topa Jesus Christ in thuthiamna le thinnopna hong pia tahen.
Paul in Pathian tungah Lungdamko
3Pathian le ih Topa Jesus Christ ii Pa, hesuak thiam Pa, huna theampo hong paina Pathian tungah lungdamko tawng! 4Pathian tung pan ih saan hunate ma zanghin ngimna namcin a thuakte ih hu thei natu in, ama in ih ngimna theampo sungah hong hu hi. 5Christ ii thuakna tam mama sungah ih kihel bangin Christ tungtawnin Pathian huna tam mama ih nga hi. 6Ka thuak uh le note atu in, huna le ngupna na nga natu uh hi a; kote hong kihu le note zongh hong kihu a, kote ii thuakte ma zong thinsau takin na thuak zawk natu thahatna hong kipia ahi hi. 7Tua ahikom note sungah ka lametna uh sia ngawk zo ngeingawl hi; ko thuaknate nong thuak pui uh bangma in, huna ka nga uhte sungah note zongh na kihel uh sia ka he uh hi.
8Suapuite awng Asia ngamkhen sungah ngim ka ngana uhte kong phawksak nuam hi. Kote tungah hong kisuanh vanhte lian mama a ngit leih ahikom, nungta tu zong ka ki um ngam bua uh hi.#1 Cor 15:32 9Kote tungah thi daan hong kipia bangza in ka ngaisun uh hi. Ahihang hi thu sia, koma le koma kisuang ngawlin, a thite a thosak kik, Pathian khat bek ka suan thei natu uh in a piang ahi hi. 10Tuabang a kiitakhuai thithei natu panin, ama in hong ngum zo a, hong ngum lai tu hi; mai sang zongh ah ama in hong ngum kik lai tu hi, ci in lametna ama tungah ka nei zo uh hi, 11tua in kote nong panpui na uh taw thu nong ngetsakna uh hang ahi hi. Tua ahikom kote atu thu tam mama hong kingetsaknate hong kizo tu a, Pathian in ko thupha hong pia tu hi; tuaciang mihing tam mama in, kote atu nging takin lungdamkona nei thei tu uh hi.
Paul ii Ngealnate Kikheal
12Hi leitung ah ka nuntakna uh le a tuanin note taw ka kizopna uh sia Pathian ii hong piaksa thinmamna le citakna ii hong ukna le Pathian' thuthiamna ii vaangletna hang hi a, mihingte pilna hang hi ngawl hi, ci in telthiang in ka kiphasak uh hi. 13-14Na sim thei tu le na tel thei tu teng bek kong at uh hi. Ahizong tu in a lalang bek hong tel tu na hi uh hang, ih Topa Jesus Ni hong thet ciang, note hu in ka kiphatsak uh bangma kote hu in na kiphatsak thei natu uh in a cing tak ma nong tel tu uh kong lamen uh hi.
15Hite theampo thumaan hi ci in ka telthiang hu in, thupha niivei na nga thei natu in note kungah haw tu in ka ngeal phot hi. 16Banghang ziam cile Judea ngam ah ka khualhaw natu taw kisai in note tung pan huna dei ka hikom Macedonia ka pai lam le ka cia lamin note kungah baang tu in ka ngeal hi.#Sawl 19:21 17Hi bang ka ngeal ciangin thukheal memeang nong sa uh ziam? Hi bangin ngealnate ka nei ciangin keima deina bek taw, “Hi hi,” le ci a, “Hi bo,” le a ci si tu in a om ka hi ziam? 18Pathian ii thumaan a son bang tatak ma in, note tungah kong kamciamna sia “Hi hi” cile “Hi bo” ci sia thu hi ngawl hi. 19Banghang ziam cile Silas, Timothy le keima ii kong hil Pathian Tapa Jesus Christ sia “hi” le “hi bo” ci khop tu hi ngawl hi; ama sia Pathian ii “Hi” a cisia pa ahi zaw hi; #Sawl 18:5 20Banghang ziam cile, Pathian kamciam theampo tungah “Hi” a ci pa ahi hi. Hi thu hangin Jesus Christ tungtawnin, Pathian minthanna ah “Amen” ka ci uh hi. 21Note taw kingawm in kote Christ taw kipawl khawm a, ih nuntakna hong kipsak sia in Pathian hi a; eite hong tuam koisia Pathian ma hi in, 22ama ii neisa ka hina uh kote tungah tepteena hong koi zo a, eite atu hong koikholsak na theampo a kipsakna in eite thinsung ah Thaa Thiangtho hong pia pa in ama ahi hi.
23Keima tetti tu in Pathian ka sam hi — ama in ka thinsung hong he hi! Corinth khua ah kong pai ngawlna sia note kong maapna hizaw hi. 24Na up hamtang tu uh thu sia hamtangin kong sawl buatu uh a, na upna uh kip hi ci in kong he uh hi. Noma lungdam natu in note taw na a seam khawm ka hizaw uh hi.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Siyin Chin Bible © Bible Society of Myanmar, 2016