Hecho 20
20
Pablo Macedonianea mãɨnepa Greciadea wãna
1Mãɨya k'ĩruupik'a para bak'ari itu bɨdak'ari Pablopa chi Jesude ĩjãapataɨrã t'ɨ̃k'oak'ari ãchi ome pedeasima Tachi Chiparide pia ĩjãanamẽrá. Maapae wãyane ak'ari Macedonia tuadea wãsima.#20:1 Griego pedeade chi eda waapẽarã k'art'ade bɨ bɨma: orek'oasima. 2Ãarea mãɨ tuade p'ɨrrɨa nipaside ũpẽarã k'aripapachima Tachi Chiparide pia ĩjãanamẽrá.#20:2 Pablo ãyo aba ya estarik'a Macedonia tuade basima. Mãɨne k'art'a 2 Corinto apataɨ bɨsima. Maapae Grecia tuade chesima. 3Mãma jedek'o ũpea basima. Pablo Siria tuadea p'ãp'orrode wãi paside k'awasima judiorãpa ichi piawẽa oodai k'orea pedea ausidama. Mãɨpuru Macedonia tuade p'asa wãsima. 4Ichi ome nãɨrã Asia tuadea wãsidama: chi Berea p'uurudepema Pirro warra Sópater, Tesalónica p'uurudepema Segundo mãɨnepa Aristarco, Derbe p'uurudepema Gayo; mãɨnepa Asia tuadepema Tík'ik'o mãɨnepa Tróp'imo. Timoteo sida ichi ome wãsima.#20:4 Asia tuadea. Griego pedeade chi eda waapẽarã k'art'ade mãɨ newẽma. 5Mãɨ ũpẽarã tai naa wãnak'ari Troa p'uurude nɨ p'anasidama. 6P'ana ooropiparí newẽa k'opataɨ ewari pak'ari tai P'ilipo p'uurudepa p'ãp'orrode wãsidama. Ewari k'ak'o joesomaane ãchi ome Troa p'uurude chi unusidama. Mãma ewari k'ak'o siete p'aneesidama.
Troa p'uurude tuanana
7Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea.#20:7 Chi Tachi Chiparidepema k'ɨ̃risiapataɨ nek'opataɨ k'odai k'orea. Griego pedeade nãɨya bɨ bɨma: p'ana t'oet'aadak'ari k'osidama. Luca 22:19-20; Hecho 2:42; 1 Corintio 11:23-26. Mãɨne Pablopa jaratea basima. Norema wãi bɨ pẽra waa teamasi estarik'a pedeasima. 8Tai chi te ɨt'ɨ pará bɨmá ará p'anasidama. Ĩpira minachia k'oa nɨbasima. 9Mãɨne k'ũtã́ Eutico apataɨ tajatá ak'ɨpataɨde suak'abari basima. Pablo tãaraa pedea bɨ pẽra mãɨ k'ũtã́ tap'ok'eapa k'ãi beesima. Mãɨya bɨde chi te k'ɨda k'ak'o ũpeaɨdepa jeedaa baewãsima. Ichi jɨrɨde wãsidaɨde, mãɨ piubari bɨt'a unusidama. 10Pablo edá wãk'ari chi k'ũtã́ ɨ̃rɨ sĩraporode bedabari k'obeek'ari oresima. Mãɨne jarasima:
—P'erarãt'ɨ. Ichi chok'ae bɨma.
11Pablo mãicha tede eda wãk'ari chi Tachi Chiparidepema k'ɨ̃risiapataɨ nek'opataɨ k'odai k'orea ãchi ome k'osima. Maapae ãsaparudea mãicha pedea bak'ari wãsima. 12Chi k'ũtã́ ichi tedea chok'ae ateewãsidama. Mãɨpuru ãareaɨrã arapá tuaneesidama.
Troa p'uurudepa Mileto p'uurudea wãnana
13Pablo Asó p'uurudea jĩte wãi k'ɨ̃risiasima. Maamina tai p'ãp'orrode naa wãpisima. Mãma ichi batooyade asima. Tai ara mãɨne wãsidama. 14Asode Pablo tai ome ará ununak'ari p'ãp'orrode batoosima. Maapae Mitilene p'uurudea wãsidama. 15Mãmãɨpa wãnak'ari norema Quío ĩjũa p'ɨrra bɨ k'ĩrari chesidama. Norema Samo p'uurude chesidama. Maapae Trogiliodea wãnak'ari, norema Mileto p'uurude chesidama.#20:15 Trogiliodea wãnak'ari. Griego pedeade minachia k'art'ade mãɨ newẽma. 16Pablo Asia tuade tãaraa baemaapa Ép'eso p'uurude wãwẽa p'asa wãsima. Ichi isapea Jerusalene che k'ɨ̃ria basima, p'ue cherupara, Pentecosté ewaride mãma bai k'orea.
Pablopa ũpẽarã Ep'esodepemarã́ pedeada
17Mileto p'uurude bɨde Pablopa chi Ep'esodepema ũpẽarã ak'ɨpataɨrã t'ɨ̃pisima. 18Ichimá chesidaɨde Pablopa jarasima: «Mãrapa k'awa p'anɨma mɨ nãɨ Asia tuade chesiedapema sãmaasã́ mãra t'ãena bapachit'a. 19Mɨa chi Tachi Chiparipa k'ɨ̃ria bɨt'a oo baside, chi atepe bait'a k'ɨ̃riaé pasima. Edaɨde jẽa bapachima mãɨnepa judiorãpa mɨ piawẽa oo k'ɨ̃ria p'anana pẽra mĩa bapachima. 20Maamina mɨa ãareaɨrã k'ĩrari mãɨnepa mãra techa mãra k'aripai k'orea jaratea bapachima. Mi ãpia pida jarateai amaa bak'a pasima. 21Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.
22»Naapae Tachi Ak'õre Jaorepa mɨ wãpi bɨ pẽra, Jerusalenea wãipɨ.#20:22 Tachi Ak'õre Jaorepa mɨ wãpi bɨ pẽra. Griego pedeade mãɨpa ichiaba jara bɨma: «mɨ jaorede wãi bɨt'a k'awa bɨ pẽra». Maamina mɨa atua bɨma jãma mɨ k'ãre ne baeit'a. 23Abapuru k'awa bɨma Tachi Ak'õre Jaorepa mɨá k'awapi bɨma p'uurucha mɨ mĩa bait'a mãɨnepa mɨ jɨ̃a nɨbɨ bait'a. 24Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma.#20:24 Chi eda waapẽarã k'art'ade griego pedeade bɨ bɨma: mɨ sõpia arapá jõma p'ira wãipɨ. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.
25»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a. 26-27Mɨa ne wap'eawẽa Tachi Ak'õrepa mãra pae oo k'ɨ̃ria bɨt'a ãarea pia jara bapachima. Mãɨpuru idi mɨa jararuma: abaɨ atuaipɨra, mɨ nepɨra newẽma.
28»Tachi Ak'õrepa ichi Warra oadepa ẽpẽerã ichi pae atasima.#20:28 Tachi Ak'õrepa ichi Warra oadepa. Griego pedeade chi eda waapẽarã k'art'ade bɨ bɨma: Tachi Chiparipa ara ichi oadepa. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ. 29Mɨa k'awa bɨma mɨ wãk'ari ẽpẽra k'achiarã usa k'achia jĩra mãra t'ãena chedaipɨ chi ũpẽarã ãyá wãpidai k'orea. 30Ara machidepemarã pida sea jarateadaipɨ Jesude ĩjãapataɨrã ãyá wãnamẽrá. 31Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.
32»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.
33»Mɨa chĩara p'arat'a, nee wa chi neet'á ara mɨ pae k'ɨ̃riaé pasima. 34Mãrapa minachia k'awa p'anɨma ara mɨ juapa mimiasit'a, chi mɨa uru bai bɨt'a ata bai k'orea mãɨnepa chi mɨ ome p'ɨrrɨapataɨrã́ teai k'orea. 35Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».
36Mãɨya jarak'ari Pablo sĩraporode k'obeek'ari ãarea ãchi ome Tachi Ak'õrea ɨt'aa chiidisima. 37Maapae pia wãpidai k'orea ãareaɨrã minachia jẽa p'anɨpa Pablo oredak'ari uitarrade sõsidama. 38Minachia sõk'achia p'aneesidama, waa ununaiwẽane ada pẽra. Maapae ichi ome p'ãp'orrodea wãsidama.
S'ha seleccionat:
Hecho 20: tdc
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.
Hecho 20
20
Pablo Macedonianea mãɨnepa Greciadea wãna
1Mãɨya k'ĩruupik'a para bak'ari itu bɨdak'ari Pablopa chi Jesude ĩjãapataɨrã t'ɨ̃k'oak'ari ãchi ome pedeasima Tachi Chiparide pia ĩjãanamẽrá. Maapae wãyane ak'ari Macedonia tuadea wãsima.#20:1 Griego pedeade chi eda waapẽarã k'art'ade bɨ bɨma: orek'oasima. 2Ãarea mãɨ tuade p'ɨrrɨa nipaside ũpẽarã k'aripapachima Tachi Chiparide pia ĩjãanamẽrá.#20:2 Pablo ãyo aba ya estarik'a Macedonia tuade basima. Mãɨne k'art'a 2 Corinto apataɨ bɨsima. Maapae Grecia tuade chesima. 3Mãma jedek'o ũpea basima. Pablo Siria tuadea p'ãp'orrode wãi paside k'awasima judiorãpa ichi piawẽa oodai k'orea pedea ausidama. Mãɨpuru Macedonia tuade p'asa wãsima. 4Ichi ome nãɨrã Asia tuadea wãsidama: chi Berea p'uurudepema Pirro warra Sópater, Tesalónica p'uurudepema Segundo mãɨnepa Aristarco, Derbe p'uurudepema Gayo; mãɨnepa Asia tuadepema Tík'ik'o mãɨnepa Tróp'imo. Timoteo sida ichi ome wãsima.#20:4 Asia tuadea. Griego pedeade chi eda waapẽarã k'art'ade mãɨ newẽma. 5Mãɨ ũpẽarã tai naa wãnak'ari Troa p'uurude nɨ p'anasidama. 6P'ana ooropiparí newẽa k'opataɨ ewari pak'ari tai P'ilipo p'uurudepa p'ãp'orrode wãsidama. Ewari k'ak'o joesomaane ãchi ome Troa p'uurude chi unusidama. Mãma ewari k'ak'o siete p'aneesidama.
Troa p'uurude tuanana
7Maapae chi naapema ewari tomione tai mãɨnepa chi waapẽarã Jesude ĩjãapataɨrã ará p'anasidama chi Tachi Chiparidepema k'ɨ̃risiapataɨ nek'opataɨ k'odai k'orea.#20:7 Chi Tachi Chiparidepema k'ɨ̃risiapataɨ nek'opataɨ k'odai k'orea. Griego pedeade nãɨya bɨ bɨma: p'ana t'oet'aadak'ari k'osidama. Luca 22:19-20; Hecho 2:42; 1 Corintio 11:23-26. Mãɨne Pablopa jaratea basima. Norema wãi bɨ pẽra waa teamasi estarik'a pedeasima. 8Tai chi te ɨt'ɨ pará bɨmá ará p'anasidama. Ĩpira minachia k'oa nɨbasima. 9Mãɨne k'ũtã́ Eutico apataɨ tajatá ak'ɨpataɨde suak'abari basima. Pablo tãaraa pedea bɨ pẽra mãɨ k'ũtã́ tap'ok'eapa k'ãi beesima. Mãɨya bɨde chi te k'ɨda k'ak'o ũpeaɨdepa jeedaa baewãsima. Ichi jɨrɨde wãsidaɨde, mãɨ piubari bɨt'a unusidama. 10Pablo edá wãk'ari chi k'ũtã́ ɨ̃rɨ sĩraporode bedabari k'obeek'ari oresima. Mãɨne jarasima:
—P'erarãt'ɨ. Ichi chok'ae bɨma.
11Pablo mãicha tede eda wãk'ari chi Tachi Chiparidepema k'ɨ̃risiapataɨ nek'opataɨ k'odai k'orea ãchi ome k'osima. Maapae ãsaparudea mãicha pedea bak'ari wãsima. 12Chi k'ũtã́ ichi tedea chok'ae ateewãsidama. Mãɨpuru ãareaɨrã arapá tuaneesidama.
Troa p'uurudepa Mileto p'uurudea wãnana
13Pablo Asó p'uurudea jĩte wãi k'ɨ̃risiasima. Maamina tai p'ãp'orrode naa wãpisima. Mãma ichi batooyade asima. Tai ara mãɨne wãsidama. 14Asode Pablo tai ome ará ununak'ari p'ãp'orrode batoosima. Maapae Mitilene p'uurudea wãsidama. 15Mãmãɨpa wãnak'ari norema Quío ĩjũa p'ɨrra bɨ k'ĩrari chesidama. Norema Samo p'uurude chesidama. Maapae Trogiliodea wãnak'ari, norema Mileto p'uurude chesidama.#20:15 Trogiliodea wãnak'ari. Griego pedeade minachia k'art'ade mãɨ newẽma. 16Pablo Asia tuade tãaraa baemaapa Ép'eso p'uurude wãwẽa p'asa wãsima. Ichi isapea Jerusalene che k'ɨ̃ria basima, p'ue cherupara, Pentecosté ewaride mãma bai k'orea.
Pablopa ũpẽarã Ep'esodepemarã́ pedeada
17Mileto p'uurude bɨde Pablopa chi Ep'esodepema ũpẽarã ak'ɨpataɨrã t'ɨ̃pisima. 18Ichimá chesidaɨde Pablopa jarasima: «Mãrapa k'awa p'anɨma mɨ nãɨ Asia tuade chesiedapema sãmaasã́ mãra t'ãena bapachit'a. 19Mɨa chi Tachi Chiparipa k'ɨ̃ria bɨt'a oo baside, chi atepe bait'a k'ɨ̃riaé pasima. Edaɨde jẽa bapachima mãɨnepa judiorãpa mɨ piawẽa oo k'ɨ̃ria p'anana pẽra mĩa bapachima. 20Maamina mɨa ãareaɨrã k'ĩrari mãɨnepa mãra techa mãra k'aripai k'orea jaratea bapachima. Mi ãpia pida jarateai amaa bak'a pasima. 21Judiorã́ mãɨnepa judiorãwẽa mɨa jarasima nemietá oopataɨ itu bɨdak'ari Tachi Ak'õremá chedamẽrá mãɨnepa tachi Chipari Jesucristode ĩjãanamẽrá.
22»Naapae Tachi Ak'õre Jaorepa mɨ wãpi bɨ pẽra, Jerusalenea wãipɨ.#20:22 Tachi Ak'õre Jaorepa mɨ wãpi bɨ pẽra. Griego pedeade mãɨpa ichiaba jara bɨma: «mɨ jaorede wãi bɨt'a k'awa bɨ pẽra». Maamina mɨa atua bɨma jãma mɨ k'ãre ne baeit'a. 23Abapuru k'awa bɨma Tachi Ak'õre Jaorepa mɨá k'awapi bɨma p'uurucha mɨ mĩa bait'a mãɨnepa mɨ jɨ̃a nɨbɨ bait'a. 24Maamina mãɨ k'orea mɨa minachia k'ɨ̃risiak'ama, mɨ pia bai jɨrɨwẽa bɨ pẽra. Abapuru chi Tachi Chipari Jesupa mɨá oopi bɨt'a mãɨ ãarea oo k'ɨ̃ria bɨma.#20:24 Chi eda waapẽarã k'art'ade griego pedeade bɨ bɨma: mɨ sõpia arapá jõma p'ira wãipɨ. Mãɨpuru chi pedea pia Tachi Ak'õrepa ichi sõpiadepa k'aripa bɨ k'orea mɨa pedea baipɨ.
25»Tachi Ak'õrepa ichidirã ichi juade ua p'anɨ k'orea mɨa mãɨ mãrá jara bapachima. Maamina naapae k'awa bɨma mãrapa mɨ waa ununaiwẽt'a. 26-27Mɨa ne wap'eawẽa Tachi Ak'õrepa mãra pae oo k'ɨ̃ria bɨt'a ãarea pia jara bapachima. Mãɨpuru idi mɨa jararuma: abaɨ atuaipɨra, mɨ nepɨra newẽma.
28»Tachi Ak'õrepa ichi Warra oadepa ẽpẽerã ichi pae atasima.#20:28 Tachi Ak'õrepa ichi Warra oadepa. Griego pedeade chi eda waapẽarã k'art'ade bɨ bɨma: Tachi Chiparipa ara ichi oadepa. Tachi Ak'õre Jaorepa mãra bɨsima ũpẽarã ak'ɨ p'ananamẽrá. Mãɨpuru ara mãra tuaba minachia jĩrak'aua p'anat'ɨ mãɨnepa Tachi Ak'õre warrarã ãarea ak'ɨ p'anat'ɨ. 29Mɨa k'awa bɨma mɨ wãk'ari ẽpẽra k'achiarã usa k'achia jĩra mãra t'ãena chedaipɨ chi ũpẽarã ãyá wãpidai k'orea. 30Ara machidepemarã pida sea jarateadaipɨ Jesude ĩjãapataɨrã ãyá wãnamẽrá. 31Mãɨpuru jĩrak'aua p'anat'ɨ. K'ɨ̃risiat'ɨ mɨa ãyo k'ak'o ũpea, ãst'á mãɨnepa teamasi jẽa bɨpa machicha chi sea jarateapataɨrã k'orea ũraa basit'a.
32»Naapae, mɨa mãra Tachi Ak'õre juade bɨipɨ. Ichi sõpiadepa tachi k'aripa bɨ k'orea pedea k'ɨ̃risiat'ɨ. Ichi sõpiadepa jua chaarea teaparima mãrapa pia ĩjãanamẽrá. Chi ichia teai jaradat'a ichi sõpiadepa mãrapa mãɨnepa ãarea chi ichi pae pia bɨdarãpa mãɨ jitadaipɨ.
33»Mɨa chĩara p'arat'a, nee wa chi neet'á ara mɨ pae k'ɨ̃riaé pasima. 34Mãrapa minachia k'awa p'anɨma ara mɨ juapa mimiasit'a, chi mɨa uru bai bɨt'a ata bai k'orea mãɨnepa chi mɨ ome p'ɨrrɨapataɨrã́ teai k'orea. 35Ãarea mɨa oodadepa mãrá k'awapisima ɨbɨa mimia p'anɨnepa chichupuria k'ede k'aripadai p'anɨt'a. K'ɨ̃risiadai p'anɨma Tachi Chipari Jesupa nãɨya jarasit'a: “Piipará bɨma abaɨa ne teait'a chi mãɨ jitai k'aepẽra”».
36Mãɨya jarak'ari Pablo sĩraporode k'obeek'ari ãarea ãchi ome Tachi Ak'õrea ɨt'aa chiidisima. 37Maapae pia wãpidai k'orea ãareaɨrã minachia jẽa p'anɨpa Pablo oredak'ari uitarrade sõsidama. 38Minachia sõk'achia p'aneesidama, waa ununaiwẽane ada pẽra. Maapae ichi ome p'ãp'orrodea wãsidama.
S'ha seleccionat:
:
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active), Wycliffe Bible Translators, Inc. All rights reserved.