GARA WARRA ROOMAA 15
15
Warra Kaan Gammachiisuun Of Gammachiisuu Dura Bu'uun Akka Ta'u
1Nuyi warri dubbii amantiitti jajjaboo taane, dadhabbii warra dadhabootaa baachuutu nuuf ta'a malee, ofii keenya gammachiisuudhaaf dhama'uu miti*. 2Nu keessaa adduma addaan isa kaaniif gaarii akka ta'uuf, jireenya tokkummaas akka ijaaruuf nama haa gammachiisu*! 3Kristos immoo, isa caaffanni qulqullaa'aan, ?Arrabsoon ittiin si arrabsan ana irra bu'e? jedhutu isa irratti raawwatame malee, inni ofii isaa hin gammachiifne*. 4Nuyi obsaa fi jajjabina caaffanni qulqullaa'oon nuuf kennaniin abdii akka argannutti, wanti caaffata qulqullaa'oo keessatti caafaman hundinuu nu barsiisuuf caafaman*. 5Waaqayyo inni obsaa fi jajjabina namaaf kennu immoo, fakkeenya Kristos Yesus duukaa buutanii, walii galtee akka qabaattaniif isin haa dandeessisu*. 6Yaada tokkos qabaattanii, sagalee tokkichaan Waaqayyoon abbaa gooftaa keenyaa Yesus Kristos akka galateeffattaniif isin haa gargaaru*!#1 14:1-2; 1Qor 9:22 2 14:19; 1Qor 9:19; 10:24,33; 1Tas 5:11 3 Yoh 8:50; Far 69:9 4 4:23-24; 1Qor 10:11; 2Xim 3:16 5 12:16; Filp 2:2 6 HoE 4:24
Wangeelli Warra Yihudoota Hin Ta'iniifis Kennamuu Isaa
7Egaa akkuma Kristos ofitti isin qabe, isinis Waaqayyoon galateeffachiisuuf akka ta'utti, inni tokko isa kaan ofitti haa qabu*. 8Kristos amanamummaa Waaqayyoo argisiisuudhaaf, kanaanis abdii Waaqayyo abbootaaf kenne cimsuudhaaf, hojjetaa Yihudoota warra seera dhagna-qabaa eeganii akka ta'e isinittan hima*. 9Akkasumas saba Yihudootaa warri hin ta'in, araara isaatiif Waaqayyoof ulfina akka kennaniif hojjetaa isaaniif ta'e. Akkuma caafamee jiru,
?Kanaafis ani saba Waaqayyoo warra hin ta'in gidduutti sin galateeffadha,
maqaa kees nan faarfadha? jedha*.
10Ammoo, ?Isin saba Waaqayyoo warri hin ta'in,
saba isaatii wajjin gammadaa!? jedhameera*.
11Ammas immoo,
?Isin saba Waaqayyoo warri hin ta'in
hundumti keessan, goofticha galateeffadhaa!
Sabni hundinuus isa haa galatteeffatan*!?
12Isaayaas immoo itti dabalee,
?Hidda Iseyi keessaa tokko dhufuuf jira,
inni warra saba Waaqayyoo hin ta'in
bulchuudhaaf in ka'a;
warri saba Waaqayyoo hin ta'inis
abdii isaanii isa irra in kaa'atu? jedhe*.
13Humna hafuura qulqulluutiin abdiitti guddachaa akka adeemtanitti, Waaqayyo inni abdii namaaf kennu, isatti amanuu keessaniin gammachuu fi nagaa hundumaan isin haa guutu*!#7 14:1 8 Mat 15:24; 20:28; HoE 3:25 9 2Sam 22:50; Far 18:49 10 Kes 32:43 11 Far 117:1 12 Isa 11:1,10; Mat 12:21; Mul 5:5 13 5:1-2
Sababii Akkasitti Caafeef Mul'isuu Isaa
14Yaa obboloota ko! Ani ofii kootii gaarummaa guutuu akka qabdan, beekumsa hundumaan akka isin guutamtan, wal gorsuus akka isin dandeessan, mama tokko malee hubadheera*. 15Garuu ayyaanni Waaqayyo biraa waan anaaf kennameef, waa'ee waan tokko tokkoo isin yaadachiisuudhaaf caalaa ija jabinaan isiniif caafeera*. 16Ani warra saba Waaqayyoo hin ta'iniif hojjetaa Kristos Yesus ta'ee, wangeela Waaqayyoof akka lubaatti hojjechuudhaaf ayyaana argadheera; akkasittis warri saba Waaqayyoo hin ta'in, hafuura qulqulluudhaan addaan baafamanii, akka aarsaatti Waaqayyo duratti akka fudhatamaniif isaaniif nan hojjedha*. 17Egaa karaa Kristos Yesus, ani hojiin amma Waaqayyoof hojjedhu kanaan kooruudhaaf sababii qaba*. 18Kristos warra saba Waaqayyoo hin ta'in Waaqayyoof abboomsisuudhaaf, harka kootiin waan raawwate duwwaa dubbachuudhaaf ija nan jabaadha; kanas waanan dubbadhee fi waanan hojjedheen raawwate*. 19Kan inni raawwates humna milikkitootaa fi dinqii baay'eetiin, humna hafuura qulqulluutiinis ture; kanaafan Yerusaalemii jalqabee naanna'ee hamma Iliiriqumitti guutummaatti wangeela Kristos lallabuu danda'e*. 20Hundee namni kan biraa jalqabe irratti akkan hin hojjenneef immoo, lafa takkaa maqaan Kristos hin dhaga'aminitti malee, wangeela akkan hin lallabne murtoo godheera*. 21Akkuma caafame iyyuu,
?Isaan isa takkaa waa'een isaa
isaanitti hin himamin in argu;
isa takkaa waa'ee isaa hin dhaga'inis
in hubatu? jedha*.#14 Filp 1:9 15 1:5; 12:3 16 11:13; 12:1; Filp 2:17 17 2Qor 1:12-14 18 1:5; 2Qor 3:5; 4:5 19 Mar 16:17; HoE 14:3; 2Qor 12:12 20 2Qor 10:15-16 21 Isa 52:15
Akeeka Roomaa Dhaquu Isaatii Mul'isuu Isaa
22Sababii kanaaf yeroo baay'ee isin bira dhufuun anaaf hin danda'amne*. 23Amma garuu naanna'aa kanaa hojii hafe waanan hin qabneef, dhufee isin arguudhaafis waggaa baay'ee hawwaa waanan tureef*, 24yeroo ani Isphaaniyaa dhaquudhaaf achiin darbu isin argee, takka isinitti gammadee, karaa koo irra akka na buuftan nan abdadha. 25Amma garuu warra Waaqayyoof qulqullaa'aniif gargaarsa fuudhee Yerusaalem dhaquu koo ti*. 26Warri Maqedooniyaa fi warri Akaayyaa, hiyyeessota Yerusaalemitti warra Waaqayyoof qulqullaa'an gidduutti argamaniif, waan tokkummaa isaanii ittiin mul'isan buusuudhaaf jaallataniiru*. 27Isaan warri Yihudoota hin ta'in kun jaalala isaaniitiin kana godhan; karaa tokko immoo kun waanuma gochuun isaan irra jiru ture; erga warri Yihudootaa eebba hafuuraa isa Waaqayyo irraa argatan warra Yihudoota hin ta'inii wajjin hirmaatanii, warri Yihudoota hin ta'inis waan jireenya fooniitiif argataniin warra Yihudootaa gargaaruun isaan irra jira*. 28Ani hojii kana raawwadhee, horicha isaaniif walitti qabame sanas amanamummaadhaan eegee ergan itti kennee, karaa keessan darbee Isphaaniyaa dhaquudhaaf nan adeemaa. 29Yeroon dhufus, eebba Kristos guutummaatti isiniif fidee akkan dhufu anuu beeka*.#22 1:13 23 1:10-11 25 HoE 18:21; 19:21; 20:22; 24:17 26 HoE 11:29; 1Qor 16:1; 2Qor 8:1-4 27 9:14; 1Qor 9:11 29 1:11
30Yaa obboloota ko gooftaa keenya Yesus Kristosiin, jaalala hafuurri qulqulluun nuuf kenneenis, isin anaa wajjin dhimmitanii Waaqayyoon akka anaaf kadhattaniif isinittan himadha*. 31Yihudaa keessatti miidhaa warra hin amannee akkan ooluuf, warri Waaqayyoof qulqullaa'an gargaarsa ani Yerusaalemitti geessu gammachuudhaan akka fudhataniif, Waaqayyoon anaaf kadhadhaa*! 32Ani immoo, jaalala Waaqayyoo yoo ta'e gammachuudhaan isin bira nan dhufa, isinii wajjin wal arguudhaanis yaadni koo in boqota*. 33Waaqayyo inni nagaa kennus hunduma keessan bira haa jiraatu! Ameen*!#30 2Qor 1:11; Efe 6:18-19; Filp 1:27; 2Tas 3:1 31 HoE 21:11,27; 2Tas 3:1-2 32 1:10 33 16:20; 1Tas 5:23; 2Tas 3:16
S'ha seleccionat:
GARA WARRA ROOMAA 15: MacQul
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
(C) The Bible Society of Ethiopia, 1997; OROMO LATIN BIBLE BSE-UBS 26M 2006.