रोमि 6
6
विस्वासि लोकुरक पापता संबन्दते हातोरक अनि येसु मसिना विस्वासता कारण जिवित मन्तोरक।
1ते परमेस्वरना दया बरसोर मनि इन्जोर बाताल माक पाप किसोरे मनकाट इदाम निमाट विचार किसोरिन मन्तोरिट बहे? बसकेय आयो! 2माक पापता संबन्दते हातोम इन्जोर हाता ओद पापता संबन्दते माक असा बदाम जिवेमायिकोम? 3येसु मसिनासंग उन्दि आयान साटि बपतिस्मा येतितोरक माक सबोय लोकुरक ओना हायानाता वने संबन्द आयान साटि बपतिस्मा येतितोर इन्जोर बाताल निमाट पुनविट बहे? 4इन्जोर ओना हायानासंग संबन्द आतु ओद बपतिस्माते माक वने ओनासंग मिसितुरक; बाक्याकि बदाम परमेस्वर आपुना महिमाता द्वारा मसिन हातोरिगाडाल जिवेहकितुर अदामे माकुन वने उन्दि पुनाल जिवन पुटान साटि मन्ता#कुलु २:१२।
5बाक्याकि माक येसु मसिना हायानातासंग उन्दि आस मतोरोम ते खरोय माक ओना असा जिवेमायानातिगा वने ओनासंग उन्दि आस मनकाट। 6माक असा पापता दास मनोम आयकोम इन्जोर पापते निन्दिता मावा मेन्दुल नाश आयान साटि मावा जुनाल पापि स्वभावता मानेय मसिनासंग कुरुसतिगा अन्जिहतोर इन्जोर माक पुन्तोरोम। 7बाक्याकि इदाम बोर येसु मसिनासंग हातुर ओर पापता अदिकारताल लेहचितुर।
8बाक्याकि माक मसिनासंग हातोम इन्जोर माक ओनासंग जिवे वने मायकोम इदाम मावा विस्वास मन्ता। 9हातोरिगाडाल जिवेमातोर ओर मसि असा हायोर अनि ओनागा हायानाता अदिकार बसकेय ताको आयार इन्जोर माक पुन्तोरोम। 10ओर पापता अदिकारतुन मारहान साटि उन्दि बेरा हातुर; मति ओर इदेक जिवित मन्तोर ओद परमेस्वर साटि जिवित मन्तोर।
11अदामे मिया वने पापता संबन्दते हातु अनि पापता बोदे परिक्षा मावागा अदिकार हिले इन्जोर विचार किस इदेक निमाट येसु मसिनिगा केवल परमेस्वर साटि जिवित मन्तोरोम इदाम समजेमाम्ट। 12इन्जोर निमाट पापता इच्चाता अनुसार ताकमाट इन्जोर मिया नाश आयवाल मेन्दुलतिगा पाप बसकेय अदिकार केमाकिर। 13अनि आपुना मेन्दुलतुन पापता बुतो किस पापता सेवा साटि सोपे केमाट। मति माक हातोरिगाडाल असा जिवेमातोम इदाम समजेमास मिकुन परमेस्वरतुन सोपे किम्ट। अनि आपुना मेन्दुलतुन दारमिकताता सेवाता सादनता रुपते परमेस्वरतुन सोपे किसिम्ट। 14निमाट मूसाना नियमता मदतते आयो मति परमेस्वरना दयाता मदतते जिवेमान्तोरिट इन्जोर मियागा पापता अदिकार ताको आयार।
माक दारमिकताता दास मन्तोरोम
15ते माक बाताल कियाकाट? बाक्याकि माक मूसाना नियमता अदिकारते आयो मति परमेस्वरना दयाता अदिकारते जिवेमान्तोरोम इन्जोर बाताल माक पाप किसोर मनकाट? बसकेय आयो! 16बसकेय निमाट बोनाय आग्या मानेमायान साटि आपुनतुन दासता रुपते ओन सोपे किन्तोरिट ते निमाट ओना दास मन्तोरिट इन्जोर बाताल निमाट पुनविट? हायान साटि पापतुन मानेमान्तोरिट या परमेस्वरना मुने येताना योग्य ठहरे मायान साटि परमेस्वरतुन मानेमान्तोरिट। 17मति निमाट पापतोर दास मतोरिट ते वने माक करिहता उपदेशतुन पुरा मन्दे निमाट पालन किस, 18पापताल मुक्ति पुटतु अनि निमाट दारमिकातातोर सेवक बनेमातिट इन्जोर परमेस्वरना धन्यवाद मन्ता।
19नना मिया मेन्दुलता कमजोरिता कारण मानेयता रितिते इन्तोना। निमाट आपुना मेन्दुलतुन व्यभिचार अनि सबोय प्रकारता खराब बुतोता दास इन्जोर मुने सोपेकिस मतोरिट। अदामे इदेक आपुना मेन्दुलतुन पवित्रता साटि दारमिकताता दास इन्जोर सोपेकिम्ट। 20निमाट पापता दास मन्दिट असके परमेस्वरना इच्चाता अनुसार खरोय पोल्लोंग किया परवि आन्दिट। 21निमाट विचार कियाना बेरा लज्जा वान्ता ओद पाप कियानाता फायदा बाताल मता? बारायि फायदा हिले आसि। अदेना फायदा हायाना मन्ता#६:२१ इगा हयाना मन्जे परमेस्वरताल अलग आस लक मन्दाना।
22मति इदेक पापताल स्वतन्त्र आस अनि परमेस्वरना दास आयानाता कारण निमाट पवित्रतातुन पुटिहतोरिट। अदेना परिणाम अनन्त जिवन मन्ता। 23इन्जोर पापता मजदुरि हायाना मन्ता#६:२३ इगा हयाना मन्जे परमेस्वरताल अलग आस लक मन्दाना मति परमेस्वरना वरदान मावोर प्रबु येसु मसिना द्वारा पुटता अनन्त जिवन मन्ता।
S'ha seleccionat:
रोमि 6: fmu
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.