रोमि 12
12
निमाट आपुना जिवन परमेस्वरना सेवा साटि सोपेकिम्ट
1ते नावोर बायि-दादालोरक, परमेस्वर मावा सबोयलोरकुन दया कितोर इन्जोर निमाट आपुना जिवनतुन उन्दि बलिदान लेहका परमेस्वरतुन सबोय रितिते सोपे किस परमेस्वर साटि पवित्र अनि गिरदा आयार इदाम जिवन जिवेमाम्ट। इदे परमेस्वरना आरादना कियाना मिया खरोय रिति मन्ता इन्जोर नना मिकुन विनन्ति किन्तोना। 2अनि निमाट इद सन्सारता लोकुरक लेहका बनेमायमाट मति परमेस्वरतुन मिया मन्दुन बदले किया हिम्ट। अनि ओर मिकुन पुनाल मानेय बनेकियानुर असके परमेस्वर साटि सोबाय अनि ओना गिरदा कियाना बुतो बाताल मन्ता इन्जोर मिया बारेता ओना सबोय इच्चातुन मिकुन समजेमायार।
3परमेस्वर नाकुन दयाकिस मिया साटि लोहतोर इन्जोर नना निमाट सबोय लोकुरकुन इन्तोना, निमाट आपुनतुन खरोय रितिते समजेमाम्ट मन्जे निमाट बचोन लायक मन्तोरिट अदेनताल आपुना हजोरपण तोहमाट। मति परमेस्वर सबोय लोकुरकुन बचोन विस्वास हितोर अदेना अनुसार आपुनतुन समजेमाम्ट। 4माक सबोय लोकुरा आप आपुना उन्दिय मेन्दुल मन्ता अनि मेन्दुलता अलग अलग भाग मन्तांग अनि ओव सबोय भागता बुतो अलग अलग मन्ता#१ कुरि १२:१२ । 5अदामे माक सबोय विस्वासि लोकुरक अलग अलग लोकुरक मन्तोरोम मति मसिना संबन्दते मसिहा माकुन उन्दि कितुर इन्जोर माक सबोय लोकुरक उन्दि मेन्दुल लेहका मन्तोरोम। अनि सबोय लोकुरक ओद मेन्दुलता अलग अलग भाग मन्तोरक अनि सबोय भागता वरोर दुसरोनासंग संबन्द मन्ता। 6अनि परमेस्वर माकुन दयाकिस अलग अलग प्रकारता वरदान हितोर। इन्जोर बोरकुन परमेस्वरना पोल्लो वेहाना वरदान पुटता ओर आपुनतुन पुटता विस्वासतासंग परमेस्वरना पोल्लो वेहिर#१ कुरि १२:४-११। 7अनि बोनाय वरोर दुसरोना सेवा कियाना वरदान पुटता ते ओर दुसरोन सोबाय सेवाकिसोर मनिर। अनि बोने करहाना वरदान पुटता ते ओर सोबाय करहिचोर मनिर।
8अनि बोने हिमत हियाना वरदान पुटता ते दुसरो लोकुरकुन हिमत हिसोर मनिर। अनि बोने दान दरम कियाना वरदान पुटता ते ओर दुसरो लोकुरकुन उदारताते दान दरम किसोर मनिर, अनि बोने ताकिहवाल आयाना वरदान पुटता ते ओर आपुना बुतो गिरदाते केविर। अनि बोने दया कियाना वरदान पुटता ते ओर गिरदाते दया किसोर मनिर। 9निमाट वरोर दुसरोन खरोय मन्दे मया किम्ट। खराब बुतोतुन विरोद किम्ट अनि सोबाय बुतोतुन गिरदाते किसोर मन्ट। 10निमाट वरोन दुसरोन हेलाळ तमोना लेहका मया किसोर मन्ट अनि आपुनताल दुसरोन पकाय महत्वतोर समजेमास ओरा आदर किम्ट। 11निमाट हलकायिते पुरा मन्दे प्रबुना सेवा किसोर मन्ट। 12निमाट आपुना आशाता बारेते गिरदा किम्ट अनि मिकुन सन्कट वायार असके हिमते मन्ट। अनि दरोज प्रार्थना किसोर मन्ट। 13अनि विस्वासि लोकुरकुन बोदायि जरुरत मन्ता ओरकुन मदत किम्ट अनि वरताहना स्वागत कियान साटि पकाय गिरदाते मन्ट।
14अनि मिकुन विरोद किन्तोर ओर लोकुरकुन सरापित केमाट ओरकुन आशिष पुटि इन्जोर परमेस्वरतुन प्रार्थना किम्ट#मत्ति ५:४४; लूका ६:२८। 15अनि बोर गिरदा आतोरक ओरासंग निमाट वने गिरदा आम्ट अनि बोर दुःखि मन्तोर ओरा दुःखतिगा निमाट वने संगत आम्ट#नीति ३:७। 16निमाट सबोय लोकुरासंग सोबाय संबन्द इराट, घमन्ड केमाट अनि दुसरो लोकुरक हुडलोर समजेमान्तोरक इदाम सबोय लोकुरासंग निमाट सोबाय संबन्द इराट, अनि केवल आपुनतुने बुद्धिमान समजेमायमाट।
17बोर मिकुन खराब किन्तोरक ओना वने खराब किस निमाट बदला येतमाट। अनि सबोय लोकुरा मुने बोद सोबाय मन्ता अदेने कियाना कोसिस किम्ट। 18मिया द्वारा बचोन आय परान्ता अचोन सबोय लोकुरासंग शान्तिते मन्ट। 19हे नावोर प्रिय बायि-दादालोरक, बोरायि मिया विरोद बाताले कितुर ते निमाट आपुनास अदेना बदला येतमाट मति परमेस्वरिन अदेना बदला येतिला हिम्ट बाक्याकि “बदला येताना नावा बुतो मन्ता। अनि नना अदेना बदला हियाका#व्यव ३२:३५” इन्जोर प्रबुना पोल्लोतिगा कोटता मन्ता। 20मति
“मिवोर दुश्मनतुन करवस मन्दार ते ओन तिन्दा हिम्ट
अनि ओन एर उन्दवस मन्दार ते ओन एर उहाट।
बाक्याकि इदाम कियाकिट ते ओर लज्जा आयनुर#नीति २५:२१-२२”
इदाम परमेस्वरना पोल्लोतिगा कोटता मन्ता।
21अनि मिया विरुद बोरे गलति किन्तोर ते ओना साटि गलति किस बदला येतमाट बाक्याकि निमाट इदाम किन्तोरिट ते गलति मियागा विजयि आन्ता, मति निमाट सोबाय बुतो किस ओरा खराब बुतोता पोरो विजय आम्ट।
S'ha seleccionat:
रोमि 12: fmu
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© (Active) Wycliffe Bible Translators, Inc. All rights reserved.