Izaiya 4
4
1Siku neno ahiyana atanu na ambinli anomuhinda mulombwana mmohive kawonge ira: <<Hiyo nnerege visakela jodja jehu na jowara jehu. So nnafuna niitaniwege ahiyanawo ira ukumihemo manyazo ehu okala adiye.>>#4:1 ahiyana atanu na ambinli anomuhinda mulombwana mmohi: Jatene ejo jafuna ireya na mwasa wa alombwana piwa kondoni. (Izaiya 3:25) Kahi yengo yapama mwasiwa Yesu ohowonga ira inafwanela mulombwana akayena muhiyanaye mmohive. (Matewuji 19:4-6)
Tambi ya Yehova
2Siku neno tambi ya Yehova#4:2 tambi ya Yehova inawongiwa gu Namatikeliwa afuna za, wenno unafwanyeya agali Yesu Kiristu. (Jeremiya 23:5, 33:15) inoza ikale yoriya, ya undimuwa. Jovaha jokumela teyani jinoza jikale hagalala no teteliwa wa atu ohala a Izarayeli. 3Atu ohala a Siyawu nari ohala a Jeruzalemu anno Yehova aasakunlre liye ira kakayena ingumi anaitaniwege atu otchena. 4Evo Nabwiya unoza ahuwe nsiro na anamwali a Siyawu. Unoza eto ahuwe sangiri navuviha akuda Jeruzalemu. Huwa uwa unokana makalelo otonga na makalelo otcheniha na munlo.
5Evale na ntana Yehova unohelawo murambo ira arungunuwe mwango Siyawu vanakala atwaye. Na mahiyu unohelawo utchi na malumi a munlo omoneya. Undimuwa wa Yehova unokala vazulu va jatene. 6Undimuwa waye unoza ukale muriti otawelavo zela kaha wa ntana eto unoza ukale nimburo norambela nipevo vamohi na votawela muzongwe.
S'ha seleccionat:
Izaiya 4: iLolo
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2018 Visão Integral