Izaiya 17
17
Mulugu unoza aanonge akuda Damaxiku na akuda Efarayimi
1Ula gu muselu owonga zela Damaxiku. <<Kaing'anani, sidadi ya Damaxiku kiza ikalawove eto inoza isanduwe ikale ndebe. 2Sidadi da Aroweri nnoza dihiyiwe, disanduwe dikale modja mwa anavinyama, eto vinyama diwa nnagonege emo vahali mutu unafuna atu muova. 3Nimburo notawelamo nnafwanyeya muwari mwa ilambo ya Efarayimi kannakalawo. Eto ilambo ya Damaxiku kamuza mukala umwene. Atu anafuna hala ilambo ya Siriya anokala nnga Ana Izarayeli, atene kinakana votawela. Unawonga ejo gu miyo Yehova wa Makuru Matene.
4<<Siku neno undimuwa wa Jako unoza uyevihiwe, eto ruva waye unoza usanduwe ukale wonda. 5AIzarayeli anoza kakale nnga tirigu oimela arendiwaga, eto anokotoliwa nnga mutu akotolaga mangala na mandaye, eto anododiwa nnga mutu adodelaga mangala ohala ndabo na Refayina. 6Atu anafuna halamo anokala nnga mutu avosola mutengo wa azeti, unohalana jovaha mbinli owu taru tambi ya zulu-zulu. Owu hehi atu ohalamo anokala nnga jovaha nnayi owu tanu nnahala mutchindo muwa. Unawonga eji gu Yehova Mulugu wa Izarayeli.>>
7Siku neno atu anerege muona Namapandutcha wewa, meso ewa anerege muing'ana Mulugu Otchena wa Izarayeli. 8Aliwa kinaing'anege vibuwa da mikuto dasakanya atu. Nne kinaing'anege jasakanya atu na mandiwa nne mambozo a mulugu wewa Azera nne vibuwa dotumeyelavo jonukela. 9Siku neno sidadi dolimba dotawelamo da aIzarayeli nnoza dihiyiwe nnga madebe muguguruni nari vazulu va mwango. Sidadi dolimba dotawelamo nnoza dihiyiwe nnga mmikumani muhiyile akuda Kana na mwasa wa Ana Izarayeli kazaga wene mwilamboni mwewa. Ilambo yewa inoza itolotchiwe.
10Tchoira nyo aIzarayeli muhumudiwala Mulugu Nvulusi wenyu. Kammuumbuwenle wenno uli nibwe nenyu nolimba notawelamo. Nona masiki muzale mbewu dapama, masiki muzale tambi dikumile ilambo ya unde, 11masiki diulukule pama siku nozala, masiki dihinde pama mwagazanle fiyeda kana tondo diwa, siku nohanda nafiya, kinakuma yengo, eto siku nenne nnoza nikale siku na goyi na upa wohomala.
Amwidani anogondjihiwa
12Imala arutcha atu ohiyana-hiyana anno anakuwa. Kuwa wewa uli nnga kukuma wa bara! Kaing'anani tamanga wa malogo ohiyana-hiyana, anatamanga nnga mahindje a kopolo katamangaga. 13Malogo a atu anoza katamangege nnga tamanga wa mahindje madjindji. Mbwenye Mulugu unoza aasumulule eto aliwa anoza katawele olapela wene. Eto anoza katamangihiwe nnga malatchi anakala mwangoni anno anavava na nipevo, eto nnga tumbulru na nalripembezu nazaga. 14Tempu ya tchiguwo inokala yowopiha. Unde wahanatche atu atene kinaoneyegeve. Tchi imohive inafuna za aireyela atu ananiwaka jengo, na atu ananibela jengo jehu.
S'ha seleccionat:
Izaiya 17: iLolo
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2018 Visão Integral