Izaiya 15
15
Mulugu unoza aanonge akuda Mowabe
1Ula gu muselu owonga zela Mowabe. Na mwasa oira mwilamboni mwa Mowabe sidadi ya Ari yohogondjihiwa isi imohive, ilambo yatene ya Mowabe imala gwa. Na mwasa oira sidadi ya Kiri yohogondjihiwa isi imohive, ilambo yatene ya Mowabe imala gwa. 2Atu a Diboni anadowa nyumba da amilugu ewa, anadowa mamburo otama otamalela vikwamutu josema ira kanlege. Akuda Mowabe ananlela sidadi ya Nebo na sidadi ya Medeba. Miru datene dili mpalrave, eto ndevu datene dihimala satiwa. 3Kawendaga mmandila mwewa, anawara masakwi. Vanagarati atu vazulu va nyumba nari kakala varampani, kada mutu unotomola kuto, vinyetihaga na misodi mbwe-mbwe-mbwe. 4Atu a Ejiboni na Eleyale ananla mokuwa. Mazu ewa anavweya fiyeda ante Jaza. Na mwasa wenno anyakondo a Mowabe ananla mokuwa eto mirima diwa dihimala nyungulruwa.
5Na miyene nnonlela Mowabe.#15:5 Na miyene nnonlela Mowabe. Unanla eva gu namalremba Izaiya. Atu otawa kondoni anatawa Zowari ante Egalati-Selisiya. Anadowa kanlaga nkuma wa Luhiti. Eto murampani mwa Horonayimi ananla motweya murima. 6Mahindje a Nimirimi kohomala ummamo. Malatchi eto kohomala ummamo. Makupu kohomala nyalamo. Kamulive yomela yokana matakuru matiti. 7Na mwasa wenno akuda Mowabe anatawa, anatukula jokana jiwa jihanlena atu. Anafuna kalambuwena muhindje wa Mirele. 8Tchoira ilambo yatene ya Mowabe uli nlave. Nla waye unovweya ante Egalayimi fiyeda ante Bere-Elimi. 9Mahindje a sidadi ya Dimoni kohozala sangiri. Eto miyo Nabwiya nnafuna difiyihe jorutcha jimohi jiwa ilambo ya Dimoni. Nnoza dimurume podogoma ira amutakune mutu uli watene unafuna tawa Mowabe, nari ale anafuna kahale mwilamboni mule.
S'ha seleccionat:
Izaiya 15: iLolo
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
© 2018 Visão Integral