SAAMUNƆ 95
95
Luda táakilɛna
1À mↄ́ wà pↄnna lɛ̀ sí Diinɛ,
wà guda dↄ Gbɛ̀si kɛ̀ è wa mì sía.
2Wà mↄ́ à aɛ wà à sáabu kpá,
wà lɛ̀ sí wà à táaki lɛ́.
3Zaakɛ Dii nɛ́ Luda kɛ̀ bítamɛ.
Kí bítamɛ, à dɛ dii píngila.
4Tↄↄtɛ zã̀ gĩzĩgĩzĩ kú à ↄzĩ,
kpii mìsↄ̃ntɛ̃nↄ nɛ́ à pↄ́mɛ.
5Ísia nɛ́ à pↄ́mɛ, zaakɛ à kɛ̀,
àmbe à tↄↄtɛ í kàsa kↄ̃n a ↄↄo.
6À mↄ́ wà kúɛ wà dↄnzi kɛ
wà daɛ Dii wa Kɛ̀ri aɛ.
7Zaakɛ àmbe wa Luda ũ,
à kpàsa gbɛ̃nↄn wa ũ,
à sãa kɛ̀ èe ń dãanↄ ũ.
Tó a à kòto mà gbã̀a,
8àton swãgbãaa kɛ
lán a dezinↄ kɛ̀ nà zaa Mɛribaro
ke Masa gurↄↄ kɛ̀ aↄ̃ↄ kú gbáan.
9Baa kɛ̀ aↄ̃ ma yãkɛnanↄ è,
aↄ̃ ma lɛ wà ma gwa gwe.
10Ben ma pↄ fɛ̃̀ gbɛ̃ pìnↄzi ai wɛ̃̀ baplaa,
ma bè gbɛ̃ sãsãnanↄn ń ũ,
aↄ̃ↄ ma zɛ́nↄ dↄ̃ro.
11Ben ma la dà ma pↄfɛ̃ guu ma bè,
aↄ̃é gɛ̃ ma kámmabokiinlo.
S'ha seleccionat:
SAAMUNƆ 95: BBB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bokobaru Bible with New Testament and OT Portions © Sim International, 2005.