SAAMUNƆ 84
84
Luda ua bɛgɛkɛna
Kora boriinↄ lɛ̀.
1N kúkii maa fá, Dii Zĩ̀kpɛde!
2Mɛ́ɛ Dii ua bɛgɛ kɛɛ ai guu e liima,
ma nini kↄ̃n ma mɛ̀o e lugaa Luda Wɛ̃̀ndidezi.
3Dii Zĩ̀kpɛde ma Kína ma Luda,
baa sã̀tɛ̃ sà dↄ̀ n gbãgbãkii saɛ,
taakaso kpɛ́ bò gwe à a nɛ́nↄ kàn.
4Aubarikadeenↄn gbɛ̃ kɛ̀ aↄ̃ↄ kú n ua guunↄ ũ,
aↄ̃ègↄ̃ n táaki lɛɛ gurↄ píngi.
5Aubarikadeenↄn gbɛ̃ kɛ̀ aↄ̃ gbãaan n ũunↄ ũ,
n ua gana yã kú ń swɛ̃̀ guu.
6Tó aↄ̃ↄe gɛ̃tɛɛ Baka guzurɛla,
è gↄ̃ lán guu kɛ̀ ibↄkiinↄ vĩi bà,
pↄ́tↄ̃gurↄ lou è tó aubarika dagula.
7Aↄ̃ gana guu aↄ̃ gbãaa ègↄ̃ kaaramɛ
ai aↄ̃ gá káo n kiia Zayↄn.
8Dii Luda Zĩ̀kpɛde, ǹ ma aduakɛna sí,
ǹ swã kpá ma yãzi, Yakubu Luda.
9Luda, ǹ kína kɛ̀ dɛ wa sɛngbango ũu gwa,
ǹ wɛ́ɛ gↄ̃ tɛ́ kí kɛ̀ ń kàzi.
10Kuuna n ua gurↄ doo maamɛ
dɛ kuuna gu pãndea gurↄ wàa sↄↄroola.
Ma Luda ua zɛ́dãkparikɛɛ sì
dɛ kuuna ua lɛdo kↄ̃n zaakɛrinↄola.
11Dii Ludaa dɛńnɛ ↄfãntɛ̃ kↄ̃n sɛngbangoo ũ,
Dii è gbɛ̃kɛɛ kɛńnɛ kↄ̃n bɛ̀ɛo,
è gí pↄ́ maaa kpá taarisaideenↄaziro.
12Dii Zĩ̀kpɛde,
aubarikadeen gbɛ̃ kɛ̀ èe n náanɛ kɛɛ ũ.
S'ha seleccionat:
SAAMUNƆ 84: BBB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bokobaru Bible with New Testament and OT Portions © Sim International, 2005.