SAAMUNƆ 60
60
Wé zĩ̀ ble kↄ̃n Luda gbãaao
Lɛ̀ kɛ̀ Dauda dà gurↄↄ kɛ̀ à zĩ̀ kà kↄ̃n Siria kɛ̀ aↄ̃ↄ kú Mɛsↄpↄtamia bùsun kↄ̃n Zoba bùsu guunↄ, ben Yoabu mↄ̀ à Ɛdↄmunↄ dɛ̀dɛ Guzurɛ Wisideen gↄ̃ↄn bↄrↄ kuri awɛɛplaa.
1Luda, n pↄ fɛ̃̀wazi,
n ↄ gbàrɛwazi n wa zĩnna.
Ǹ sↄkpa ǹ aɛ dↄwa sa.
2Ń tò wa bùsu nìgã ai à pàra.
Ǹ ɛara ǹ tata a gbɛ̀n,
zaakɛ à gↄ̃̀ kpámmɛ.
3Ń tò yã zĩ'ũu sù n gbɛ̃nↄa,
n wa kaka í gbãaao,
ben wée tàtaatataa boo.
4Mↄde n tuuta dↄ̀ n vĩakɛrinↄnɛ,
lɛ aↄ̃ e wà bↄ gbɛ̃nↄ ságana lɛ́zĩ.
5Ǹ wewala ǹ wa mì sí kↄ̃n n gã̀sã gbãaao
lɛ wamↄwa n gbɛ̃ yenzideenↄ e wà bↄ.
6Luda yã ò zaa a kúkiia à bè:
Mɛ́ Sɛkɛmu kpaatɛtɛ kↄ̃n zĩ̀blena wiiio,
mɛ́ gba da kↄ̃n Suko guzurɛo.
7Giliada bùsu nɛ́ ma pↄ́mɛ,
Manase boriinↄ bùsu nɛ́ ma pↄ́mɛ,
Ɛflaimu boriinↄ bùsu nɛ́ ma mↄ̀furamɛ,
Yudanↄ bùsu nɛ́ ma gòmɛ.
8Mↄabunↄ bùsu nɛ́ ma ↄpipibↄmɛ,
mɛɛ̀ ma kyatee káɛ Ɛdↄmunↄ bùsun,
mɛɛ̀ zĩ̀blewiii dↄ Filisitininↄ bùsua.
9Dé bé eé gɛ̃mao wɛ́tɛ bĩidee guuu?
Dé bé eé dↄmɛ aɛ ai Ɛdↄmunↄ bùsun?
10Luda, à dɛ ḿbe n ↄ gbàrɛwazi,
nɛɛ̀ bↄ kↄ̃n wa zĩ̀kpɛɛnↄ dↄroo?
11Ǹ ↄ dawa wa ibɛɛnↄ yãnzi,
zaakɛ gbɛ̃ntee dↄnlɛ nɛ́ yã pãamɛ.
12Wé zĩ̀ ble kↄ̃n Luda gbãaao,
àmbe eé kìti pá wa ibɛɛnↄa.
S'ha seleccionat:
SAAMUNƆ 60: BBB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bokobaru Bible with New Testament and OT Portions © Sim International, 2005.