SAAMUNƆ 56
56
Zĩndakpana Ludaa
Lɛ̀ kɛ̀ Dauda dà gurↄↄ kɛ̀ Filisitininↄ à kũ̀ zaa Gata.
1Ǹ ma wɛ̃nda gwa Luda, wèe pɛɛɛmazi,
wègↄ̃ zĩ̀ kaamao wàgↄ̃ wɛ́ɛ tãama gurↄ píngi.
2Ma kpàkparinↄ ègↄ̃ pɛɛɛmazi gurↄ píngi,
aↄ̃ wada yãnzin aↄ̃ↄe zĩ̀ kaamaozi.
3Tó vĩa e ma kũu, mɛ́ n náanɛ kɛ.
4Mɛ́ Luda tↄ́ kpá yã kɛ̀ à ò yãnzi,
má Luda náanɛ vĩ, mɛ́ vĩa kɛro.
Bↄ́n gbɛ̃ntee é fↄ̃ à kɛmɛɛ?
5Aↄ̃ègↄ̃ ma yã liɛɛ kpɛɛgãnda gurↄ píngi,
aↄ̃ègↄ̃ ma kpákpaa à zaaao.
6Aↄ̃è kↄ̃ kakↄ̃amazi wà naɛmɛ,
aↄ̃è ma kpákpa wàgↄ̃ yezi wà ma dɛ.
7Luda, ǹton tó aↄ̃ gbɛ̃ke bↄro,
ǹ boriinↄ nɛ kↄ̃n pↄfɛ̃o.
8Ǹ ma nawɛ̃a yã da,
ǹ ma wɛ́ɛ'ikwɛɛna ká n sɛ̀rɛ guu.
À kú n takada guuroo?
9Tó ma Luda sìsi,
ma ibɛɛnↄ é bↄru kpɛɛ,
mɛ́gↄ̃ dↄ̃ kɛ̀ à yã sìmao.
10Mɛ́ Luda tↄ́ kpá yã kɛ̀ à ò yãnzi,
ee, mɛ́ Dii tↄ́ kpá yã pì ona yãnzi.
11Má Luda náanɛ vĩ, mɛ́ vĩa kɛro.
Bↄ́n gbɛ̃ntee é fↄ̃ à kɛmɛɛ?
12Luda, mɛ́ lù kɛ̀ má sɛ̀mmaanↄ fĩa bo,
mɛ́ kɛnnakↄ̃o saa omma.
13Zaakɛ n ma si gaa lɛ́zĩ, nɛ́ɛ tó ma gɛ̃̀n sìro,
lɛ màgↄ̃ táa oonyo gupuraa kɛ̀ è wɛ̃̀ndi kpáḿma guu.
S'ha seleccionat:
SAAMUNƆ 56: BBB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bokobaru Bible with New Testament and OT Portions © Sim International, 2005.