SAAMUNƆ 42
42
Zĩ̀zↄ ↄ́ↄdↄna
Kora boriinↄ lɛ̀.
1Lán zↄ̃ ègↄ̃ swasaɛ ni dɛɛ nà,
lɛn n nii kú ma swɛ̃̀n lɛ, Luda.
2Ma ninii e Luda ni dɛɛ, Luda Wɛ̃̀ndide pì,
bↄrɛn mɛ́ e mà gá wɛ́ɛ siàlɛɛ?
3Wɛ́ɛ'i bé à gↄ̃̀ ma pↄ́blee ũ
fãantɛ̃ kↄ̃n gwãavĩo.
Wègↄ̃ beemɛ gurↄ píngi:
N Ludaa kú mámɛee?
4Ma nↄ̀sɛ wɛ̃̀nnɛ, ben yã kɛ̀kiinↄ dↄ̀magu,
lán mɛɛ̀ gá parii guu nà ai Luda ua,
gbɛ̃nↄ ègↄ̃ tɛ́tɛ ma kpɛɛ kↄ̃n gudakɛnao,
zĩbaakɛrinↄ ègↄ̃ tɛ́ ma kpɛɛ kↄ̃n sáabukpanao.
5Bↄ́yãnzin ma nↄ̀sɛ yàkazi?
À kɛ̀ dia ma làakari fɛ̀ɛɛ?
Séde màgↄ̃ wɛ́ɛ dↄↄ Ludazi,
zaakɛ mɛ́ ɛara màgↄ̃ à sáabu kpaa,
ma Mìsiri, ma Luda.
6Ma nↄ̀sɛ yàka, ben n yã dↄ̀magu
zaa Miza kpiigɛɛzi ai Yoda mìa,
zaa Ɛmↄni gbɛ̀nↄ musu.
7Nɛɛ̀ tó ísↄ̃pɛɛna kĩi gↄ̃ dↄ,
í lↄ̀nↄↄ e lɛ́ zuukↄ̃zi.
Ń tò í e daamala,
à sↄ̃ e taamao.
8Dii è yenzi ↄdↄamɛ fãantɛ̃,
à lɛ̀ ègↄ̃ da ma lɛ́n gwãavĩ,
mɛ́ɛ wɛ́ɛ kɛɛ Luda kɛ̀ dɛ ma wɛ̃̀ndi ũua.
9Mɛɛ̀ be Luda ma gbɛ̀sinɛ:
Bↄ́yãnzin ma yã sã̀nguzi?
À kɛ̀ dia ń tò màgↄ̃ tɛ́ kↄ̃n pↄsiaao
ma ibɛɛ wɛ́ɛtãmma yãnzii?
10Ma ĩadammarinↄ è ma sↄ̃sↄ̃,
beee yãnzi ma wánↄ ègↄ̃ wii,
aↄ̃ègↄ̃ beemɛ gurↄ píngi:
N Ludaa kú mámɛee?
11Bↄ́yãnzin ma nↄ̀sɛ yàkazi?
À kɛ̀ dia ma làakari fɛ̀ɛɛ?
Séde màgↄ̃ wɛ́ɛ dↄↄ Ludazi,
zaakɛ mɛ́ ɛara màgↄ̃ à sáabu kpaa,
ma Mìsiri, ma Luda.
S'ha seleccionat:
SAAMUNƆ 42: BBB
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Bokobaru Bible with New Testament and OT Portions © Sim International, 2005.