Isaiah 42
42
1Ataniq uqaqtuq, “Takuluhiuk kivgara ilagigapku; pilluaqhimajara uummatima aliagingmani. Taffumunga anirnira tunigapku tamna takupkainiaqtuq ihuaqtumik nunaqatigiinun. 2Tamnali nipiqquqtujumik tuqhulaurunaittuq pihukvingmi nipaa tuhaaqunagu. 3Nuglualu piritpan ahirulimaiqtaa, qullirmilu qipliqtaqtuq qaminngittuq ikumapkaqhugu, ihuaqtumiglu naunaiqhungujuq. 4Havaktakhaminik ipiraijunaiqtuq nutqarumanngitkipluni nunaum inungit ihuaqtumik piqarniarutainnun; inuillu ungahiktumiittun tunihiviutinagit pitqujainnik.” 5God, Ataniq hanajiujuq qilangmik nunamiglu tamainniglu iliplugit; anirnikhaktittugit inuit tuniplugit anirnimik nunamiittunun. 6Aahiin God uqarmijuq, “Ataniugama qaitqujagin ihuaqtumik, tahiuqhimaplutillu munariplutin. Ilipkun uqariijautitka inuit tunihiplunga qaumanirmik nunaqatigiinnun, 7takpiittun tautuliquplugit, itiqtauhimajun itiqtauvini anipkaqtitauquplugit, itiqtauviit taaqhivangmata. 8Ataniujunga uvanga atiqaqhunga ‘Atanirmik’; uvamnin godinguat hanahimajun nangaqtaujariakhaittun qujagijauttaililugillu.”
S'ha seleccionat:
Isaiah 42: AQ
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Canadian Bible Society
Més informació sobre Atuutit Qin'ngautillu