Rom‑dãmbã 7
7
Kiris tẽed ne tõogo
1M ba-biisi, mam gomda ne neb sẽn mi tõogo: Yãmb zɩ tɩ tõog loeta ned a yõor tɛk laa? 2Woto, pag sã n kuil sɩda, tõogã loee yẽndã ne a sɩdã a sɩdã yõor tɛka. La sɩdã sã n ki, tõog ning sẽn dag n loe-a ne a sɩdã yii n bas-a lame. 3Dẽ, a sɩdã sã n ket n vɩ, t'a lebg rao a to paga, b na n bool-a lame tɩ pʋg-yoodre. La a sɩdã sã n ki, a paama yolsg ne tõogã. Dẽ, a sã n lebg ned a to paga, a ka pʋg-yoodr ye. 4Woto me m ba-biisi, yãmb yaa kũum, sã n yaa ne tõogã yelle, Kiris yĩngã maasem yĩnga, n na n lebg ned a to rẽnda, soab ning sẽn vʋʋg n yi kũum sʋka, tɩ tõnd na wom biis Wẽnnaam yĩngã. 5Bala, wakat ning yĩngã ratmã sẽn dag n so tõndã, tõogã kɩtame tɩ yel-wẽnã ratem yik n dag n tʋmd tõnd yĩngã wil pʋsẽ, n kɩtdẽ tɩ tõnd womd biis sẽn wat ne kũum. 6La moasã, b yiisa tõnd tõogã yembd pʋgẽ, bala, tõnd yaa kũum ne bũmb nins sẽn dag gãd tõnd yembd pʋgẽ wã, tɩ tõnd Wẽnnaamã sakr yaa sɩɩgã tõog pʋgẽ, sẽn yaa tõ-paalgã, la ka leb n yaa tõ-kʋdgã sẽn gʋlsã pʋgẽ ye.
Tõogo la yel-wẽna
7 #
Yik 20.17, Tõ 5.21 Dẽ, tõnd na n yeelame tɩ bõe? Tõogã yaa yel-wẽnd la? Yaa vẽeneg tɩ ayo. La mam ka bãng yel-wẽn sẽn ya bũmb ninga, sã n ka tõogã maasem yĩng ye. Tõogã sã n dag n ka yeelẽ tɩ: «Da maan sũ-kiir ye», mam dag n kõn bãng sũ-kiir sẽn yaa a soab ye. 8La yel-wẽnã paama tõogã sẽn yeelã, n na n kɩt tɩ sũ-kiir buud fãa kẽ maam. Sɩdã, tõog sã n kaẽ, yel-wẽnã ka vɩ ye. 9Ne maam, pĩnda, tõogã sẽn dag n ka be wã, mam dag n vɩɩme. La tõogã sẽn wa wã, yel-wẽnã paama vɩɩm, tɩ mam ki. 10Woto, tõogã sẽn da tog n wa ne vɩɩmã, waa ne kũum mam yĩnga. 11#Sɩng 3.13Bala, yel-wẽnã sẽn paam weerã, a talla tõogã n belg maam n tõoge, la a talla tõogã n kɩt tɩ mam ki. 12Woto, tõogã yaa bõn-sõngo, noyã me yaa bõn-sõamyã, n yaa tɩrse la sõama. 13Dẽ yĩngã, bũmb ning sẽn yaa sõama wã lebga kũum mam yĩng bɩ? Yaa vẽeneg tɩ ayo. La sẽn na yɩlg tɩ yel-wẽnã puk a meng n wilg t'a yaa yel-wẽnã, a talla bõn-sõng n wa ne kũum mam yĩnga, tɩ tõogã maasem yĩnga, yel-wẽnã pãng na puk a wẽngã fãa pʋgẽ.
14Sɩd me, tõnd miime tɩ tõogã yaa sɩɩg bũmbu. La mam yaa yĩnga, yel-wẽn sẽn so n maand a sẽn dat ne. 15#Gal 5.17Bala, bũmb nins mam sẽn maandã, mam ka wʋmd b võor ye. Mam sẽn dat n maan bũmb ninsã, mam ka maand ye, la mam yaool n maanda bũmb nins mam sẽn kisã. 16Mam sã n maanda m sẽn ka rata, mam sẽn yetã zemsda ne tõogã sẽn yetã, tɩ tõogã yaa bõn-sõngo. 17Moasã, ka leb n yaa maam n maand bõn-kãens ye, la yaa yel-wẽnã sẽn be mam pʋgẽ wã. 18Bala, mam miime tɩ bõn-sõng ka be mam pʋgẽ, mam yĩngã pʋgẽ ye. Bala, mam tõe n paama datem tɩ maan neere, la m ka tar pãn-tõog tɩ maan-a ye. 19Mam ka maand neer ning mam sẽn datã ye, la m maanda wẽng ning m sẽn ka ratã. 20Mam sã n maand m sẽn ka ratã, ka leb n yaa maam n maand ye, la yaa yel-wẽnã sẽn be mam pʋgẽ wã. 21Mam sẽn dat n maan neerã, mam mikame tɩ tõ-kãngã n be ne maam: Wẽng n yegd maam. 22Mam sũurã zĩ-zulungẽ wã, mam sũ-noog bee ne Wẽnnaam tõodã. 23La mam yãta tõog a to mam yĩnga wilẽ, t'a maood ne mam yam-wekrã tõogã, n kɩtd tɩ mam ya yel-wẽnã sẽn be mam yĩngã wilẽ wã tõog yamba. 24Mam yaa nĩmbãan-neda. Ãnda n na n yiis maam yĩn-kãngã sẽn yaa kũumã nugẽ? 25Bɩ d pʋʋs Wẽnnaam bark tõnd Zu-soab a Zeezi Kiris maasem yĩnga.
Woto, ne mam yam-wekre, mam yaa Wẽnnaam tõogã yamba, la sã n yaa ne mam yĩngã, mam yaa yel-wẽnã tõog yamba.
S'ha seleccionat:
Rom‑dãmbã 7: MPBU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.