Rom‑dãmbã 10
10
Tẽeb gomd sẽn wat ne fãagr
1M ba-biisi, mam sũurã raabo, la mam bõosg ne Wẽnnaam b yĩng yaa tɩ b paam fãagre. 2Bala, mam kɩta bãmb kaset n yetẽ tɩ b tara ratem wʋsg Wẽnnaam yĩnga, la b ka tar bãngr ye. 3Bãmb sẽn zɩ Wẽnnaam tɩrlmã yellã, la b rat n zĩndg b meng tɩrlmã, b ka sak n tũ Wẽnnaam tɩrlmã ye. 4Bala, Kiris yaa tõogã baoosg zĩiga, tɩ ned ning fãa sẽn tẽed na paam tɩrlem.
5 #
Mk 18.5
Sɩd me, a Moyiis gʋlsa tɩrlem ning tõogã sẽn wat ne wã yell n yeele:
Ned sã n maan wa tõogã sẽn yeelã,
tõogã na kɩt t'a vɩɩmde.
6 #
Tõ 30.12-14
La tɩrlem ning tẽeb sẽn wat ne wã yeta a woto:
Da tags f sũurẽ tɩ:
Ãnda n na n dʋ arzãna?
A rʋʋb yaa tɩ sigs Kirisã be. 7Wall
ãnda n na n sig bog-zulungã pʋgẽ?
A sigb yaa tɩ tak Kiris n yiis kɩɩm-kulgu. 8Sã n yaa a woto, tẽebã yetame tɩ bõe?
Gomdã pẽe foom, a bee fo noorẽ la f sũurẽ.
Yaool n yaa tẽeb gomdã la tõnd moonda. 9Fo sã n kɩs Zu-soab a Zeezi kaset ne f noore, la fo sã n tẽ f sũurẽ tɩ Wẽnnaam vʋʋga bãmb n yiis kũum sʋka, fo na paam fãagre. 10Bala, yaa ned sẽn na n tar tẽeb a sũurẽ la a paamd tɩrlem, la yaa ned sẽn na n kɩs kaset ne a no-goam la a paamd fãagre,
11wa Wẽnnaam gʋls-sõamyã sẽn yetã: #Eza 28.16Ned ning fãa sẽn tẽed bãmb kõn paam yãnd ye.
12Sɩd me, welgr ka be Zʋɩf ne Gɛrk sʋk ye: B fãa tara Zu-soab a yembr sẽn maand neb nins fãa sẽn boond bãmbã neer wʋsgo. 13#Zow 3.5Bala,
ned ning fãa sẽn na n bool Zu-soabã yʋʋr
na n paama fãagre.
Koe-noogã yõodo
14La bãmb na n yɩɩ a wãn n bool ned ning b sẽn ka tẽedã yʋʋre? La b na n yɩɩ a wãn n tẽ ned tɩ b ka wʋm tɩ b gomd a yelle? La b na n yɩɩ a wãn n wʋm tɩ b gomd a yelle, koe-moaandb sã n ka beẽ? 15#Eza 52.7La koe-moaandb na n yɩɩ wãn n zĩndi, ned sã n ka tʋm-ba? Wa b sẽn gʋlsã:
Neb nins sẽn moond koe-noogã nao tara rasãnde.
16 #
Eza 53.1
La ka nebã fãa n sak koe-noogã ye. Dẽ n kɩt t'a Ezayi yeel yaa:
Zu-soaba, ãnda n tẽ tõnd sẽn togsã?
17Woto, yaa bũmb ning ned sẽn wʋmdã n wat ne tẽebo, la bũmb ning a sẽn wʋmdã yita Kiris goamã pʋgẽ.
18 #
Yɩɩn 19.5
La mam sokdame tɩ b ka wʋm la? B wʋm yã!
Bãmb koɛɛg saaga tẽn-tõrã,
la bãmb goamã taa dũni tɛk fãa.
19 #
Tõ 32.21
La mam sokdame tɩ Israyɛll nebã ka bãng la? A Moyiis n yɩ pipi n yeel yaa:
Mam na n kɩtame tɩ neb sẽn ka soolem sũ-kiir yõk yãmba,
la mam na n dɩka buud sẽn ka tar yam vẽnegre,
n kɩt tɩ yãmb sũyã yiki.
20 #
Eza 65.1
La a Ezayi pʋs n paama raood n yeele:
Neb nins sẽn dag n ka baood maamã yãnda maam.
La mam puka m meng ne neb nins sẽn dag n ka sokd mam yellã.
21 #
Eza 65.2
La a goma Israyɛll yell n yeele:
Daarã tõre, mam tẽega m nusi,
n tees neb sẽn yaa kɩɩsdba,
la no-koeem-wẽedba.
S'ha seleccionat:
Rom‑dãmbã 10: MPBU
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
Moore Bible © Bible Society of Burkina Faso, 2014.