USUKUYONY 8
8
Muuri wa Mfungare
1Na kyeeri aleporomwa muuri wa mfungare, kukava kimammya sau iruveu ando a kyenga kya saa. 2Na yeny shalollya vasu valya vasalala mbee ya Iruva, nawo vakaniingyo maranda mfungare. 3Naasa ungyi kasha kasalala yoo mbee ya kitara kya irasya, erye kipete kya saabu, kaniingyo miri ifwaamaa, naambo nasande ando amwi na fiterewo fya veele yoo uwe ya kitara kya saabu kya irasya, yeyo ikee mbee ya kitima kya itumbe. 4Nsu wa miri ilya ifwaamaa ukasaama ukafikya Iruva ando amwi na fiterewo fya veele, fyuuka wokony lwa nsu ulya. 5Na Nnsu yeto kaipoo kipete kilya kakiishura muro wa kitara kyeerasya, kaufwallya kunu urukeeny, kukava-fo ukova na iruruma na unyanga uniini na kimwii na kidina-si.
Iranda
6Na vasu valya mfungare varye maranda mfungare vakakudeesya yaakapa.
7Nnsu wa mbee kakapa iranda, mmbwa ya masaawe na muro fisasangyi na samu, fikeerwa urukeny; kyenga kya kararu kya uruka kyikasarumya, na mooro mmbisi moose ukasarumya.
8Nnsu wa kavii kakapa iranda, kukalollyo-u kindo kivakye ifumbu yaasha lyishakaa muro kyikeerwa yeeveny, kyenga kya kararu kya yeeve kyikava samu. 9Kyenga kya kararu kya findo fikee yeeveny fikafwa na kyenga kya kararu kya ngalava kikalyamarwa.
10Nnsu wa kararu kakapa iranda, nyinyiri imwi niini ikawa yuuka iruveu, iishakaa sha taa, ikawoya kyenga kya kararu kya mira, na ngyusoka ta mura. 11Na irina lya nyinyiri ilya ni Kivawo; kyenga kya kararu kya mura kikavava deny, na vandu veengyi vakafwa kyeendwa mmura yeto.
12Nnsu wa kaana kakapa iranda, kyenga kya kararu kya nkyeere kikakapwa, na kya mwiiri na kya nyinyiri, fyenga efyo fya kararu fikava ireema, nsanyiny kyenga kya kararu uve ireema na kio nakyo.
13Numa ya vayo shalollya na sheeta uviri lwiirumbukaa efo iruveu, lukaamba na unyanga waasha, “Oshiny, oshiny oshiny lwa yewo vakee ulaniny, kimaruma kya ngyunyanga ta maranda a vasu vararu eto tisaaye-fo, nawo vankudeesya itikapa.”
S'ha seleccionat:
USUKUYONY 8: MAS2
Subratllat
Copia
Compara
Comparteix
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.