VAEFESO 2
2
Yuuka ufuny nekooya muu
1Neeni mmbo mwekee vafu kimaruma kya maravi na ngyulyamari tany. 2Tilya muleva veetana mwiisoraa mikaaye ya ulana. Mwisoraa mangyi yeyo ya nginiiu-te, mmbwe mumuyo yeto akeerunda mashora a yaallwa vandu filemi. 3Yewo naakwa ni yese lweekee nnang'ani yaawo elyo mbee, efo langony ta miili yeeru, llya luleinutya lango ta nrima na mwiili, ngaa teru tikava tefuluta unyafi shaasa yewo vengyi vekai. 4Kyaindi we Iruva kimmba akee nnu mwiilyillya, alelukunda ikunda iniini nnu. 5Kyeeri kilya yese lwekee vafu kyeendwa ni maravi, mmbo aleluruta ando amwi na Kristo, nkyo kyaamba mmbo mulekirwa kya isarya yeni. 6Kaluruta ando amwi nawe-sho, kaluvika ando amwi nawe efo ulaniny llwa lwa kimumuyo lukee na Kristo Yesu. 7Naambo fyeeri efi fishaa naore isarya lyakwe paa yelyo lyiilannyi kyeeso kya usha lwakwe kweru yese kwi Kristo Yesu. 8Mashika mmbo mukee vakire kwi isarya kyeendwa ni kikusiryo, nakyo nkilemmya kwany yeni-fo, ni simbo ya Iruva muni. 9Nta nnyileendwa mmashora mesha-fo, nta kulasheeva-fo nndu akurosa. 10Mashika yese mmbo lukee mashora a maako akwe, mmbo luleumbwa kyuuka na Kristo Yesu naambo lurunde mashora mesha yoo Iruva aleludeesya uka elyo mbee naambo luarunde.
Iva vamwi kwi Kristo
11Kimmba ni indo kummbweny sheelyi yeni mwekee vandu va masanga elyo kasha, yeni mukeevaangwa mmukee varini na valya vakee varini, urini yelo lwa mwiiliny. 12Kasha ekyo mmwetiri Kristo-fo, mmbo mweraukani na vandu va Iruva, mukava sha veny valakwaani na kyaasa kilya. Mmweetiri kindo muvikye nsia-fo, mmweetiri Iruva yaa ulaniny-fo. 13Kyaindi ulaalu kimmba mutiri Kristo, yeni elyo mbee mwekee kwaasha ulaalu mmbo mwammendwa kufii nsamu ya Kristo. 14Mashika we mbwe urilalyi lweru, yese lwekee maronda avii lukava vamwi, kasammbwa isimamba lya lyelwaavye kavii. 15Na llya alemaa yuuta-u ukiduva yelo na mwiili wakwe, kafisha finya ya uvavaso na mavavasyo naambo nalunge vandu woose vave ufyari wiiya lwakwe, kavasimba urilalyi. 16Kasanda woose na Iruva, kyuuka na mwiili umwi alya nsalabeny, kamaa ukiduva loose na ishora elyo lya nsalaba. 17Kashemongoya yeni mbony ta urilalyi yeni mwekee kwaasha, kiwo na yewo vekee kufii. 18Mashika kyeendwa mmbwe yese loose mmbo lulewona mwaanya wa iserikya Iruva Nde kwi Mumuyo yeto umwi. 19Kyasiany, kimmba ni indo, mmukyikee veny nta vandu vakee iira-fo, mmbo mwammba veni kyeny ando amwi na veele, vandu va kyeny kwa Iruva. 20Mmbo mukee vavike yoo uvasheny lwa varumi na vakisuku na Yesu Kristo we muni ni iwe lya ndumba. 21Yoo kwakwe nng'u mmba shoose yalungwa nisha kutani yava mmba sheele ya Iruva kyeendwa ni Nndumi muni. 22Yoo kwakwe yeni mmbo mukee valunge ando amwi muve mmba ya Iruva ya ngata ya Mumuyo.
S'ha seleccionat:
VAEFESO 2: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.