2 VAKORINTO 10
10
Paulo akapannya urundi lwakwe
1Kyasia, yeny Paulo shimuni shamutereva na ufoo na waarya lwa Kristo; yeny shikunyiisye indo shikee neeni, kyaindi shilaiyo mmbo shitiri ukaari uniini; 2yee, mmbo shikundye kwakooya shiiyo, shilave na ukaari kwa yewo valulollye sheelyi yese mmbo lukeesora findo fya mwiili. 3Mashika na kyikava lukee na mwiili, lyo fira yeeru nshi ya mwiili-fo. 4Mashika fisha fya fira yeeru nshi fya mwiili-fo, mmbo fitiri wiidimi lwa Iruva kutani fyaidima iwunndwa turuve. 5Lukavika makusaro si na wo kindo kikurosye, kikurosaa uwe ya urango lwa Iruva; neese lukammiidima iwara wo ikusaro naambo lyiindye Kristo. 6Neese lukankunda isisya maravi moose, wiindi lwany lushaawukyaa. 7Loleny efyo fikee yoo mbee ya miso any. Nndu kankuvika nsia we muni sheelyi mmbo akee nndu wa Kristo, navekusara indi we muni, sheelyi shaasa we akee wa Kristo, neese-da ni kiwo. 8Mashika naakwa shakurumisha shimuni mmwasi kinnywa, kimaruma kya wiidimi shikeeniinge ni Nndumi, naambo shiidimi imuvangisa, nta nshi imutuula-fo, naakwa ni indo nshikuryaa-fo. 9Kilasheeva sheelyi mmbo shikundye imumatwa na barrwa takwa. 10Mashika mmbo mukee yaamba, barrwa takwe nshiroo, nshikaari, llyo eiyo we muni ni mfwafwa, na marero akwe nshi kindo-fo. 11Nndu sha yeto nakusare indi, shaasa lulollywa efo barrweny lulaiyoo, niindo da luvekai efo mitanyiny yeeru kyeeri lwiiyo.
12Mashika llukaryaa isanga ando amwi neewo vekurosa wo veni-fo, nta ikwiinanisa nawo-fo, kyaindi wo veni vakankulolalola shaasa vakai, neekwiinanisa wo veni na veni, naasa mmbo vakooya mmbatiri urango-fo. 13Lyo yese llukurumishaa kiilanyi mwiina weru-fo lukeveesye ni Iruva-fo, nkyo kyeeso kyeefika kwany. 14Mashika nta llushidimaa ikurosa luveni ngota elyi lukai-fo, kive sheelyi lulafye sheeni-fo, mashika lulesongwa ifikaa kwany na Nrumi ya Nsia ya Kristo. 15Nta llukurumishaa kiilanyi mwiina weru-fo, yee, efo ngatareny ta vandu vengyi, kyaindi lwivikye nsia sheelyi elyi kyikusiryo kyany king'anaa, mmbo lung'aniswaa efo kwany shaasa kilusumanyi, na yeengerya-u; 16kutani lushaambaa Nrumi ya Nsia fika ngyurukeny yeto tiirye efo kwany, lulasheekurumisha na kyeeso kya nndu ungyi kya findo filya fisongosie. 17Lyo mwikurumisha nakurumishe ekee na Nndumi. 18Mashika lyo nndu mwiriikyo nshi yeto akurumisha-fo, kuuta ni yeto arumishwa ni Nndumi muni.
S'ha seleccionat:
2 VAKORINTO 10: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.