1 VAKORINTO 9
9
Ishora lya Varume
1A ndesa yeny shikee lleke-se? Shivekee nrumi se? A-yeny shilelollya Yesu Nndumi weeru se? A-yeni nshi mashora akwa kwi irina lya Nndumi se? 2Mashika kwakooya kwa vengyi shilakee nrumi, lyo kwany yeni shikee nrumi, mashika nyeni mukee kiringisyo kya usu lwakwa efo kwa Nndumi. 3Ekyo nkyo kirouwo kyakwa kwa valya valeshivesa. 4A-mmbo lulatiri wiidimi lwa ilya na ina? 5A-mmbo lulatiri wiidimi lwa ipoo nka airikye Nndumi shaasa na varumi yewo vengyi valetana, wo vanavamaye va Nndumi, na Kefa-da? 6Aa-niinda! Ni yeny shimuni na Barnaba lulatiri wiidimi lwa ira irunda. 7Ni nsikari ungau kyeeri kyoose alemmenda fireny kwa urundi lwakwe we muni? Ni-vi yeto avaayaa misabibu nare nalalya ndunda ta vayo? Ao-ni vi ashiisaa ironda lyakwe lya findo, nare nalana malela a vayo? 8A-mmbo sharera efyo kivandu? A-uvavaso nalo nshi efyo fyeni lwarera? 9Mashika efo uvavasony lwa Mose kyikee kyireiye kyeyaamba. Kulasheefinga ng'umbe kana kyeeri ikeesa nganu. A-ndesa yoo Iruva mmbo akeelola mbony ta ng'umbe sheni? 10A-nshi dede ni mbony teru arera? Yee, mmbo tikee shireiye kimaruma kyeru. Mashika yeto akeerema fimu mmbo akee irema evikye nsia, neeto asaa mmbo avikye nsia wa iwonisa-u waavi lwakwe. 11Kwakooya yese lulemuvaaya mbeu ta nriminy, a-nkindo kilavaa kwakooya lwailula-u findo fya mwiiliny? 12Na kwakooya vengyi vakeewarya-u wiidimi elu yoo kwany yeni, a-yese nshi mmwasi, kyaindi yese llulewarya wiidimi elo-fo. Indi mmbo lwasisirya fyoose naambo lulafofise Nrumi ya Nsia ya Kristo. 13A-mmbo mulaishi sheelyi valya varundaa mmba ya Iruva mmbo valyee findo fya vayo, na valya varundyaa yoo kitareny kyerasya mmbo vawonisa-u waavi lwawo? 14Na Nndumi nawe ni indo avavasye, valya veamba Nrumi ya Nsia vawonise imutu lyawo lyuuka efo Nruminy ya Nsia. 15Lyo yeny nshiletana indo-fo. Nta nshikeereiya indo naambo kive indo kwakwa-fo. Mashika ni kyeni yeny shifwe ngota elyi nndu moose afofisaa nnduma wakwa. 16Mashika lla elyi shikeyaamba Nrumi ya Nsia, nshitiri kyeekurumisha-fo, mashika shikeembikye ivavaso, neeny oshiny lwakwa shanra shilaamba Nrumi ya Nsia! 17Mashika shiwonisaa ikiiyo kwakooya sharunda ishora elyi na nrima, lyo shanra shilarunda na nrima, lyo shikee nrambikye ungari. 18Kyasiany, ikiiyo lyakwa llyo lyingalyi? Llyo elyi, kyeeri shikeamba Nrumi ya Nsia na nrima moose. 19Mashika, lla elyi shileva lleke kwa vandu woose, mmbo shileva ishinga kwa woose, naambo shiwonise vandu veengyi mmwasi. 20Kwa Vayuda mmbo shileva sha Myuda, naambo shiwonise Vayuda. Na kwa valya vekee si ya mavavaso, shava sheelyi shikee si ya mavavaso (Lla elyi yeny shimuni shilakee si ya mavavaso), naambo shiwonise valya vakee si ya mavavaso. 21Kwa valya valatiri uvavaso shava neeny sheelyi shilatiri uvavaso (nshi sheelyi shilatiri uvavaso mbee ya Iruva-fo, kyaindi mbee ya Kristo shitiri uvavaso), naambo tupu shiwonise yewo valatiri uvavaso. 22Shaveva sha mfwafwa kwa yewo vakee vafwafwa, naambo tupu shiwonise vafwafwa. Mmbo shileva ngata toose kwa vandu woose, naambo na shia yeto toose shikooye ikira vandu. 23Neeny mmbo shatana findo fyoose kimaruma kya Nrumi ya Nsia naambo shiyaavye na vengyi. 24A-mmbo mulaishi sheelyi valya vavakyanaa irisha, woose mmbo varisha kyaindi mwiwarya uvingyi ni umwi-nsi? Naasa risheny indo-da naambo muwonise. 25Na wo nndu mwivakyana efo fitavanuny mmbo akwiima findo fyoose. Yewo mmbo vatanaa indo naambo vawarye ureto yelo lulyamarikaa. Lyo lyo yese mmbo luwaryaa ureto lulalyamarikaa. 26Neeny mmbo shiifo shirishaa indo, nshi sha mwiikapa ing'ana-fo, mmbo shikeekapana ng'unde, nshi sha nndu akapaa uraato-fo. 27Mmbo shikeesisya mwiili wakwa na iuvinisa naambo kilasheeva elyi shammaa yoongoya vengyi mbony, ate yeny shimuni nsheva nndu wa ilemika.
S'ha seleccionat:
1 VAKORINTO 9: MAS2
Subratllat
Comparteix
Compara
Copia
Vols que els teus subratllats es desin a tots els teus dispositius? Registra't o inicia sessió
The Holy Bible in Kimashami © Bible Society of Tanzania, 2016.